¹ Mwelyo liiwa Jesu mwa na tunda munthiwo na ku katomana kunyonga no lyambai. ² Nyangela thingi keo thiwiya ku kuwana okwaye, keo oingena muwato na kutomana kono onyangela thoshe mo ne zithiyala pa munanga. ³ Keo Jesu wamba inu ingi mu manguli. Mwana amba ngao, "Mu mone, mono kuikala mulimi oyu notha ku ka kuna mbuto. ⁴ Apa na kuna ngeo, mbuto thimweya monethingwela munthila, keo eyi yunyi iwiya na kulya ombuto. ⁵ O mbuto thimweya monethi ngwela mumumvu no mawe, omuno kukana kwikala mumvu ungi. Munako thinyonyo keo thifa kakuli omumvu noushemwa kutha kushi. ⁶ Kono eliwa apo nolithila, mono thi tumbekiwa kakuli neishemwa kukwata minzi, keo ikuonyaonya. ⁷ Thimweya mbuto keo thingwela muitondo no mingunguya. Ei tondo no mingunguya keo ikula na kukwangitha mbuto kukula. ⁸ Thimweya mbuto keo thingwela mu mumvu uwa na ku paka ichalo, imweya mwanda muungi, imweya makumi mutaanu nameeli, imweya makumi maatu. ⁹ Oyu kwite matwi, ayube." ¹⁰ Halutiwa keo awiya na kuamba kwa Jesu ngao, "Ike apo wamba kunyangela mu manguli?" ¹¹ Jesu keo waalaba na ku ambela ngao, "Mu napiwa kolo za kuyubithitha ei ambo yo mubutho okuwilu, kono okowo na shemwa kupiwa. ¹² Kakuli ko yu oshe okwite mwapiwa ingi, kame mwa ekeleziwa. Kono oyu kana kukwite, nei akwite yoshe mwaiyangeliwa. ¹³ Thenyiko thileta ngao nambange okoo mu manguli: Shiwango amona, kono kamona kao; shuwango ayuba, kono kayuba kao. kapa kuyubithitha. ¹⁴ Okwoo thipolofita tha Isaya thina taleleziwa, etho thi amba ngao, Ho kuyuba mo muyuba, kono mushemwa kuyubithisa; na kumona momumona, kono mushemwa ku monithitha. ¹⁵ Kakuli emicima thana anu thina tende utimbi, kame akalu kuyuba, kame anafeke omewo oo, ngao kana mona mewo oo, kapa kuyuba na matwi oo kapa kuyubithitha mu micima thoo, ngao nango apiluke kame, ngao nango napalithe.' ¹⁶ kono no mewo enu hana fuyolwa, kakuli namona; na matwi enu, kakuli ayuba. ¹⁷ Shemwa-shemwa na miambela ngao apolofita angi na nokuluka oshe alakaza ngao namone eyi mumona kono kaimona kao. Halakaza ngao hayube neinu muyuba kono nje kuni yuba. ¹⁸ Keo muyube nenguli tho mulimi no mukuni no yuno kuna ombuto. ¹⁹ Munu yoshe oyu yuba olii no mubuso kono nje kuliyubisisa, omunyangunyu mwa wiya na ku muyangela ethi thina kuniwa mu mumucima waye. Ethi thenyio nombuto neti kuniwa munzia. ²⁰ Hezi nezi kuniwa mu mumvu no mawe yenyiko munu oyu yuba nelii na kuli amuhela wangu na tabo, ²¹ kono nje mithithi nokwaye kame munako ambu thinyonyo. O matata na manyando ashi wiya ambu baken'itha olii, wangu-wangu keo nangwa. ²² Ezi nezi kuniwa mu mingunguya, oyu munu no yuba no lii, kono mapiaelo no litunga na takazo tho ufumu kezi thinya elii, keo liulwa kupaka muselo. ²³ E mbuto nozi kuniwa mu mumvu uwa, oyu yonyika munu oyuba o lii nakuli yubithitha. Apaka na miselo na kutunditha mbuto, kupaka kuthimweya mwanda, kuthikwaso makumi mutaanu na limweya, nathi kwatho kame makumi maatu kupita omu no thi kuneliwela." ²⁴ Jesu keo wambela nguli zthi kwatho kame. Keo waamba ngao, "O mubuso wa Mulimu wafeka shina munu no kuna mbuto thiwa mu thilwa thaye. ²⁵ Kono apa anu nalala, oyu no muzthimba keo owiya na ku kuna mufuka mukaci no uloto na ku kuthela. ²⁶ Apo noumena ouloto na kupapuka, keo na mufuka nao umonahala. ²⁷ Keo abeleki no minya thilwa keo awiya na ku muambela ngao, 'Mulena, no shemwa kukuna mbuto ziwa muthilwa thoye? Ike apo kuli mufuka?' ²⁸ "Keo waambela ngao, "Oyu no kunizthimba enyiko onatende heyi.' "Keo apika aye a mwaambela ngao, "Keo wathaela ngao tuthe tu kaitumaune?' ²⁹ "O minya thilwa