¹ Keo Jesu o ambaula ku ungi no anu na kwa lutiwa ae, ² Na kwamba ngao, ''Añoli na Mafalisi ana tomana mu sipula sa Mushe. ³ ''Kona kuli yoshe ei amba ngao mutende mu ikoñele na ku itenda kono ko muna tenda kutha mu misebethi thoo,kakuli atwesa kwamba kono ku tenda kame nje. ⁴ ''A manga emithithi no ku lema yonene,ethikalupa kuthishimba,kuthitweka anu pa mapee; kono awo nje ku twesa kuthi shenyisa shiwana munwe umweya. ⁵ ''Kono e misebethi tho thaku tendela ao anu a mone. Atundupisa na ku nenepisa e minganja no ikumango yoo. ⁶ ''A wapela itulo ikulu mu nako no ilya,na ipula eiwa ali mu masinagoge. ⁷ ''Na ku lumelisiwa mu mukulo mane na ku isaniwa kwanu ngao, 'Rabbi,Rabbi; ⁸ ''Kono omwe ko munesaniwa ngao 'Rabbi; kakuli o muluti wenu o mweya,oye Kelesite,kame moshe mwana amweya. ⁹ Ko munaisana munu pano pashi ngao tate. Kakuli oiwenu omweyambu,oyu li kuwilu. ¹⁰ ''Kame ko mu nesaniwa ngao Aluti; kakuli o muluti omweya,oye Kelesite. ¹¹ Kono o munene mu kachi kenu,a piluke oye yo mupika wenu. ¹² O munu yoshe oyu kutuleka yofochi mwa shiyekiwa;kono oyu shiyama yofochi mwa tulekiwa. ¹³ Kono o umai wenu mwa ñoli na Mafalisi omwe no uku monalisa.Kakuli mwa yanthela a kwenu o mubuso no ku wilu;Omwe kwingena mo nje kame ku tenekela akwenu ngao e ngene nje. ¹⁴ Oumai wenu mwa luti na ,Omwe no ukuonalisas;kakuli mwa yometha a manthuwo no akathi no kufela alume mu ukwonga,mwa lapela nakonthile thile.kono kuli mo muwana ekatulo no kunyandithia yonene. ¹⁵ Oumai wenu mwa ñoli na mafalisi,ano uku monalisa;mwa enda pa mulundu na mu liwate ngao muane mu proselite omweya ngao apa mu mana ku muwana,keo mu mupilule mwana no mueli twili,wetini omwe. ¹⁶ O umai wenu,omwe no ku endisa ano kufa a meo omwe mamba ngao, yoshe oyu etha ku kutusisa etempele,kakuli ukalu kao;kono yoshe oyu etha kuku tusisa e gauda no mutempele,a mangiwe.' ¹⁷ Mwa yanganu na no kufa ameo! Esinene sipi? Egauda kapa etempele ethi thi tusa ku kenisa egauda? ¹⁸ ''Kame,yoshe oyuetha kukutusia aletare,njeko ukalu;kono yoshe oyu etha kukutisa esi sinapiwa pa aletare,a mangiwe.' ¹⁹ Mayanganu namwe no kufa a meo kandi e sinene sipi,esi sinapiwa kapa e aletare ethi thi tusa ku kenisa esi sinapiwa? ²⁰ Koa kuli yoshe oyu etha ku kutusisa e aletare,a etha ngeyo na yoshe ei ili pa aletare. ²¹ Oyu yoshe o etha ku kutusisa etempele athietha ngeyo,ku waneka oyu li mukachi no tempele. ²² Kame oyu yoshe o etha ku kutusisa e liwilu, a etha ngeyo na lubona lwa Mulimu mane na kuwaneka o mi nyae oyu na tomana pa lubona. ²³ O umai wenu mwa ñoli na mafalisi,omwe no ukumonalisa! kakuli mwa tundisa e simweya so ulishumi sa mintha na anisi na kumini mi ko mukwite taba na mulao nomu siweitela esinu kao. Wetini omu ku lukanela musishemo mane na muku sepala mo mu na lukele ku tenda ngeyo, kupita ku siyela imweya ku kana ku itenda. ²⁴ Omwe mwendisa a no kufa a meo,mwa imeka a kambulumbulu mu sisebiso,mane mwa mina na kamele. ²⁵ O umai wenu mwa ñoli na mafalisi, namwe no uku monalisa kakuli mwa kenisa peulu no komoki na chenga,kono mukachi mo mu nongana e lishuke na ku lakatha. ²⁶ Mwa mafalisi no ukuthimena, mu mukenise e komoki na katuwo weli mushi,ngao peulu ngo pa kene napo. ²⁷ O umai wenu,mwa añoli na mafalisi,na no uku monalisa;kakuli mwa feka weti e mbumbo ethi thina basiwa oukenu,etho thi monala siwana peulu,kono mukachi katho thi nombu tha ifupa yanu keo ka thikenu kao. ²⁸ Namwe ngeyo mwa monala peulu thenu nga mwaka ku luka kwa anu,kono mukachi kenu mu uombu ku ku kumusa na ku kana kwendela na mulao. ²⁹ O umai wenu mwa ñoli na mafalisi,omwe no uku monalisa! kakuli mwa umba ama mbumbo no mapolofita mane naku basa siwana a mambumbo no a no ku luka. ³⁰ Mwamba ngao, nga mono twikalako munako tha ka nya ku lyetu nga ko twa ku waine noo mu ku mwaa o unyinga no mapolofita kao. ³¹ Kakuli mwa kwata upaki kuneku thenu mo foti,ngawo mwana nawo nepa a mapolofita. ³² Apo keo,mutwese kumbisa,apo pa ma maneno aka nyakulyenu. ³³ Omwe ma mayoka,ana no amili,mo mu twesa ngepi ku panda e katulo tha liele? ³⁴ Mu mone eni namituma mwa mapolofita namwe mwanu uo utali,namwe mwa ñoli, mukachi ko amweya muke paye na kwa ko kotela pa sifapano amweya mwa likule mu masinagoge eni,mwanyandithe mu munthi na munthi. ³⁵ Ngao, o unyinga wa no ku luka owu una mwalele pashi,ngo wiye peulu thenu ku tateka na unyinga wa Abele oyu no kuluka,na kutha ku unyinga wa Zakaria,omwana Barakia,oyu no mwipaela mukachi no tempele na aletare. ³⁶ Yasikuma, na miambela ngao,yoshe e inyangunyu mo iya peulu no lu lusika. ³⁷ Jerusalema,Jerusalema,owe no kwipaa a mapolofita,no ku kwi paa na mañomo oshe a ana tumiwa okoye,mo nyiko emwa ina wapele ngao nianeke oungi no anoye pa mweya wetini oishwa omu a wanekelanga otuvhiyo-chiyo mu ma mbaba aye;kono muna kana. ³⁸ Mu mone,e nthuwo thenu thina siala kwenu lipumbu iwo. ³⁹ Ka kuli na mi ambela ngao;ku tunda pano ko mutamba ku ni mona kao,kupitela,apombo mwamba ngao; kulumbiwe oyu wiya no lithina lya Mulena.