Itshul 3
1
Tal nki mpil ye lizol lin Tad ali wi,munda ba li yemen baan ba Nziem; bun bu likel.Tal munda nki mukil ali yeb we,munda akwi we mu iku mu yab.
2
Ba kuun ba lizol,tel li,li kel baan ba Nziem,si bu likal bis abwu li yeb we,kyi,bis li yeb ne,tel iya ghan kio,likal ifa imo andi nde munda bis li mu mumon bun bo kel nde.
3
Ani mud nde muso wu kel andi likwikil Lili fi kul nde,abi wu-wul bun bu kel nde wo win masum.
4
Mud nde muso wo sala masum,asala si manda mama wine mu nzil,masum ma kel we mu nzil ye mbwed.
5
Bini li yeb si ne,nde wun ayi ghan munda ikiele masum ma bini,mu nked a nde masum mo we.
6
Mud nde muso wo zinghe mu imvuk andi nde,asala we masum; Mud nde muso wo sala masum,amu mon we,akwi we iku mu yab.
7
Baan,mud mumo akaan iku bisa mu liwu,wun wo luuno masong,akel imbe-imbe,bun bu kel nde wun wo kel imbe-imbe.
8
Wun wo sala masum,afa ku kel Satana,munda Satana asel masum sa fa ku itsin.Itsin kio kin,mwaan à Nziem ayi ghan,munda idus bisal bio biso be Satana.
9
Mud nde muso wo fi ku kel Nziem,asala we masum,munda mbud ye kuno nde,ye budo,ikel ku kel nde,nde akwi we mu isal masum,munda afi ku kel Nziem.
10
Akoyan ya yi ghan baan ba Nziem ani baan ba Satana: Mud nde muso wo wun luuno masong,afi we ku kel Nziem,si à lwid we wo wun zolo mukuun a nde.
11
Munda,tal nsia yi li ywil bis sa fa ku itsin: <>.
12
Kel we amon ne Cayin wo yi mu mpud yo iso,wo dwis mukuun a nde. Si munda nki nde amu dwis? Munda bisal bi nde bi kel bibi bi,si be mukuun a nde bi kel be imbe-imbe.
13
Li kaan mu iyutuk ba kuun,ne mukil ali ywile impal munda bini.
14
Bis li yeb ne ake li lwid ku lifhu mu lizing,munda bis aka lizol ba kuun,wun wo wine lizol,azinghe mu lifhu.
15
Mud nde muso wu kel andi imbeen mu nkwum a nde,akel wun wo duso,bini li yeb ne,nde muso wo duso akel we ani lizing le win nsuk Lili fa ku kel nde.
16
Mu nzil yin,bis bu li lwengek mu iyab masong,munda nde wun wo wi mwe nde munda bis, bis si li kisi mu iwa mwe wo bis munda ba kuun ba bis.
17
Si wun wu kel andi mpil ye lizing le mukil wu,ani imon mukuun a nde mu nzal,nde le mukesel tin mu iku mu suu ma nzil man,isi nki lizol li Nziem likal ku kel nde.
18
Baan,likal mu lizol,kel we ne mu imo to ne ku munwa si mu bisal ani mu masong.
19
Akoyan ya li yab bis ne li fi ku masong,ani mu isa mbwun ye ibini ku kel nde.
20
Mu ital mio miso mi mwen ma mbwun ma bis ne li sel ku ibi munda iyab ne Nziem lwid ma mbwun ma bis,nde si yeb bilo bio biso.
21
Ba kuun ba lizol,kid ne mbwun a bis ali liel we ne bis li kid ku ibi,li kel ani manda ma ibini mama kel wili ku nkul a Nziem.
22
Ani mo maso ma li luumo bis,li ma zi-zwa ku kel nde,munda bis aka li luun ma ngil ma nde ani isal manda ma bwed ku madis ma nde.
23
Eh! bini,tal ngil a nde: Likal andi likwikil mu nkwum ye mwaan a nde Yesu Klistu ani bis mu ikal andi lizol ban ani ban,bun bo li wi nde ngil ku kel bis.
24
Fudu,wun wo luuno ngil a nde, a zinghe mu imvuk andi nde,nde si mu imvuk andi nde wun; Akoyan ya li yab bis ne nde akel mu imvuk andi bis,mu nzil ye lizol le li wi nde.