¹ Mu ya mu nako thiya alutiwa awiya kwa Jesu na kwa amba ngao, "O mukulu ku piteela ani mu mubutho wo kuwilu?" ² Jesu keo oi thana mwanikana munyonyo, na wiya ku mutoomeka mukachi koo, ³ na kwa amba ngao, "Na mya mbela mu niti ngao, ku mona mukana ku kupiluka na kufeka wendi anikana, mo mob mu fela kwingena mu mutho wa ku wilu. ⁴ Keo, oyoyoshe oku twala pashi mu upilo wendi upilo wa ikanayo mukulu enene mu muuuso wo ku wilu. ⁵ Oyu yoshe o amuhela mwanikana weti nuyu mu lithina lyange keo ona ni amuhele. ⁶ Kame yoshe oyu letela anikana ngao mane a kume pa ku fotha, kuwa wongeyo ku mu mangela liwe li nene muthingo thaye, na ku mu yumbela mu liwate. ⁷ "Umai ku litunga baken'itha isitataliso! kame kwa thaeliwa ngao oyi sitataliso kendi uwiye, kame umai ku munu yoshe oyu mbo piluka sisitataliso,! ⁸ Ku mona e likaa lyoye kapa e lyuulu lyoye lya ku letela kusitatala, o li mbatule na kuli yumbela kwako. Kwe kala thiwana kwingena mu upilo ona holofala kapa o sihole ku pita ku yumbeliwa mu mulilo no mbula kuthima na makaa oye o meli kapa na maulu meli. ⁹ E liyo lyoye ku mona li ku letela ku fotha, keo oli tongolemo na ku liyumbela kule noye. Mo ku wapa kwingena mu upilo na liyo limweya kupita ku ku yumbela mu milangi no mulilo na meo meeli. ¹⁰ Mu mone ngao ka mu na sheununa shiwa omweya wa anikana anyonyo. Na mi ambela ngao a man'eloi oo a nako thoshe mwa topela pa lupala lwa Tate oyu li ku wilu. ¹¹ Kakuli Mwana Munu mo na wiya ku pulutha etho no thiyonga. ¹² Mwa kengela ngepi? Munu mweya akwata angu mwanda,keo omweya ayonga,oshemwa ku thiya a makumi mu tanu na mane na mutanu na ane kupepi na lilundu na ku kamo ku ka thaela oyo mweya na yongo,. ¹³ Apa ka muwana niti namiambela ngao,mwa tabela enene ngao e tabo thaye mo thipitela pa thiya natabele a makumi mutanu na makumi mane na mutanu a ane ayo ana shemwa ku yonga. ¹⁴ Monyimo kulyele,Mulimu wenu no ku wilu njena ku wapela ngao shuwango mwea wa anikana a thiyale. ¹⁵ "Haiba mwapoye akufoseza, othe oka mwaambela amafosisa aye, mwaili ambu. Apa kuteezeza, onatusu mwapoye. ¹⁶ Kono haibandi nje kukutezeza, oshimbe wa wiili kapa waa waatu ngao mukanwa ka apaki aiili kapa aatu aku lukulule. ¹⁷ Ku mona apo kamo shikana,otwale yambwoyenu ku keleke,ku mona po kamo shikana ku yubela keleke,keo omu shimbe shina ayanu nombula kuyuba kapa aya no ku telitha mitelo. ¹⁸ Na miambela mu thikuma, eiyoshe mutamba ku manga pano pashi mo imangiwa na ku wilu, kame eyoshe mutamba ku manguna pano pashi naku wilu moi imanguniwa. ¹⁹ Kame na mi ambela ngao,ku mona anu aili ana ku yuba pano pashi na ku lomba thinu thoshe,mo kutendala ngeyo na kwa Tate oyuli kuwilu. ²⁰ Koshe oko anu aili kapa aatu ana kuwana mu lithina lyange,na me ne kalanga pa kaci koo. ²¹ Keo Pitolosi awiya kwa Jesu na kwiya ku amba ngao, ''Mulena,tungai oto mukwange atwetha ku ni fothetha ngao ni mu swalele? Kendi ku ni fothetha mutanu na twiili? ²² Jesu keo mwambela ngao, ''Ko ni ku ambela mutanu na twiili kao, kono kendi makumi mutanu na meli kwa taimitha na mutanu na twiili. ²³ Keo o mubuso no kuwilu wafeka wendi mulena omweya no thiyela ku atula apika aye. ²⁴ Apo natateka ku topela ethiambo, mupika omwe no mukolotela makumi a myianda tha matalenta. ²⁵ Kono mu libaka lya kukana kutwesa kuiika, o molyaye keo o laela ngao aulisiwe, kushimbeela mbiyama waye na anaye nainu yoshe na kwata, keo etifo thikwana. ²⁶ Keo o mupika ongwela pashi, na kukubama potho thaye, na kwaamba, 'Muolyange, oniyubele n'eke, mi monikwikela yoshe.' ²⁷ Keo o mulyaye , mukuyuba man'eke, omulukulula naku mu swalela esikoloti thaye thoshe. ²⁸ Keo oya mupika otha na ku kawana o mupika na mukwae,no mu kolotela mwanda umweya wa ma dinari. Keo mushimba,na ku mu katatha na ku amba ngao, 'Othingo ike sikoloti thaye; '' ²⁹ Keo mupika na mukwae ongwela pashi na ku mu lomba,ngao, 'Oniyubele ñeke,kame mo kwikela.' ³⁰ Kono omupika wo pili keo okana. Mane, keo otha ku mutwala mutolongo kupitela apa mbeka eyi na mukolotela. ³¹ Akwaye apika amana kumona eyi noitendaala kwa mukwoo, keo alwana enene. Nawiya kutonwela molyoo yoshe inatendaala. ³² Keo mwolyo oi thana oya mupika na ku mwambela ngao, 'Owe mupika no mbulo ku sepaala.Mo no niku swalela thiye thikoloti thikuli kakuli mo no ku lombela okwange. ³³ Pelo lino nawe njena ku yubela mukoye ñeke,shina muya no mi ku yubele? ³⁴ O mwolyaye keo lwana enene na ku laela akwoo ku panisha ei fothi ngao amu nyandithe ku twala apa mba kaena okwika thikoloti. ³⁵ Ngeyo bene na Tate wo ku wilu momba tendela okwenu ku mona mu na kana ku swalela akwenu mu michima thenu.