keo waamba ngao, 'Nje. Kakuli mu kutunditha o mufuka, mwendi mo mutumuna na uloto pamweya. ³⁰ Muiteneke ikulele pamweya kukuma pa nako no kuchola. Pa kuchola mbo miambela acholi, "Mutateke kuchola mufuka na kuumanga maanda na ku utumbeka, kono mupake o uloto muishete yange.""" ³¹ Keo kame Jesu waambela nguli thikwatho. Keo waamba ngao, "O mubuso wa Mulimu wa kufeka na mbuto tho masitete etho munu nashimba na kukuna muzthilwa thaye. ³² Ethi mbuto shemwa thinyonyo ku mbuto thoshe. Kono apo zthikula, zikula enene kupiteela icalo ikwayo muthilwa. Za pilukanga thitondo, ngao eiyunyi no kuwilu apohiwiya ipange mashwa ku mitai zaso. ³³ Jesu kame keo wambela nguli thikwazo; "O mubuso no kuwilu wafeka wendi mukazi no shimba mumela na kuwaneka naimbunde iaatu ya unga na kutatela ngao ifufumuke." ³⁴ Yoshe eyi yambo Jesu mwa nai ambelanga onyangela mu ma nguli; kame njeko eyi nambanga nombua manguli. ³⁵ Eyi mone iambiwa ngao esi polofita sikutaleleze, apa naamba ngao, " "Moni kwalula o mulomo wange mu ma nguli. Moni ambe inu neinolekiwa kutunda kupo no litunga." ³⁶ Keo Jesu nothiya onyangela na kukengena munthuwo. Alutiwa aye keo awiya okwaye na ku amba ngao, "Otu talusethe no nguli no mufuka no musilwa." ³⁷ Jesu keo wa alaba na kuamba ngao, "Oyu kuna mbuto zthiwa Mwana Munu. ³⁸ E thilwa litunga; nambuto thiwa,aa enyiko ana no mubuso. O mufuka enyiko ana no munu munyangunyu, ³⁹ nasila no ikuna yenyiko ndiya bulosi. O kutulo thonyiko omaneno, kame na akutuli a mangeloi. ⁴⁰ Keo, apo kuwanekiwa o mufuka na kuutumbeka na mulilo, monyiko mbokuikaela kumamaneno no litunga. ⁴¹ O Mwana Munu mbotuma amangeloi aye, kame mwawaneka einu yoshe eyi ileta o sibi mu mubuso waye nawo oshe a cola hua o mulao. ⁴² Mwa yumbela muliyonga no mulilo, omo mwamba ka lila na kukweca mayeo. ⁴³ Keo na ana no kuluka oshe mwaka etha wendi liiwa mu mubuso wa Iwoo. Oyu kwite matwi, a yube. ⁴⁴ "O mubuso okuwilu wafeka wendi ufumu nokubumbekiwa musilwa. Munu no uwana na kuoleka. Mutabo keo otha naku kaulisa eyo yoshe na eta na kuka ula etho thilwa. ⁴⁵ Kame, o mubuso no kuwilu wa kufeka shinani muulithi oyu tha kuka thaela mapelela mawa. ⁴⁶ Apa wana lipelela limweya liwa, keo otha na kuka ulisa yoshe na ete na kuli hula. ⁴⁷ "Kame, o mubuso no kuwilu wafeka shinani liothi neli yumbelwa mu liwate, na ku kunguula o mifuta nothi thoshe. ⁴⁸ Apa neli umba, keo ayambi alikokela palikamba. Keo atomana na kuwaneka pamweya eziwa thoshe musileke, kono ethinyangunyu thoshe keo athiyumba. ⁴⁹ Mbo kupiluka ngeyo na kumamaneno no litunga. O mangeloi mbawiya naku angula anyangunyu mwa awa. ⁵⁰ Mwa wiya kwa yumbela muliyonga no mulilo, noko mboku ikala kulila na kukweca mayeo. ⁵¹ "Ngao ona yubithitha ei inu yoshe?" Alutiwa keo amualaba ngao, "Eni." ⁵² Keo Jesu wa ambea ngao, "Mun'oli yoshe oyupiluka mu apositola o mubuso wo kuwilu afeka wendini minya nzuo, oyulongola yo kale na ipya mu sibulukelo thaye." ⁵³ Jesu apa namana ku amba yoshe a manguli, keo otunda omo mu sibaka. ⁵⁴ Keo Jesu oingena mu munzi waye naku kaluta anu mu masinagoge oo. E kalabo nei ku komoka na ku amba ngao, "Oyu munu awana kupi outali naa maata apana kupi? ⁵⁵ Oyu munu kayenyiko o mwana muyuwi kao? Inawaye kayenyiko oyuithaniwa Maria kao? Aminaye kaka Jemusi, Josefa, Simoni na Judasi kao? ⁵⁶ Aa manthaye kao aali netu? Ei yoshe ili kwaye kupi ana iwana?" ⁵⁷ Keo a sitatala baken'isa oye. Kono Jesu keo wambela ngao, "Mupolofita ka kutekiwa mu litunga lyaye na mwa apaye." ⁵⁸ Omo noshemwa kutenda mamakatho mangi kakuli naye mwa kumuyumbela.