¹ Kandi ama ngayula na mitheko thenu motha panena kupi? Ko ya panena kweyi mwa thaela mu minahano thenu kau? ² Mo mwa thaela kame njena ku wana. Mo mwe pa na ku yuba muna, kono yoshe njena ku wana. Mo mwalya na ku kwayutha. Ko mwa wana kau kakuli ko mwa lomba kau. ³ Mo mwa lomba. Mo mwa lomba kono njena ku piwa kakuli ko mwa lombanga thiwana kau, ngao angu mu ku tuthithe mu mi nahano thenu. ⁴ Omwe mwa maule! Mu na limuka ngao ku ku kata na litunga mwa ku thimba na Mulimu? Keo yoshe oyu wapela ei no litunga a ku thimba na Mulimu. ⁵ Mwa kengela ngao ei no yamba mu man'olo ya ngayangaya, O moya owo na tupa ngao wikale omwetu moya yuba lifupa enene?" ⁶ Kono Mulimu mwa tupa n'eke enene, shina omwa ambela man'olo ngao, "Mulimu kawapela anu ku ku kumutha kau, kono oye mwapa n'eke kwaya no ku ku twala pashi." ⁷ Muku pake kwa Mulimu, mumu kaene satani, keo mwa tundo kwenu. ⁸ Miwiye pepi na Mulimu, naye mwa wiya pepi nenu. Mukenithe a makaa enu, omwe mwa kwo kutenda thibi, mukenithe micima thenu, omwe mwanu mwako micima mbili. ⁹ Mukunyenge, mu ku yube unguula, mulile! Mushimbe isheka yenu kuipilula maswabi na tabo thenu thi piluke maswabi. ¹⁰ Mushiyame pa mewo a Mulimu, naye mwa yoyola kumi twala peulu. ¹¹ Ko muna kwata enene kwamba ya kwenu, akwetu. Oyu yoshe no ku ambenene ya kaye, kapa ku atula akwaye mwa amba ya mulao na ku atula mulao. Ku mono na atula o mulao, keo ko wa tenda o mulao kao kono o mu atuli. ¹² O mweya ambu yo nyiyo wapo mulao kame yo mu atuli ambu. Yo nyiyo otwetha ku yoyitha na ku thinyathinya. Owe oani, owe no ku atula mukoye? ¹³ Mutethethe ngeno, omwe mwa mbanga ngao, "Pelo kapa peuntha mo tutha mu ya mu tawindi, aka ikalemo mwaka umweya, tuka tende pisinisi, na ku ka wana polofiti." ¹⁴ Oyu na limuka ani eyi tendahala peuntha, kame na upilo woye? Kakuli owe o mume wo ku moniwa pa nako thinyonyo kame kabakana keo u napu. ¹⁵ Mo mu na swanele kwa mbanga ngao, "Ku mona Mulimu thaela, motu yoya na ku tenda eyi na iya. ¹⁶ Kono we wa ku kuumusa na mangana oye no likan'i. O ku ku yuba ko ngeyo oshe thibi. ¹⁷ Keo yoshe oyu wa limuka ku tende iwa kono ngena ku itenda, etho keo thibi o kwaye.