¹ Chew wa ne, "Ngichewe ma mu chew wun, ku chiri wun ba mu chila ha bari wu ginna wun wo do la'ara wu sa sai wu na sunna nzah ma Baku yu'ana i ngyarngya." ² Nongyo tanzah bo'olo, Yeso kau wu Bitrus i Yakubu mashen gul kono yah lo'o yah. Yi ba yiri yoh pirwi ku dum yah. ³ Wu twan yi a pirwi bungya yah kal kal bene gima ba a sam ma sunni ku nza'ah ban. ⁴ Yi bah Iliya ai Musa a pur wa, a mur lo'o i Yeso. ⁵ Bitrus yere ka chiwii Yeso, "Ba sahsah" bwangna ne su ha bari, su shi tah wu ka'a ngyiling, mo'on moo, mo'on ma Musa, i mo'on ma Iliya." ⁶ (Wo do shi'ila gir ba i chewe sa, ji'iri. ⁷ Rungjung yo kusu yah, yi ba jimiu pur i yo beh rungjung, "Mani yi munam ma njele, wu wi'ih." ⁸ Muni, ba a pirwi sunnu, a do sunn bwara i yah sa, woo Yeso lo'oi' ⁹ Bah a mu su'ulu i yoo beh kono, Yeso ma'a yah ne a do chiwii bwara gir ba a suna sa, sai mun bapina na yu'ama i yoo buhu. ¹⁰ A mel beh lo'o mani ku nchim yah. A lo'oi yir yah ne beh la'ahun ku buhu na ningna man. ¹¹ A mui, "Mani ma'ana wu ba she'ele ane Iliya ko shi yo duwa?" ¹² Chew wa ne, "Iliya ko yo duwa chew i girshi wu gir Bene ba a ngwa'ala ne mun bapina ko lih chiri bwana a yoh beni?'' ¹³ chiwa wun ne Iliya yuana, a ningna ku mur pa'a gir ba nchim yah njila, bene ba a ngwa'ala chew yi." ¹⁴ Ba a yo par beh wu gamur wu muna tumui, a sun zam wu bapina ai yah, wu ba she'ele a wo mu lih nan i yah. ¹⁵ Ba a sun Yeso, beh zam bapina a fah kunya a bangya shen nda za'ari. ¹⁶ Yeso mweh wu muna ye'ele tumui, "Wu mu lihnan i yah ku mur man?" ¹⁷ Bwara ku ciri beh zam wu bapina yer yi bah sahsah, yuana i munam yo. I mpilar ba i do mi'i i lo'o sa. ¹⁸ I boli toli buhu ku nzah, ka to'oh ku kuni, i she'eh ngyirngyi, ka mi i ngyarngya ku yiri bene loh bapina. muna wu muna tumuo ne a puri iyi a do'o ngina sa. ¹⁹ Ka yerya, "wu zhe'e ba a do pana ngichewe sa, mo ning i wun ma shen ba'ayewe? Mo dang nchimam mashen ba'ayewe? Wari ma yo bam." ²⁰ A war beh mun ba mun yoi. Bah beh mpilar sun Yeso, muni muni maa'a beh mun nda bini ku yiri, Beh mun bamun kwai nzah ka to ku kunni. ²¹ Yeso mwe beh tar mun bamun, "Mashen bah yewe ba i pa'a na?" Beh tari chewne tu i yo billi. ²² Woi toli buk ku bissah i mu'uru, i njel ne i kpinyi. Ana gina pa'a gima, sun ciri su ne kum su. ²³ Yeso chewyi ne, "Ana ngyina?" Wu gir mbwang a pa'ana ngyichewe." ²⁴ Muni muni beh tar mun bamun zolo puru ka chewne, "pana ngichewe! kumam beh chew pah ngichewe yam sa!" ²⁵ Ba Yeso sun beh zam wu bapina a mur bang mayo bah yah, tah bura mur beh pina mpilar ka chew ne, weh mgbingbing i dan kun mpilar, ma'ana ne purui ku yiri, do