¹ Baan ba me,me li swenen bilo bi,munda bini li kaan mu ibub sal masum. Akoyan,kid ne mud mu mo sel lisum,bis likel andi mud wo li nwenen mu nkwa Tad,Yesu Klistu wu kel imbe-imbe. ² Nde akel wun wo biwi nde muso munda masum ma bis. Kel we na munda baba bis,si andi munda bad ba mukil mutshin. ³ Mu nzil aso yin,bis li yeb ne ba lwengek mu iku mu yab,iswe ne,kid bis li kween mu ibud tal ma ngil man. ⁴ Wun wo mo ne: <> Akoyan,wo wun luuno ma ngil man,akel mud a mampia,masong ma kel we ku kel nde wun. ⁵ Si wun wo luuno nda ye nde ibini nsil ku kel nde wun,lizol le Nziem Lili kwe imbe-imbe,akoyan bis Lili yab ne li kel mu imvuk andi nde. ⁶ Wun wu liel ne akel mu lizing mu imvuk andi nde,akel nde si mu iluun mu izing bun bo zinghe nde. ⁷ Ba kuun ba lizol,me li swenen,kel we ne ngil ye mpa,si ngil ye ntam yi li wel bini sa fa ku itsin.Ngil yin ye ntam,ikel nda yin yi li ywil bini. ⁸ Fudu mbal nkim,me li swenen ngil ye mpa.Ikel ye ibini munda nde ani munda bini. Munda lipyib li lud si mwil wo ibini akel mu ighel. ⁹ Wun wo bi mono ne akel mu mwil,kyi lo nde akel mu imbeen ku kel mukuun a nde,ti tel li,akel mu lipyib. ¹⁰ Wun wo zolo mukuun a nde,azighe mu mwil,ikel we andi tel le bwa nde mu man mama mu tel. ¹¹ Si wun wu kel andi imbeen munda mukuun a nde,akel mu lipyib,azinghe si mu lipyib.Ayaba we kun nde akel mu ikwe,munda lipyib li mukes madis. ¹² Me li swenen baan,munda masum ma bini,ba li lwelel a mo itsin nkwum a nde. Me li swenen,ba Tad,munda bini bu li ywil mu iyab wun wu kel sa fa ku itsin. ¹³ Me li swenen,mituu me ba kad andi me ba baal,munda bini bu li mwen bad ba bi.Me li swenen baan,munda bini bu li lwengek mu iyab Tad. ¹⁴ Me li swenen ba Tad,munda bini bu li lwengek mu iyab wun wu kel sa fa itsin. Me li swenen,mituu,munda bini li kel ngol,nda Nziem si ikel andi ibini,bini si bu li wel ibyi ku kel bad ba mpud. ¹⁵ Li kaan izol mukil ani bilo bibi kel mu mukil.Kid ne mud mumo zwel mukil,lizol le Tad li kel we andi nde. ¹⁶ Munda bio biso bi kel mu mukil,lizol le imud ani lizol le madis ani lileen Lili lwidil mu mpil ye kel nde,ifa kid ku kel Tad we. ¹⁷ Fudu,mukil akel mu ilud ani manda ma nde si, si wun wo sala lizol le Nziem,azinghe mvul andi mvul. ¹⁸ Baan,Lili tel li nsuk,ani bun bu li ywile bini mu imo ne: baba wun mu zolo Klistu ba ya,sa fa tel li,baba wun zolo Klistu ba fhun ba ya tshu,ako yan ya li yab bis ne likel tel li nsuk. ¹⁹ Ba tshwi ku kel bis,siba kele we mu muluu wo bis; munda kid bo ba kele mu muluu wo bis,bani zinghe andi bis. ²⁰ Bini li kel andi isal ke fa ku kel Santu,bine baso li kel ani iyab. ²¹ Me li swenen,kel we ne bini li yeb we masong,si munda bini li ma yeb,ani munda nto mpia mo we ye fa ku kel masong. ²² Na nga mpia,kid ne,na wun wo maa ne Yesu akel Klistu? Tal wo maa Klistu, wun wo maa Tad ani mwaan. ²³ Mud nde mu so wo maa mwaan,akel we si nzil mo ani Tad. Wun wo kise mwaan akel si ani Tad. ²⁴ Kid ne ku kel bini,nki yo yi li ywil bini sa fa ku itsin,ki ikel ani bini. Kid ne ki li ywile bini sa fa ku itsin,ikel ani bini,bini si li zinghe mu imvuk ani mwaan,ani mu imvuk ani Tad. ²⁵ Fudu,tal ilo ki ba ken,ke li kenes nde ngako: Lizing Lili win nsuk. ²⁶ Bilo bi,me li swenen munda ban baba mege mu iku likiele bini mu nzil. ²⁷ Kid ne ku kel bini,meel ma ba li beb bini ku kel nde,ma kel mu nked a bini,bini li kel we andi mfun ne ali liong; si bun bu kel meel ma beb nde,ma li longo mu bilo bio biso,ibini,kid mampia we,bun ko bun bo li lweng nde mu izing mu imvuk andi nde. ²⁸ Kobun tel li,baan ba kii,li zing mu imvuk andi nde munda ne,tel aya ghan nde,likal ani masong,likal we si mu inaan andi nde,mu ibol nswen tel aya tshu nde. ²⁹ Kid bini li yeb ne ikel kobun,bini li kwi mu iyab ne mud nde muso wo luuno masong,afi ku kel nde.