¹ Jesu apa na mana kulaela alutiwa aye ali kumi na iili, keo ofunduka kutha na kukutatha mu milenen'i thoo. ² Keo Joani noikala mutolongo oyuba o mithebethi tha Kelesite, mwana tuma lin'utha kwa alutiwa aye ³ na kwamba okwaye, "Owe okeya ndi tu tateele wawo?" ⁴ Jesu mwana alaba na kwaambela, "Muthe mu kambele Joani eyi muna mono neyi muna yubu. ⁵ Eyi bofu ya mona, yihole ya enda, anoo mbingwa a kenithiwa, ashushu a yuba kame, anafu aukela kuyoya, na ulumiwa wa kutathiwa kwa utwi. ⁶ Wa fuyawethi oyu na kana ku holofathiwa mu naikuto." ⁷ Aa alume apa natha munzila, Jesu keo otateka kuambela limbuta ya Joani, "Yike eyi onathele kukamona mu lihalaupa-olitaka lyonyiko lina zukuthiwa ku mepo? ⁸ Kon'o muna ka mona yike-munu oyu na ku manga yito yilelu? Kandi aakumanga yito yilelu aikalanga muma nthiwo no silena. ⁹ Ndi mo muna ka mona yike-mupolofita ndi? Aye, na mi ambela, mane wa kupita mupolofita. ¹⁰ Oyu yonyiko ona n'oliwa oyye ngao, 'Omone, Natuma mutumwa wange potho thoye, oyu kalukitha onthila potho thoye.' ¹¹ Nami ambela ya sikuma, njeko oyu naelekiwa kale ku mukathi munene kupita Joani Mukolobethi. Kon'o oyu mbo kapiluka munyonyo mu mubutho no kuwilu mbo ikala munene okwaye. ¹² Kutunda ku mayiwa a Joani Mukolobethi kuleta pelo, o mubutho no kuwilu wa lwithiwa, ni alume no mifilifili aulwitha na maata. ¹³ A polofita oshe na mulao ana polofita ku kuma kwa Joani; ¹⁴ haibandi mwa yiitana na ku amuhela, yonyiko Elia oyu naswanele ku wiya. ¹⁵ Oyu kwite matwi aku yubisa, ayube. ¹⁶ O sicaba sapelo moni sifekisa shinani sike? Kwa feka wetini anikana apepangele mu musika, aana tomana na kuku isananga ¹⁷ na kuamba ngao, 'motuna milizeze opala, kono ko mwashikina kao. Tuna silisa o sililo kono ko mwashi lila kao.' ¹⁸ Joani mwana wiyi njekulya sinkwa na kunwa owaine, mwana amba ngao, 'Akwata madimona.' ¹⁹ Mwana Munu apa na wiya mwanalya na ku nwa kame mwana amba ngao, 'Mumone, wa kulya(mulyuu) na kunwa (cakolwa), muonyi wa atelisi na ayii! Kon'o outali wa monahala mumi sebethi thaye." ²⁰ Keo Jesu otateka ku ayutha ominthi omua tenda mamakatho mangi kakuli nashimwa ku baka. ²¹ "Umayi woye, Karazini! Umayi woye, Betisida! Anga aa mamakatho mwana tendiwela mu Tire na mu Sidino ana tendiwa okoye, nga naa baka kale-kale mumaina no masaka na mututwi wapa lithiko. ²² Kono okoto tha Tire na Sidoni mothilelupa ku pita othenu muliwa no katulo. ²³ Owe, Kapenauma, wa kengela ngao moka nanuliwa ku wilu? Nje, motwaliwa kushi okukuli yithimbi. Kakuli mu Sodoma nga monyiko na tendiwa ama makatho na tendiwa okoye, nga na pelo kwashili. ²⁴ Kono na amba okoye ngao okoto mbo thipiwa sibaka sa sodoma mothilelupisiwa kupita thoye muliwa no katulo." ²⁵ Munako etho Jesu mwana amba, "Na kulumbangetha owe, Tate, Mulena wa liwilu na kaye koshe, kakuli oyiambo yoye ona yiolekele ano utali ngao kana yiyubisisa, na kuitalusetha aikana anyonyo. ²⁶ Eni, Tate, ethi mono siwapelisa mu meo woye. ²⁷ Yinu yoshe Tate ona ipaka okwange, kame njeko mnu oyu limuka omwana kendi Tate, kame njeko munu oyu limuka Tate kendi omwana na kwawo ana wapele mwana ngao amu talusethe. ²⁸ Muwiye okwange, moshe muna oyka na ku shimba ya kulema, moni mipa o pumulo. ²⁹ Mukutweke o coko thange na ku kututa okwange, na kwata sishemo na muchima uwa, kame mo muwana kwaku pumulisetha o moyo wenu. ³⁰ O coko thange thilelu na thishimbanu thange ko silema kao."