¹ Akwetu, ko muna kwata tumelo kwa Mulena wetu Jesu Kelesite, Mulena no kozo, tha ku keta anu. ² Mukengele ngao munu eya kwingena mu mukopano wenu ona ku manga thiwana ito ya gauda kame ikenu, kame kwiya kwingena munu njebwe ona ku manga ito ya mathilo. ³ Apo topela oya na kumanga eito iwa-iwa na ku amba ngao, "Owiye oi kale mu sibaka thiwa" na kwambela oya njebwe, "Oyi mane apo " kapa "Otomane pashi pepi na maulu ange." ⁴ Apo komu atula na ketulo mukaci kenu kao? Ko mwa shipula aatuli a thibi kao? ^{5 7} Munitethethe, omwe mwakwange na wapela, kandi Mulimu no shemwa ku ano mbula ku fuma ku piluka anu a tumelo na ku yola o mubuso waye na sepisa aya oshe anu wapela? ⁶ Omwe njena ku wapela a njebwe! Aa no ku fuma kaonyiyo ani putela kao? Ka onyiyo ani tuta tutelanga ku makuta? Ka onyiyo a tukana e lizina eliwa ani thanitha? ⁸ Keo, pano, haiba ndi mwa kon'ela o mulao o mu una n'oleliwa mu mabuka, "Mwa swanela ku wapela a kwenu o mu pepi shina omu mwa ku wapela, "mwa tenda thiwana. ⁹ Kame ku mona muna ketula, keo mwa tenda thibi, kame mwa mangiwa na mulao ngao muna colo mulao. ¹⁰ Oyu no ku kon'eela e milao thoshe, kono ku mona ona fothoko umweye, keo ethaniwa ngao ona fotho e milao thoshe. ¹¹ Oyu no amba ngao, "Ko mu na kwata lifa," yonyiko kame no amba ngao, "Ko mune paa." O mwendi ko mu kwata lifa kau, kono kame mwe paa, mwa waniwa ngao muna colo mulao woshe. ¹² Keo mu ambe na ku tenda wendi anu aya mba atuliwa na mulao wo tukuluwo. ¹³ Katulo mo tha wiyanga na kulwa n'eke kwaya anu na kana ku kwata n'eke nawo. N'eke thinu thinene ku pita katulo. ¹⁴ Polofiti mwike, mwa kwange, ku munu amba ngao oye a kwata tumelo, kono ka kwite misebezi kao? Kana ziya tumelo tha twesa ku mu pulutha? ¹⁵ Mukengele ngao mukwenu nje ito ya ku manga iwa iwa, kame nje ilya ya kulya mwelyo liiwa. ¹⁶ Keo omwe mwa ambela ngao, "Muthe mu kozo, mukaenyane kame mu kekute." Ku mona muna kana kwapa eya thaela ku lutu lwo, poloiti mwike e thi ana wana? ¹⁷ Mu mweya na tumelo, tha mbula misebethi, tha kufa. ¹⁸ Kame munu a twetha kwa mba ngao, "Owe okwite tumelo, ome na kwata misebezi, "Oni monithe tumelo thoye no mbula misebezi, ome mo ni ku monithe tumelo thange ku pitela musebezi thange. ¹⁹ Mo mwa lumela ngao Mulimu mweya ambu, mwa tenda thiwana. Kono ama demona nao aitana ngeyo, mane na ku mu njanja. ²⁰ Wa thaela ku limuka, munu thianganu, ngao tumelo tha mbula Misebezi tha mbula tuso? ²¹ Kandi Abulahama no shemwa ku lumbiwa ngao neli mukenu ku pitela mu musebethi waye na shimba mwanaye Isaka ku paka pa sitala? ²² Mu na mono ngao e tumelo thaye mono thi thebetha na musebethi thaye kame mu misebethi tumelo thaye no thi kumekiwa. ²³ A man'olo na kumekiwa na amba ngao, " Abulahama mona yubela Mulimu, kame mo ne thaniwa ngao wa ku luka, kame mo ne thaniwa ngao mwonyi wa Mulimu. ²⁴ Muna mono ngao misebethi tho nyioko tha kenisa munu ka tumelo tho foti kao. ²⁵ Ka monyiko kame, Rahabu o liule no kenithiwela mu musebethi na tenda no ku amwela angenda na ku ananga nthila thatho? ²⁶ Shina lutu mona mu natundu moyo keo lu nafu, ngeyo kame na tumelo ku mona nje musbezi keo thi na fu.