¹ Munako etho Jesu mwanatha mu silwa sa lukonga eliwa no Sabata. Alutiwa aye mwana fa nzala keo atateka ku kucola lukonga na kulya. ² Kono a Mafilisi apa na amona, keo ambela Jesu, 'Omone, alutiwa oye atenda ethi thinakana kuitanithiwa mu mulao muliwa no Sabata." ³ Kono Jesu keo oambela, ko mwa shibala eyi natenda Davida apa nafa nzala, na alume anaikala naye? ⁴ Mwanatha munthuwo tha Mulimu na ku kalya osinkwa no sikalamo, etho no sikana kuitanithiwa mu mulao ngao athilye nawo oshe naenda noo nashemwa kuitanithiwa mu mulao, kono ana itanithiwa ambu mapulisita. ⁵ Ko mwa shibala mu mulao ngao elino Sabata a mapulisita ali mutempele acholanga Sabata kono ka tendanga mulandu kao? ⁶ Kono na mi ambela o mukulu kupita tempele konu kwali. ⁷ Nga munalimuka ethi thitalusa eli lii, 'Na wapela sishemo kupita matabelo,' nga ko mwashinyatha a nombula mulandu kao. ⁸ Kakuli mwana Munu Mulena neli no Sabata." ⁹ Keo Jesu oasiya apo na kutha mu sinagoge thoo. ¹⁰ Mumone, mono kuikala mulume wa kukuta likaha. A Mafalisi mwana ipula Jesu, ngao, "Mulao waitanitha ku yoyisa elino Sabata?" Keo ngao a mu mangeele uyi. ¹¹ Jesu keo o amba okoo, "Opi munu mukachi kenu, oyu, nga okwite ongu omweya, nga oyo ngu angwela mulikwina eli no Sabata, oyu nga ona kana ku mutundisa mo? ¹² Kandi munu wa utokwa enene, kupita ngu? Keo heni mulao waitanisa kutenda siwa mweli no Sabata." ¹³ Keo Jesu o ambela mulume, "O ondoole likaha lyoye." Keo oliondoolola, no lipala na kuikala siwana, wetini likwalyo. ¹⁴ Kono a Mafilisita mwana tha panze na ku kamulela kum lwitha. Mwana thaela pa ku muipaela. ¹⁵ Jesu apana limuka ngeyo, keo otundako. Olimbuta no anu mono limu kon'eela, mwana apalisa oshe. ¹⁶ Mwana ambela ngao ka mutonola kwa anu, ¹⁷ ngao mwendi mo kuku taleletha, esi no sin'oliwa kwa mupolofita Isaya, ngao, ¹⁸ "Mumone, o mupika wange no ni keta; sakata-kata wange, mwoyo o mepo thange thinawapele. Monipaka o Mepo thange thipya, mwa ambela a malicaba ya kuluka. ¹⁹ Kamba ayutha kamba kukuwa kao; njeko oyumbo yuba lii lyaye mu mikwakwa. ²⁰ Kamba cholela o lutaka luna funyuka kao; kamba zthimi lumonyi lu panisa muthe kao, kendi eyi no kuluka ambu yi kome. ²¹ Mulizthina lyaye a malicaba mwa kwata thepo. ²² Mono kuwiya munu wa kufa meo na siamba, mwa na kwatiwa kwa mandimona, mwana letiwa kwa Jesu. No mu palisa, mungeyo mukwa ku kana kwaa amba na ku mona no amba na ku mona. ²³ O limbuta lyaanu no li ku komokela na kwa amba, "Ngao oyu mulume mwana Davida?" ²⁴ Kono o Mafalisi apa na yuba ezthi makazo, mwana amba, "Oyu mulume njekutwetha kutundisa madimona kendi mulizthina lya Beelizebule, o mwana mulena wa mulume wo mandimona." ²⁵ Kono Jesu no limuka o mihupulo thoo na ku ambela, "Mubuso oshe una kutapa na kuku lwitha mou sinyeha, muleneni'i kamba nzuwo thina kutapa mukachi kambo thiimana kao. ²⁶ Satani apa tunditha Satani, keo onakutapa oye mute. O mubuso waye mo uyimana ngepi eni? ²⁷ Haibandi na tunditha mandimona mu lizthina lay Beelzebule, anenu heni a chitha mu lizthina lyani? Mungeyo mwa piluka aatuli enu. ²⁸ Kono haibandi na