¹ Keo Jesu na alutiwa aye ashenyena ku Jerusalema na kukuma ku Betefage,pa lilundu no itondo ya Olive, keo Jesu otuma alutiwa aye aili. ² naku ambela ngao, ''Muthe mumuthi uwouli poso, keo nawangu momokawana kambongolo kana fungiwa na mwanako. Mukatumangune muniletele. ³ Ndi munu mwa miipula petho thiambo,muambe ngao, ''Mulena atuthinga;nawangu oyo munu mwa tutuma namwe.'' ⁴ Cwale eyo mono iwiya ngao eyo noya mbiwa ku mupolofita sitalelethwe. mona amba, ⁵ ''Muambele ana Sione no akathana, 'omone,omulena woye a wiya okoye, likute yona pahama pa mbongolo-oka nyonyo,kana ka mbongolo. ⁶ Keo alutiwa aye auka na kukatenda omo na ambela Jesu. ⁷ Mona leta ombongolo na mwanae nakuyala oikumango yoo, keo Jesu otongomana paikumango. ⁸ Oungi noanu monayala oikumango yoo mumukwakwa,mane amweya mona mbataula omitai kuitondo nakuyala mumukwakwa. ⁹ Keo oungi noanu natha potho tha Jesu nao namu koñeela monatha nakukuwelela ngao, ''Hosanna ku mwana Davida! kulumbekwe uyu owiya mulithina lya mulena Hosanna ku mawilu noku wilu. ¹⁰ Keo Jesu oingena mu Jerusalema,Omunthi oshe mona topelisisa nakuamba ngao, ''Ani oyu?'' ¹¹ Oungi no anu keo alaba ngao, ''Oyu Jesu mupolofita otunda mu Nazareta woku Galilea.'' ¹² Keo Jesu oingena mu Tempele.Keo ochitha oshe panthe nokuula naku ulitha mu Tempele,na kungwisa amatafule akokuchinja omali na ipula yako ku ulisa otunkwilimba. ¹³ Keo wa mbela ngao, ''Kuna ñoliwa ngao, Onthuwo thange mothi isaniwa nthuwo tha tapelo,' Kono muna thitende mukunda wa ambui.'' ¹⁴ Keo oipuputwa na ihole iwiya okwaye mu tempele,keo apalisiwa. ¹⁵ Keo apositola akulu na añoli namona yo kukomokisa eyo natenda,apa nayuba anikana akuweela mu tempele ngao, ''Hosanna kumwana Davida, ''mona lwana onene. ¹⁶ Keo amwambwela ngao, ''waiyuba eyi amba?'' Jesu keo wa ambela ngao, ''Ee kono komwashibala kao, 'Kutundela mu milomo tho anikana naa nokuyamwa muna wana milumbeko tha kupetahala?'' ¹⁷ Keo Jesu wa siya kutunda mumunthi na kutha ku Betania nakukalalako. ¹⁸ Chanamathiku apa na ukela mumunthi,mona fa nthala. ¹⁹ Keo omona sitondo tha Feiga kunyonga na nthila,keo othako njeko eyi nakawanako ku thitondo kondi omashako. Keo oamba kuetho thitondo ngao, ''Kombo kuneniwa muselo okoye kame, '' wangu wangu othitondo so feiga keo thinyana. ²⁰ Alutiwa apa namona ngeyo, monakomoka naku amba ngao, ''kwa wiya ngepi ngao ethi thitondo tho feiga kuletuke wangu wangu ngeya?'' ²¹ Jesu keo wa alaba ngao, ''Yathikuma namiambela ngao,Haiba ndi mukwite tumelo naku kana kubilaela,nga mushemwa kutenda ethi thina tendaala kwethi ethitondo sofeiga,kono mo muambela shuwa eli lilundu ngao, 'otunde apa onanuke akakuyumbele mu liwate,mokutendahala ngeyo. ²² Yoshe eyi mulomba mutapelo,nakuitana,momu iamuhela. ²³ Jesu yona ingene mutempele,ama Prisita akulu na akulu oshe no sicaba keo aiya okwae yoluta naku amba ngao, ''mumata mwike omo tenda eyi inu, kame oyu nakupu aa mata ani?'' ²⁴ Jesu keo wa alaba naku ambela