bassa bor yiri sa." ²⁶ Beh mpilar zolo puru ka ma'a beh mun ba mun bin ku yiri i ngyarngya ka pur ku yiri. Beh mun ba mun ning bene luii, yi ba wu gamur wu bapina chewne, "I wuhnah." ²⁷ Yeso Toli ku buhi ka lo'oshi yiwa, beh mun ba mun la'ahun chele i mgbi'i. ²⁸ Bah Yeso yoh beh lah, wu muna tumui a muii ku swarmai, "Mani ma'ana su do ngina purui beh pina mpilar sa?" ²⁹ Chew waa ne, "Beh bom mpilar mani ko do'o ngi puru a na do lo'ana nira Baku sa. ³⁰ A pura ho banai a bolo ku chiri Galili. Do njel ne bwara she'ele ban ba a ho sa. ³¹ Chew ma wo mu sah wa wu muna tumui. chew wa ne, "Beh mun Bapina a wari pah ku buh wu bapina, a yo woolih, Ana wallai, ku nzum nongwo tarung, ku la'ahun kpa" ³² A do she'ele beh lo'o mani sa chew ma a bang ji'iri ma a muii. ³³ Yi ba a yo Kapanahum. Ba bor beh lah, mwe yah, "Man bah wa mu lo'o ku ngi nshere? ³⁴ A ning kiring. A wo mur lihnam i yiryah ku nshere ne yen ba gana ku chiri yah. ³⁵ Ba ning su'ula, tu'uli beh wu muna tumui lum kunni baring ka chew wa ne, "Bah na njila ne i ning ma duwa, ko shi ning bah nzum mbwang, i ning korom mau bapina mbwang." ³⁶ Toh mu mun bamun ka chihi ku ciri yah. Toli ku wu gawi ka chew wa ne, ³⁷ "Bah na ya'ana mu mun bamun bene mani ku lu'ulam, ya'ana mi, ba na ya'ana mi do ya'ana mi sa, ya'ana bah tuma mi." ³⁸ Yohana ka chewai ne, "Bah sahsah, su suna bwara imur purui i wu puna mpilar ku lu'ulo yi bah su chila iyi, chew ma i do mur war ta'a su sa." ³⁹ Yeso ka chewya ne, Wu do chele i yi sa, chew ne bwara ko do ngi pa'a mor tumu ku lu'ulam bah ko pirwi yo nda chew gir biwa ku muram. ⁴⁰ Bah na do mur pis su i chewe sa, yi masu. ⁴¹ Bah na pana wun mu'uru nuh ku girfeng chew ne wu ningna ma Kristi, ngichewe mu chew wun, ko do sahai kuru mgbi'i sa. ⁴² Bah na ma'ana wu muna mun mani, ba a pahna ngichewe ku lu'ulam ne a kwa, ko bongyo gana ne a kur mor ta'a go'o ku mulli a buhi ku lim mu'uru. ⁴³ Buho na ma'ana we ne kwa, yeri toh bukto'o, ko bongyo gana wu bor lah Baku i kpu'uru buhu i ba a buho i buho bpng ku lah bissa ba i mu lih ma hueng. ⁴⁵ Mgbu'o na ma'ana we ne kwa, yeri toh bukto'o ko bongyo gana wu bor la Baku i Kpu'uru mgbu'u i ba a buho i mgbu'o baring ku bissa ma hueng. ^{46 47} Ngya'a misso na ma'ana we ne kwa, wuhi buk to'o, ko bongyo gana wu bor lah Baku i ngya'amisso mo'on i bah a buho ku lah bissa ma heng i nya'amisso baring. ⁴⁸ Wu be ngosong ya na do wuna sa, a na do wala be bissa sa. ⁴⁹ A mah girshima su i bissa. ⁵⁰ Muha bwangna, beh muha na pura i beh luroi, ko ya bong ma a pa'a man iyi? Wu ning muha i yirwun ne wu ning shima duhi duhi.