tunditha mandimona mu Mepo tha Mulimu, keo o mubuso wa Mulimu una wiyi okwenu, ²⁹ Kwa twesahala ngepi ngao munu aingene munzuwo tha mulume mukoli na ku yiithamo yona kana kale ku mumanga oyo mulume mukoli weli? Keo mwa twetha kuiiza eyetanu yaye ili munzuwo. ³⁰ Oyu na kana kuni lwela ani lwitha, oyu kana kuwaneka nange a shandaula. ³¹ Cwale na mi ambela, o sibi na sibi soshe na nyefulo na nyefulo thoshe mothi swaleliwa, kono o nyefulo no kunyefula Mepo Thikenu kambo thi swaleliwa kao. ³² Munu yoshe oyu amba ya ku lwitha mwana munu atwetha ku amba, mwa swaleliwa. Kono wa ku amba ya kulwitha o Mepo Thikenu, oyo munu kamba swaleliwa kao, kupiluke muno mu kaye, kamba mu mubuso utamba ku wiya. ³³ Sitondo apa sitoyiwa ngao thiwa na muthelo watho uwa, kame sitondo apa sitoyiwa ngao sa kwiipa na muselo watho wa kwiipa, kakuli sitondo sa limukiwa ku muselo watho. ³⁴ Omwe ana no a mili, kakuli mwa anu akwite michima tha kuipa(lunya), naga mwamba ngepi yinu yiwa kuno mukwite michima tha kuipa? Kakuli mulomo wambanga eyi ili mu muchima. ³⁵ Munu muwa atunditha yinu yiwa mu sipau-pau saye siwa, na munu muyi kame atundisanga yinu ya kuipa musipau-pau saye sa muchima wo kuipa. ³⁶ Na mi ambela ngao muliiwa no katulo anu mwa atuliwa ku lii lyoshe na amba. ³⁷ Kakuli omayi onyiko amba monisa ngao o mu kwa ku luka kamba omayi onyiko mba ku wanisa mulandu. ³⁸ A n'oli na mafalisi amweya keo alaba Jesu na ku amba okwoo, "Muluti, twa wapela ku mona makato oye." ³⁹ Kono Jesu o alaba na ku amba, "Aayi na abuki a saela makato, kono njeko makao ethi pelo apiwa kendi makato a mupolofita Jonasi." ⁴⁰ Jonasi mwa na ikala maiwa maatu na masiku maatu mulibumo lyasi mukulu, monyiko omu mbaikaela na Mwana Munu maiwa maatu na masiku maatu mu muchima wa kano kaye. ⁴¹ Alume a Nenive mwaimana kukatulo na lusika lwapelo, atu atule. Kakuli mwa na baka ku mukosi wa Jonasi, keo mumone, muno mwali munene mu pita Jonasi. ⁴² Mulena wa mukathi no ku mbweela mwaimana na lusika lwa pelo ku katulo, atu atule. Mwa na pana ku mamaneeno akaye kuwiya ku yuba eyi no utali wa Salumoni, mumone kame, munene kwa Salumoni muno mwali. ⁴³ O mepo no mazilo apa thin tunduku munu tha thanga mu lyuwa omu no mbula meyu ku ka thaela sibaka sa ku ka pumula kono tha ka sitaamanga. ⁴⁴ Keo tha amba, moni ukela ku nzuwo thange noni yikalanga. 'Apa thi ku zthika, thaka wana ngao munzuwo muna fiyeliwa yinu ina pakiwa siwana. ⁴⁵ Keo thatha kuka shimba thi kwatho mepo thinyangunyu tha ku kuma pa mutaanu na thiili no ku zthi pita ku maata, mo thiwiya kutunga natho omo munzuwo. ⁴⁶ Jesu yo shi amba ku anu angi, mumone, nyokwa Jesu na aminaye mwa na yimana panze, mwa na thaela ku amba naye. ⁴⁷ Omweya keo o amba okwaye, "Omone, aka nyoko na aminoye aikala panzi, asaela ku amba noye." ⁴⁸ Kono Jesu keo o alaba munu oyu namuambele, "A ka nana akani na aminange akani?" ⁴⁹ Keo ondololela likaha lyaye kwa alutiwa aye na kwa amba, "Omone, aa onyiko aka nana na aminange! ⁵⁰ Yoshe oyu tenda tato tha Tate oyu oli ku wilu, oyo munu yonyiko minange wa mulume, na manthange, na nana."