¹ Kakuli o mubuso no kuwilu wa feka wendini minya oyu na paene pathi o masiku-siku ngao esanene a beleki ku silwa saye no veine. ² Apa na mana ku ku yuba noo ngao a pange Sixpence mulima keo o ambela ngao athe musilwa no veine. ³ Keo otundamo kame o nako no hola no waatu keo omona akwoo abeleki anemana pa patelo na ku sebetha nje. ⁴ Mo naambela ngao, ''Namwe,muthe musilwa no veine mo ni mipa esi si swanel,'' keo atha ku ka sebetha. ⁵ Keo kame otha panthi mu ola nomutanu na kamweya na mu ola no mutanu na tune,na kutenda ngeyo kame. ⁶ Mo na ukela pa nako no 11 keo otha panthi na kuwana akwoo a nemana ana kutomanene keo o ambela ngao, ''Ike mu nemanene na ku ku tomanena o liiwa lyoshe?'' ⁷ Keo a mualaba ngao, ''Kakuli njeko oyu na twisana. Keo o ambela ngao, ''Namwe kame munthe musilwa no veine.'' ⁸ O mangolangola apa na wiya,ominya silwa keo o ambela o mubeleki waye,''Oisane a beleki o aolise,ku tekela kwoyu no mumanyima ku leta kwooyu no utangi.'' ⁹ Abeleki nee ngenisiwa mu hola no ui 11 apa na wiya,munu na munu mo na piwa o sixpense waye. ¹⁰ Apa abeleki no utangu na wiya,mo na kengela ngao,mwaapa mali mangi, kono mo na wananga sixpense mañi na mañi. ¹¹ Apa na wana o mali oo,mo na bilaela ngao oyo no abelekisa noshemwa kwa tenda siwana. ¹² Mo naamba ngao ''Abeleki no mafeleletho mo ne kala ambu nako thinyonyo pa musebeth,kono ona pu mali akukwelela netu otwe tuna yubu o kulemano liiwa na kwiimva kwalyo. ¹³ ''Kono oyo minya silwa keo o alaba naku ambela o mweya okoo ngao,''Mwonyi ina shemwa ku ku fosetha. No shemwa ku ku yuba nange ngaa mo ni kupa sixpense. ¹⁴ Oshimbe o soye okuthele ina kete kupa aa no mamaneno wendini omu inakupele. ¹⁵ Kana ka mulao kao ngao ome nitende omu niwapeela ku iinu yange? Kapa olithio lyoye linyangunyu kakuli ome no mukwa kuluka? ¹⁶ Kiona kuli wa makalelo oyu no makalelo wa mafeleletho ¹⁷ Jesu apa natha ku Jerusalema,keo oshimba alikumi na twiili, ali pakaci keo o ambela ngao, ¹⁸ ''Mu mone,twatha ku Jerusalema, mwana munu apiwa mu maata no maprisita akulu na añoli.Mwaka muatulela lifu ¹⁹ mwa mupa mu maata no anu oshe ngao a musheke,a mushape na ku mukokotela pa sifapano.Kono mwa yoya mu liiwa no waatu. ²⁰ Keo o nyina no aana Zebedee no alume mo na wiya kwa Jesu na naye no alume.Mona mutongwamena na kumunyepa ngao a mupe sinu. ²¹ Jesu keo o mwambela ngao, ''Wa saela sike?'' Keo o mwalaba ngao, ''O laele ngao aanange no alume a ili nga ekale omweya ku uthooto woye omweya ku ulyo woye mu mubuso woye.'' ²² Jesu keo o mualaba ngao, ''Ko limuka eyo ipula kao.Watwesa ku nwela mu komoki ethi ni singa ku nwela!'' Keo amwalaba ngaa''Twatwesa.'' ²³ Keo oambela ngao, ''Mo munwela mu komoki thange shemwa kono kutomana ku ulyo wange na ku simowe sange koome ku pa ngeyo kao kono inu yakupiwa kwaa na lukiseliwa kwa tate.'' ²⁴ Apa na yuba ngeyo alutiwa aye o likumikeo a lwanena awo a munu na mukulwaye a ili. ²⁵ Keo Jesu wesanena okwae na ku ambela ngao, ''Mwa limuka ngao amalena no macaba a lyatela,naalume o no ku kutekea alyatela. ²⁶ Kono ko ku nekala ngeyo o kwenu.Ngeyo kame,yoshe o yo singa ku piluka mukulu mu kaci kenu a piluke mushimani wenu. ²⁷ Noyoshe yosinga kupiluka wopili apiluke mutanga wenu. ²⁸ Wendini o mwana munu noshemwa kuwiyela kutusiwa,kono ku tusa,na kupa o upilo waye ngao a pilule angi-angi. ²⁹ Apa na siya Jeriko,anu angi-angi mo na koñeela. ³⁰ Mo no kwikala alume aili a kufa omeo aa na tomana kunyonga no thila. Apa na yuba ngao Jesu a pita,keo a kuwa. ''Mulena,Mwana Davida otuyubele ñeke.'' ³¹ Aanu angi-angi keo aa ayutha,kwambela ngao amwene.Kono keo a lila enene ku kuweela. ''Mulena Mwana Davida,otuyubele ñeke.'' ³² Keo Jesu oimana kwesana na kuambela ngao,''Esi muwapela ngaa ni mitendele sike? ³³ Mona mwalaba ngao, ''Mulena ngao, omeo etu a ³⁴ monisiwe.Keo Jesu o ayubela o ñeke,okwata omeo oo.Apo keo a mona na ku mukoñela.