¹ Jesu ke o isana alutiwa aye na ku apa maata peulu no mepo zinyangunyu, kuzitundisa, na mikaelo zoshe za kukana ku ku yuba siwana mulutu. ² Keo mazina a apositola likumi naa ili aa. Wo matangeztho Simoni(oyo na ithana Pitolosi), na Andulu minaye; Jakobo mwaana Zebedea, na Joani minaye; ³ Filipi, na Batalome; Tomasi, na Mateu mutelisi; Jakobo mwaana Alufasi, na Tandausi; ⁴ Simoni wa Zealoti, na Judasi Isikaliota, oye mbotamba kubeteka Jesu. ⁵ Aa alutiwa no likumi na aiili onyiwo Jesu natuma, "Ko munaza oko kuli malicaba, kame ko muna ingena mu matolopo no mishibo za Masamaria. ⁶ Kono muze kwa angu no ku yonga a lusika lwa Isilaele; ⁷ apa mutamba kuza, mukutaze ngao, 'Mubuso wa Mulimu u nawiyi pepi.' ⁸ Mupalise ako ku kola, muyingule afu, mukenise a mbingwa, mutundise madimona. Mu na piwa mahala, namwe mupe naku lukuluwa. ⁹ Ko mu na shimba gauda, silivela, kamba kopa mui kwama yenu. ¹⁰ Ko mu na shimba mukotana mu mwendo, kamba lipai, kamba makatulo, mulamu, kakuli mubeleki a lukela silya pa musebezi waye ¹¹ Munzi upi kamba tolopo zipi ze mui ngena, muwane oyu oswanela mo, muikale oko kupitela apa mufunduka. ¹² Apa muingena munzuwo, mulumelise. ¹³ Haibandi kuna swanele kuikala omo munzuwo, kozo zenu ziwiye mo. Kono endi njena kuswanela, kozo zenu zi uke okwenu. ¹⁴ Kwaya akana ku mi amuhela kamba kuzeza o mayii, apa mutunda mowo munzi endi tolopo, mu nyungumune oli kungu ku mahulu enu. ¹⁵ Ya sikuma na mi ambela, mo kuikela kushe muba o litunga la Sodoma na Gomora mu liywa la katulo kupita owo munzi. ¹⁶ "Mutopele, na mituma sina angu mukaci ka Iwi, keo mutalife shinani mayoka na kuta ama mulandu sinani makuchi. ¹⁷ Mutokomele anu! Mwa mitwala mu makuta, a mishape mu masinagoge owo. ¹⁸ Keo mo muletiwa kwa Busisi na Malena baken'isa ome, ili upaki okowo na ma licaba. ¹⁹ Apa atamba ku mikwata, komu na bilaela eyi mutamba kwamba, kakuli eyo no kwa mba mo muipiwa ezo nako bene. ²⁰ Kakuli komwe mutamba kwa amba, kono Mepo za I wenu zonyiwo mozi amba okwenu. ²¹ Mwpa munu yotamba kubeteka mwapaye ngao afe, Iwo wa munu ku mwaana. Ana mwa lwisa a shemi na kwaletela kufa. ²² Mo zimbiwa kwa anu oshe baken'isa olizina lyange. Kono oya otundamena ku twala ku mafelelezo, oyo munu yo tamba ku yoyisiwa. ²³ Apa a minyandisa mo u munzi, muze ku wo tatama, ha mi ambela ya sikuma, mushimwa kumanisa zoshe minzi ke Mwana Munu ona kumu. ²⁴ "Mulutiwa ka mukulu koo kupita muluti waye, kamba mupika ku pamela moyaye. ²⁵ Ku na kwana ngao mulutiwa afeke endi muluti, na mutanga shinani Molyaye. Haiba endi ana isana Mulena wa Nziwo z Zelubabele, ke mo ku kuma kupi kuneku la mazina mwa toisa ako mwanda waye! ²⁶ Apa kuli ngeya ku muna iyapa, kakuli njeko sa kukoleka mbo sikana kupatuluha, njeko sina wolekiwa mbo sikana ku limukiwa. ²⁷ Esi ni mi ambela mu lififi, mu si ambe mu liseli, esi ni mi shobotela, mu situmuse pangandela pa mitumbwetumbwe no nzuwo. ²⁸ Ko mu na iyapa atwesa kuipaya olutu kono katwese kuipaya muoyo. Kono, muiyape oyu otwesa kuyundisa owili wa mooyo na lutu ,u lihele. ²⁹ Tutete twiili ka tuhulisiwa na kangwe kanyonyo? ³⁰ Kono njeko katwesa kufa ku shimwa Iwenu kana ku limuka. Kono na uki no ku mutwi wenu zina baliwa. ³¹ Ko mu naiyapa. Mwa ko utokwa kupita tutete. ³² Apa kuli ngeyo, munu oshe oni toya ku sicaba, name moni mutoya kwa Tate no kuwilu. ³³ Kono oyu oni latula kwa anu, name moni mulatula kwa Tate no kuwilu. ³⁴ "Komu nakengela ngao ina lete kozo pano pashi. Na shimwa kuleta kozo, kono mukwale. ³⁵ Kakuli naletele ngao munu a fapahane na Iwaye, mukazi na Ina waye, mukazi na nyamunyaye. ³⁶ Ila no munu mwa piluka aya apaye. ³⁷ Oyu o wapela Iwaye kamba nyina waye kupita ome ka niswanela kau. ³⁸ Oyu okana kushimba o sifapano saye na kuni kon'eela kani swanela kao. ³⁹ Oyu o katwa upilo waye mwa lisinyehelwa. Kono oyu sinyehelwa o upilo waye baken'isa ome mwa uwana. ⁴⁰ "Oyu omi amuhela ani amuhela na me kame a amuhela noyu na nitumu. ⁴¹ Oyu o amuhela mupolofita mu lizina lya mupolofita mwa amuhela ku mupuzo wa mupolofita, oyu amuhela mulume wa kuluka mu lizina lya kuluka mwa a muhela mupuzo wa munu wa kuluka. ⁴² Oye oshe mbotamba kupa shango komoki za meyu no kombolelwa ngao anwe kwa anu ange anyonyo mu lizina lya mulutiwa, ya siukuma Na mi ambela, o shimwa ku sinyehela o mupuzo waye."