¹ Jesu noamba kame okowo muma nguli, ngao, ² ''Omubuso wo kuwilu wafeka na mulena omweya uyo nolukisetha omwanae no mulume mukiti wa maluo. ³ Keo otuma apika ae kukesana anu oshe na memiwa ku mukiti wo maluwo,kono oshe nashemwa kuwiyako. ⁴ Kame mulena notuma apika akwao,kwa ambela ngao, 'mwambele awo ana memiwa, ''mumone,nina lukisa omukiti wange. Opulu wange nangombe thokununa thoshe thinaipaiwa,oinu yoshe inalukisiwa. muwiye ku mukiti wo maluwo. ⁵ Kono nashemwa kuitwaela omucima naku kuthela kwako, Omweya ku thilwa thae, mukwae kutha kumulo wae. ⁶ Amweya na kwata apika aye,naku atukathana,naku aipaa. ⁷ mulena no lwana,keo otuma omasole aye na kukayunditha oshee awo nokwipaa anu naku tumbeka omunthi wo woshe. ⁸ Keo wambela apika ae ngao, 'Omukiti womaluwo una lukisiwa;kono ana memiwa nashemwa kuswanela ku mukiti. ⁹ muthe pamanga nonthila mu kethane anu oshe kumukiti no maluwo a mukawana oshe. ¹⁰ 'Apika aye keo atha muma nthila naku kethana anu oshe nakawana, ai nanyangunyu oshe. Onthuwo no mukiti no thiumba na anu angi na wiya kumukiti. ¹¹ Kono omulena apa naingena ku topela kwanu na memiwa no mona munu wombula kukufeka othiapalo no mukiti. ¹² Mulena keo omwambela ngao, ''muonyi,monengene ngepi muno oulwa thiapalo no mukiti? kono oyo munu noulwa yokuamba. ¹³ Keo mulena wambela apika aye ngao, 'mumange uyu munu ku maulu na ku makaa,mumu yumbele panthe no lififi,uko mboku kela kulila naku kwecha omayeo. ¹⁴ Kakuli aa esaniwa angi,ko aa ana ketiwa anyonyo. ¹⁵ Keo o mafalisi atunda nakutha kuka kuambaulisa omo atwesa ku kwatela Jesu mumai aye. ¹⁶ Keo amalutiwa aye,pamweya na ana a Heroda. Keo ambela Jesu ngao, ''Muluti,twalimuka ngao wa ambanga ya thikuma,kame walutanga ya Mulimu muthikuma. Owe nje kwiyapa munu, kame owe kowa monisa sialuluti mukaci koanu kao. ¹⁷ Cwale otwambele, wakengela ike? kanti kwa lukela kutundisetha Sesare mutelo ndi nje?'' ¹⁸ Keo Jesu oyubisisa ouethalibi wo naku ambela ngao, ''Mwani likela ike, omwe no kukununeka? ¹⁹ Muni monise omali no mutelo.'' keo amuletela denare. ²⁰ Jesu keo wamba oko, ''Siswaniso sani esi kame lithina mwike?'' ²¹ Keo amwa ambela ngao, ''lya Sesare.'' Jesu keo wambela ngao, ''cwale mupe Sesare oinu yoshe ya Sesare,kame Mulimu oinu yoshe ya Mulimu.'' ²² Apa naiyuba eyo,nakomoka. Keo amusiya Jesu oshe naku kuthela. ²³ muliwa elyo amasaduki,anamba ngao njeko,thuho,keo awiya okwae. Nakumuipula, ²⁴ ngao, ''Muluti,mushe keo oamba,kumona mulume ofa,yombula ku kwata mwana,mwapae aswanela kulama,omukathafela na kuletela omwa pae lusika. ²⁵ monekala alume mutanu naili omutangi no lama na kufa. Noshemwa kusiya mwana,keo osiyela ombiyama kwa minae. ²⁶ Keo uyu no wiili naye ofa,no waatu,mane kukakuma kuyu no mutanu naili. ²⁷ Apa oshe napwa,omukathi nae keo ofa. ²⁸ Cwaleni panako thokuinguka koalumeli kwa afu,uyo mukathi mboisaniwa ngao mbiyama wani? kakuli oshe namulama.'' ²⁹ Keo Jesu oalaba naku ambela ngao, ''Munafoso kakuli komulimuka omañolo kapa pmata aMulimu. ³⁰ Kakuli kuthuho thoafu njeko uyu mbo lama kapa kulamiwa. Kono mbekala etini mañeloi no ku wilu. ³¹ Kono kuamba othuho thoafu,munashemwa kubala ei namba Mulimu okwenu,ngao, ³² 'Ome ni Mulimu wa Abrahama,Mulimu wa Isaka,na Mulimu wa Jakobo'? Mulimu ka Mulimu wa no kufa kao,kono wa ashiyoya.'' ³³ Oungi no anu apa nayuba eyo,na komokisiwa katulo thae. ³⁴ Afalisi apa nayuba ngao, Jesu ona thiki omilomo thoo Masaduki,keo akuwana pamweya oshe. ³⁵ Omweya opo,no chuuka mu mulao, keo omwipula putho,kumutatuba- ³⁶ ''Muluti otaelo thikulu tho mulao thipi?'' ³⁷ Jesu keo wa mbela ngao, ''Owapele mulena Mulimu woye na mucima wowe woshe,na mepo thoe thoshe,na kutwisiso thoe thoshe.' ³⁸ Owu wonyiko omulao ukulu na utangi. ³⁹ Na mulao wo wiili wakufeka nawo-'O wapele mwapoe omu okuapelela.' ⁴⁰ Apa pa milao thiili monyiko kuli omilao thoshe naapolofita.'' ⁴¹ A afalisi apa nakuwana pamweya,Jesu keo waipula putho. ⁴² Keo wamba ngao, ''Omwe mwaamba ike pa Kresite? Mwana ani?'' Keo aalaba ngao, ''mwana Davida.'' ⁴³ Jesu keo wamba,ngao, ''kwa wiya ngepi ngao Davida mu mepo amuisana Mulena;ngao, ⁴⁴ 'Mulena noamba kwa mulena wange, ''Otongomane kulikaha lwange lyo silyo,kupitela apa mbonitenda oila yye sipala somalyatelo no maulu oye.''? ⁴⁵ Cwale ndi Davida aisana Kresite 'Mulena;mwekala mwanae ngepi? ⁴⁶ Njeko uyu twesa kumualaba shuwa lii,kame kutunda bene elyo liiwa njeko munu nomuipula shua putho kame.