ngao, ''Name moni mipula putho thimweya. Apa muni ambela,moni miambela ngao mumaata aani omo nitenda eyi inu yoshe. ²⁵ Okolobetho tha Joani monothipanena kupi?'' keo akuambaulisa ngao, ''Mona tuamba ngao, 'kutunda kuwilu; mwatu ambela ngao, 'Ike eni apa nomukana kwitana ya Joani?' ²⁶ Kono kumona tuamba ngao, 'Kutunda kuanu;taiyapa osichaba kakuli oshe anayubithitha ngao Joani mupolofita. ²⁷ Keo alaba Jesu ngao, ''Kotulimuka kao.'' keo oambela naye ngawo name konimiamboela mumataa waani omonitenda eyii yoshe. ²⁸ Kono mwa kengela ngepi? Noku ikala mulume nokwata ana aili. keo otha ku manae omutangi naku mwambela ngao, 'Mwanange,oka thebethe pelo muthilwa tho Veine. ²⁹ ''Oyo manae keo oalaba ngao, 'Ninakana kono mumanyima keo chinja omuhupulo keo otha. ³⁰ ''Keo oyo mulena otha ku mwanae wowili naku ka mwambela omu na ambeela omutangi keo oalaba ngao, 'Monitha,mulena,kono noshemwa kutha. ³¹ Kana aili uyu notenda ethi nasaela iwae ani?'' Keo amba ngao, ''Omutangi.'' Jesu keo wa ambela ngao, ''Yathikuma namiambela ngao, Atelisi na akathi noma hule mba kengena mumu buso wa Mulimu omulwa kukengena kale. ³² Kakuli Joani mona wiya okwenu munthila thokuluka,kono mono mumukana. Kono atelithi na mahule no akathi na mwitana. Kono omwe,shuwa omunamono ngeya,muna shemwa kubaka naku mwitana. ³³ ''Mutelethe kame nguli thikwatho. Nokuikala mulume,othinda nobvu. Nokuna osilwa sae so veine,kusipaka mulukwakwa,kushima omusima woku lubela owaine,keo oumba tawala,nakupa alimi noveine ngao asibabalele. Keo okuthela mulitunga lyalyo. ³⁴ Onako thokutula apa nothikum,Keo otuma apika kwa alimi noveine kuka shimba omuselo wae. ³⁵ Kono alimi noveine keo ashimba apika aye,ku anthalya omweya,kuipaa omweya,naku pobaula omweya namawe. ³⁶ Kame,osinda notuma apika akwao, kupita aya atangi ku ungi,kono alimi no veine na tenda kame omu tendela aya atangi. ³⁷ Mumanyima weyo yoshe,Osunda keo otuma mwanae okowo,Nakuamba ngao, 'mwa kuteka mwanange.' ³⁸ ''Kono alimi noveine apa namona mwanae, keo akwaambaulisa mukachi koo ngao,Oyu yoshwana, muwiye,tumu ipaye tuyole oufumu wae. ³⁹ Keo amushimba, kumutundisa muthilwa kumuyumba naku muipaa. ⁴⁰ Cwale ominya nothilwa so veine apa mbakuma mbo atenda ngepi a alimi noveine?'' ⁴¹ Keo ama ambela ngao, ''Mbo aipaa mokwiipa anu nolunya awo, mane eso silwa soveine mbo sipa alimi awoo kusibabalela,anu a mba mupa okalulo thae kuilya yae panako tho kukutula.'' ⁴² Keo Jesu wa ambela ngao, ''Shamba mwatanga kubala mumañolo, ''Oliwe eli nakana aumbi lina piluka osinda nulilulu. Eyo monoitendiwa kwa mulimu mane yakomokisa mu meo etu? ⁴³ Keo namiambela ngao, Omubuso wa Mulimu mbaumiyangela naku upa anu awo esi mbo sileta omiselo. ⁴⁴ Oyu mbo ngwela apa pa liwe mbo chokauka.Kono uyo mbo lingwela oliwe mbo shanyauka.'' ⁴⁵ A prisita akulu na mafalisi ana yuba awa ma nguli,na yubisisa ngao yaamba yoo. ⁴⁶ Mona thinga kumu kwata,kono moneyapa osichaba,kakuli anu mona mu limuka ngao mupolofita.