¹ Jesu omana kwelekiwa mu Betelehema wa Judea mu maiwa a mulena Heroda, alume no kuku tuta natunda ku muthila liiwa na kuma mu Jerusalema na kwipula, ² "Okwali kupi oyu nelekiwa Mulena wa Majuda? No tu mona olitungwezi lyaye kutundeela mu muthila liiwa keo tu na wiyii ku mulumbeka." ³ Mulena Heroda apa na yuba eyo, mwa katatheya, na oshe ali mu Jerusalema. ⁴ Heroda keo owaneka akulu no mapulisita na an'oli nwa anu, nakwe pula, "Okwali kupi Kelesite ona elekiwa?" ⁵ Keo a mwaambela, "Ku Betelehema wa Judea, kakuli thonyiko no sin'oliwa kwa apolofita, ⁶ 'Kono owe, Betelehema, mu litunga lya Juda, ko o munyonyo kao mwa endisi a Juda, kakuli okwoye mbo ku pana mubusi oyu mbo busa anu a Isilaele."' ⁷ Ku mukunda Heroda keo oithana alume na kwaipula e nako etho litungwezthi no limonahala. ⁸ Keo wa tuma ku Betelehema, ngao, "Muthe muka saele siwana oyo mbututu. Apa mu muwana, muwiye muni ambele ngao name nithe ni ka mulapele. ⁹ Amana ku yuba kwa mulena, keo a kuthela, mi e litungwezthi na mona ku muthila liiwa lyenda pothoo kutheela na kwimana apo nekala o mbututu. ¹⁰ Apa na mona e litungwezthi, na wapela enene. ¹¹ Keo aingena munzuwo na kuwa mbututu na inawaye Maliya. Keo a kubama ku lapela. Keo a putuula esifumu na mampo no gauda, frankincense na mira. ¹² Kutulo Mulimu no alemusa ku kana kuukela kwa Heroda, keo aukuluka ku litunga lyoo ku kutusisa nthila thatho. ¹³ Amana ku funduka, lingeloi liku monahaza kwa Josefa mutulo na kwa amba, "Imane, oshimbe mwana na nyinawaye, muiyapele ku Engepita. Mukekaleko kutwala apa ni mi ambela, kakuli Heroda mwa saa kuipaa o mwaikana." ¹⁴ Uya usiku Josefa noinguka na kushimba ombututu na inawaye kutha ku Egepita. ¹⁵ No ke kalako kutwa apa Heroda nafa. eyi no italeleza eyo naamba mupolofita, "Kutundelela mu Egepita ine thana mwanange wa mulume." ¹⁶ Keo Heroda, apa na mona ngao ona ongiwa kwa lume no utali, no lwana enene. Keo u tuma kukepaa aana nwa alume mu Betelehema na ibaka yoshe ina zyinguluka oshe akwite ilimo iili kutwala pashi, kutha mu nako na mwaambela alume no utali. ¹⁷ Keo kutaleleziwa eyo no yaambiwa ku mupolofita Jeremia ngao, ¹⁸ "A lii mo no liyubahala mu Rama, ku lila na kumbolaela kukulu, Rahele a lilela aanaye, mi onakana ku omba-ombiwa, kakuli ana yundu." ¹⁹ Heroda apa naafa, mumone, lingeloi lya Mulena lya ku monahaza kwa Josefa mutulo mu Egepita na kwaamba, ²⁰ "Imane oshimbe mbututu na nyinawaye na kwa twala ku mubu wa Isilaele, kakuli awo ma saela o moyo wa mbututu a nafu." ²¹ Josefa we mana, ku shimba o mwana na nyinawaye, na kutha ku mubu wa Isilaela. ²² Kono apa na yuba ngao Achelaus a busa mu Judea mu sibaka sa iwaye Heroda, keo oiyapa kuza moo. Mulimu apa mana ku mulemusa kutulo, no tha mu sibaka sa Galilea ²³ na kuza ku ka tunga mutolopo za Nazareta. ethi no sitaleleza etho nothiambiwa kwa mapolofita, ngao mwe thaniwa mu Nazareta.