¹ I wo duhi, wo yo bah zaam wu bapina yoh kam mur yah a do gina ma lih sa. Yeso chu'ulu wu muna tumui ka a chew wa ne, ² Mi sunna chiri beh wu zaam bapina mani chew ma a ningya ha basu ma nongyo tarung a do lina gima sa. ³ Na tura yah mashen lah yah param ma a do lih gima sa, wu gamur yah a kassa wuh ku ngishere, wu ginna yah yuana i yo nshere gulli. ⁴ Muna tumui a yeri ne, "So kum wu fo'ofo ku he ha ku be yumna ban su pawa? ⁵ Yeso mwe yah, "wii fo'ofoh shihe? A chene, "Tangzah baring." ⁶ Ma'ana be wu bapina ne a ning ku nzah kau beh wu fo'ofoh tangza baring ma ka nere Baku, ka bu'ungu yah. Pawa wu muna tumui ne a chi ku dum beh wu bapina, a chik ku beh dum wu bapina. ⁷ A woi yi kpa, wu muna nshi'i, Yeso kau yah ka nere Baku, chew wa muna tumui ne a pa beh nshi'i wa bapina. ⁸ Wu bapina lih rusu a kau gamuri bah yirai ba a bu'unga mo'oro kosso tanzah baring. ⁹ Wu bapina a wo tana pwer ban chihi yinung. (4,000). Yi ma ka turya ma shen lah yah. ¹⁰ Muni muni, la'ahun bor ka'ango'oro mu'uru wu muna tumui, a shen mashen ram ma Dalmanuta. ¹¹ Wu beh Farisiyawa a yo a kwa nda lih nan i yih. A njel ne a kum gir fah kunnu i yo kalang ku bii ne a mii sunnu. ¹² Yeso wosso so'o ka chewne, "Mani ma'ana wu zhee mani a mu piss girfah kunnu? Ngichewe yima mu chew wunnu ne ba gir fah kunnu ba a pa'a wa beh zhe'e mani." ¹³ Yi ba ji'ingyi yah, ka bor ka,angor'oro mu'uru kpa, ka kwa nshere mashen kang mu'uru mo'on. ¹⁴ Wo wu nzum wu muna tumui a do war fo'ofoh bah a woi yi ho ka'ango'oro mu'uru wo do ghana mo'on sa. ¹⁵ Ka chew wa ne, "Wu ning lele'e wa gishi sunn ban ku mur gir la'ahun i fo'ofoh mau Yahudawa i ma Hiridus. ¹⁶ Beh wu muna tumui ma sunu i yiryah, "Chew ma su do'oi i fo'ofoh sa." ¹⁷ Yeso wo shi'ila beh nchim yah, ka chew wa ne, "Mani ma'ana wu mur ma'a sunu i yirwun ne su do i for'ofoh sa?" Wu do wa'anai sa? wu do shi'ila sa?" Ne nchim wun ningna le'eleh? ¹⁸ Wuingya'a mish wun, wu do mu sunnu sa? Wu do ri'isa sa? ¹⁹ Ba wo bu'ungu beh bam fo'o'foh tongnung ku ciri wu bapina ban chihi tongnung (5,000), Wu kosso shihe ma bu'unga fo'ofoh ba wo kau" A chiwaii ne, "lum kunni baring." ²⁰ "Bah wo bu'ungu beh bam fo'ofoh tangzabaring ku ciri wu bapina ban chihi yinung (4,000) Wu kosso shi, he ma bu'unga fo'ofoh ba wo kau? A chiwii ne, "tangzah baring" ²¹ Yeso chewne, wu do shi'ila sa?" ²² A yoh ku Beth saisa. Wu bapina ma bannai a waryi bapina ba wo tahwah a nere Yeso ne i jihi. ²³ Yeso bol buk beh ba taawah ka purii iyi ku beh ramm. Yeso tah titar ku beh ngya'a mishi ka chi wu buhi ku muri, mui, "A suna gima?" ²⁴ Yi sun yiwa ka chewne, "sunna wu bapina ba a bene wu nguni ba amur shen shene." ²⁵ Yi ba Yeso bunu yere chi wu buhi ku beh wu ngya'a misshim yi ba beh bapina ka fah mishi, ngya'a mishi bunu yere sunn ban, ka sunn wu gir ngwerereh. ²⁶ Yeso tur ma shen liih ka chwene, " Do bor beh ramm sa." ²⁷ Yeso purii i wo muna tumui mashen wu muna ramm ma kaisariya Filibi. Ku beh ngishere ka mwe wu muna tumui ne, "wu bapina ai ne mi yen?" ²⁸ A yerii a chewne, " Yohana ba dang wu bapina ku mu'uru, wu gina ane weh 'Iliya,' wu gina ane weh "Wu gina ba sunduwa." ²⁹ Mwe yah, "Wun wune mi yen?" Bitrus chiwii ne, "Weh beh Kristi." ³⁰ Yeso tah burah mur yah ne a do chiwii bwara ne yi yen sa. ³¹ Yeso pak i sah wa wu muna tumui ne, ningna makiri ne mun bapina ko lih chiri ku mur wu gir bwana wu jeh mau ba she'ele she'ele i wu ba mau ba lah nere Baku, bah a wolli, ku nsum nongyo tarung ko la'ahun. ³² Wo lo'o beh lo'o billi ngwerere, yi ba Bitrus chu'uli mashen kangyi ka tah bura muri. ³³ Yeso pirwi sunn wu muna tumui ka chewii Bitrus ne, "Bun yere mayo nzuam, ba lere! A do ma'ana nchimo ku mur wu gir ma Baku sa, a ma'ana nchimo ku mur wu gir mau bapina." ³⁴ Yi ba tu'ulu beh zam wu bapina i wu muna tumui ban mo'onaa, ka chew wa ne, "bwara ba na njila war ta'am, ko pak bene ka'amuri, ka ku toh beh ganna ngo'oro, ka ku yo warr ta'am. ³⁵ Ba na njila nchimi, ko pishi boro, ba na piss nchimi bwara chew mi i chew lo'o Baku, ko kum nchimi. ³⁶ Man ko ning beh girshima ma bapina na kuma beh nzah ban ka piss nchimi bwarra? ³⁷ Man bapina ko pa ku mur nchimi? ³⁸ Bwara ba na pa'ana nzoon yam ku beh biwa zhe'e mani, beh mun Bapina ko yo pa nzoon yi duk ba na yo yuana ku beh lem ma Tari i ma wu puhu wu muna tumu Baku.