¹ Kamoshe mu swanela ku piluka maluti kao, mwa kwange, kakuli mu limuke ngao otwe twa maluti mo mbo ku atuliwa enene. ² Kakuli otwe mo twa fosa mungi. Munu ku mona ona kana ku fosa mu kwamba, oyo keo munu wa ku luka, wa kutwetha ku enditha thiwana o lutu lwaye. ³ Haibandi twa twetha ku manga mwaala mu mulomo no mbii ngao atu yubele, twa twetha ku enditha o lutu lwaye loshe. ⁴ Mu mone kame ngao, ei sepe ikuku eyi yendithiwa na mepo zingi, moya endithiwa rada na ku zyi thiulula kutwala koshe okwa thaela kutho ndilaiba. ⁵ Monyiko kame omo, lilimi thilama thnyonyo pa lutu, kono tha ku ku yuba enene. Mumone kame mulilo unyonyo omu wa lumbekela misitu. ⁶ Lilimi nalyo mulilo, thinu thinyangunyu mukaci ku ilama yetu. Lilimi lya twetha ku thinya o lutu loshe, lya twetha ku tumbeka oupilo woshe, kame nalyo lya tumbekiwa na lihele. ⁷ E iyamana yoshe yo mulyuwa, ei yunyi, ihahabe, na yoshe yo mu liwate yoshe yo mu liwate yoshe ya twetha ku leliwa kame ya leli wapo na anu. ⁸ Kono njeko munu wa ku twetha ku lela e lilimi lyaye. Thinu tha thibi enene, tha kumba na unyangunyu. ⁹ Na lilimi twa lumba Mulena oyo Yiwetu, na lilimi kame lyo twa kuta anu, ana umbiwa na ku fekla Mulimu. ¹⁰ Mukanwa ka mweya mwa pana fuyawethi na thikute. Akwetu, ei ini ko ina tendala. ¹¹ Mwa monako ka ambayi ka panitha meyu a ku lula na no ku njapa? ¹² Kapa sitondo sa feiga, akwetu, sishema ma olivisi? Kapa ma gilepu a shema ma feiga? Kapa meyu a mukele a tundithe meyu aku njapa. ¹³ Ani oyu no utali na yubithitha mu kaci kenu? Oyo munu wo ngeyo a mo nithe upilo uwa mu misebethi thaye mu kuluka mu utali waye. ¹⁴ Kono ndi owe o munu wa muna kame wa moya unyangunyu mu mucima woye, kona ku ku musa na kwamba yo uata ku thiya niti. ¹⁵ Ou ka onyiko utali upana ku wilu kau. Kono wa pano pashi, kawa moya kau moya wa ma dimona. ¹⁶ O ku koshe kwekala o muna na ku ku nuneka, mo kwe kala mifilifili na mikwa zoshe thi nyangunyu. ¹⁷ O utali au pana ku wilu u pya ku tabela kozo, ku ku yuba thiwana, ku kengeela thiwana n'eke thingi, nei pa nako iwa iwa, yambula thobothi kame na niti. ¹⁸ Eya waniwa mu ku luka yoshe mo ya ku niwa mu kozo mwa ya anu a wapela kozo.