¹ Jeplep gə məjepnəgən wu gǝyil Yahudiya mə kələng gǝtap Mǝjong mə lap ɓələp Naan. ² Shi wu Bitrus waa kaa gǝ rǝ nUrishalima, mǝn muop wu mə kwapdǝp muop hǝ mə watyit muup; ³ mə yen, "Gə roop sak gə dagum muop mən gə səsə gə muop!" ⁴ Mən Bitrus bəm yakshii ɓələp nanyi gə gədang-gədang; yen, ⁵ "Dok an fu ɗangnaan nYafa, mən a naa mǝbi kabi sugun hǝ, mǝbi kabi byaat ǝbǝr a wu kǝkaam tong gǝbǝtǝng sam gǝye mǝ yaa a shi gwang gǝfe feer. Sam rǝ dǝrnǝ. ⁶ A lang yitnə ashik mən a ɗye ɓǝlǝp gǝkaa. A naa lua muop wu gǝ kwak feer nung gəyil, gə lua gǝgǝr, gǝ lua wu gǝ mǝ feer gǝɓǝt, gə yer gətəng. ⁷ Mən a kələng me mə ɗəgəl laa gə an yen, 'Bitrus, yagal gə kwap mən gə aar!' ⁸ A yen, 'A kam mou, Miskagam; məbi wurap jet rə nfunə mou.' ⁹ Mən ɗəgəl nanyi bən lap gəbətəng yen, 'Bii wu Naan laa yong a wubəɓang, ɓǝ gə yong wurap mou.' ¹⁰ Bii nanyi chan kam kún mən mə mang waa yaa gəbətəng gənyi shizak. ¹¹ "Gə laa mou mən daas kún jya mə ɗyam tagam fulə wu mən nnəgən hǝ, dok mə lep muop a gəyil Kasairiya dərnə. ¹² Mərip laa gə an yen an a mwaan gədər muop, mǝn yen an gǝ a pənyit muop mou. Məjepnaa muop wu peemǝ nhə mə mwaan gədərnǝ, mən mə ruo nlə dagwuo nanyi. ¹³ Mən laa gə mən nkwǝt ji naa me mǝwong darɗok nɗəgən lə gənyi fu laa yen, 'Lep gurum mǝ mwaan nYafa, mwaan mǝ wakjya gǝ Simon wu gǝ mə yong shi Bitrus hə. ¹⁴ A nyi gə laa me mǝ lep wu gǝ pǝt gǝgə, nau gǝ lǝ agǝ.' ¹⁵ A ɓəm laa ɓǝləp dat gǝmuop, mən Mərip Wuret sam kaa muop kabi wudok sam kaamu shidel hə. ¹⁶ Mən a ɗye ɓələp Miskagam wu dok yen, 'Yahaya kənpe shi am; ɗe yong gǝ mə kən gun a shi Mərip wuret.' ¹⁷ Ɗǝ Naan npən byipǝn nmuop kabi wudok pǝn mǝn shi mə pən naduk nMiskagam Yesu Kristi, ɓǝ an a wuɗa ndung gə a ɗaar nyit Naan yi?" ¹⁸ Mə kələng ɓələp nanyi mən mə lap məbi mou, mə pyap Naan mə yen, "Ɓə kan Naan pən war nyit wubis nau nMǝjong ɗə mǝ kat tenglang yi." ¹⁹ Muop wudok mə pap nsa twangpe wudok shee shi muut Istifanus hǝ, mǝ mwaan jongpe ba ruo gǝyil Finikiya, gə Siprus, gə Antakiya, mən mə laa ɓələp Yesu a dər Yahudawa muop dat. ²⁰ Mən pak daas Siprus gə Kurane, mə sam gǝyil Antakiya, mən mə ɓələp gə Hellinawa muop gǝkaa langship Miskagam Yesu. ²¹ Sar Miskagam dok gəpe gǝme gə muop; gurum gwet mə pən naduk mən mə wakjya dǝr Miskagam. ²² Gəwur gurum Naan wu nUrishalima mə kələng ɓələp kaa muop mən mǝ lep Barnabas mwaan nAntakiya. ²³ Ji naa chinɗong Naan mən took muup pya; mən duantugur muop dər mə ɗyam bəɓal gədər miskagam gə bǝzung muop gəme. ²⁴ Nsa nyi dok a gurum wusaan mən nyi gǝ Mərip Wuret gə pǝn-naduk, mən gurum nɓəl mə wakjya dər Miskagam. ²⁵ Barnabas yagal mwaan nTarsus gə tang Shawulu. ²⁶ Kat nyi mən waaji gənyi nAntakiya. Mə chin yii gəme nnǝgǝn muop fu tǝlkaa gǝ gǝwur gurum Naan mǝn mə shee gurum muop gwet. Mə ɓəm yong jepgǝdǝr shi Krista a gǝyil Antakiya. ²⁷ Gəshi nanyi mən pak mǝlaa-ɓǝlǝpnaan mǝ tugat nUrishalima san nAntakiya. ²⁸ Nde wu gǝmǝ yong shi Agabus hǝ, yagal ɗar mən laa ɓələp wu Mərip laa gǝnyi yen gəzəm wugagam par gə taa gəyil dip. Mǝn dok taa shi wagap shi wu Klaudus a long hǝ. ²⁹ Lat mən jepgǝdǝr mǝ epɓǝt mǝjepnǝgǝn wu muop nYahudiya shi bhii wu ɓal gurum man hǝ. ³⁰ Mə chin a kam: mə lep Barnabas muop gǝ Shawulu gǝ shagal dər daskagam.