¹ Wu Farisiyawa i wu bah she'ele a yuana ku yo Urishalima a yo karngyai. ² A sun wu gamur wu muna ye'elei a mu libila i meng bukya, a do zusa sa. ³ Wu Farisiyawa i wu Yahudawa a do i li bila a do zusa bukya sa, chew ba a buala girba wo lo'oya i wu jeh ai pa'ah, ⁴ Wu Farisiyawa ana pura iyo ban kurkuru i ya'a ka'ala, ashi pak zus yirya, gamur wu gir bah wu jeh ya a pa'ah ya zu'usu wu gir li bila i wu gir nu mu'uru, wu gir lambilah iwu gamurya, Ana malama a ku li bila. ⁵ Wu Farisiyawa i wu ba chimisu a mwe Yeso ne, "mani pa'anah wu muna ye'ele tumau a do i pa'ah gir bah wu jeh su ai pa'ah sa. A mur li bilah i meng bukya?" ⁶ Luanawa neh "Ishaya" wo luana girbah ko yo bwana i murwun wu ba pa'a gir lo'o lilim. ngwa'ala ne, "Wu bapina mani a mur lemam i ka'angu kunya, nchimya pimpim imi. ⁷ A lemna mi gbira, amu rum wu bapina i lo'oh bah ningna mabaya, ⁸ Wu ji'inga gir bah Baku ciwane wu pa'a wumu pi'iri pa'a tumu i lo'oh ma wu jeh wun. ⁹ I basah chiwnawa ne, "I shima bah wu ji'inga gir bah baku chiwa ne wu pa'a wumu pi'iri pa'a tumu i lo'o moh ngila. ¹⁰ "musa" chiwa ne, 'So'onzah pih taro i ngoh,' "Bah na luana gir biwa i mur tari ke ngyi koh wuh" ¹¹ Wune ba na chiwai Tari ke ngyi, ne gir bah waho kumu iyo bam,"" (Chew ne, 'panah yi Baku') ¹² Ado basa ji'ingi ne i pa'a gima yi tari ke ngyi sa. ¹³ Wu mur pi'iri kukut ma Baku i Lo,o ma wun ma ngila iwa gamur gir bah wu mur pa'a. ¹⁴ Basa tu'ula wu bapina kpa chiwa ne, "wu wa'ana, bwang wun wu she'ele. ¹⁵ Gima do ham iyo nzah bah ina bwara bum bapina i tuwoi sa. Be gir ba na pura yo bum bapina i tuwoi." ( ¹⁶ Bah nai bumburu ma wo'o, i wo'o.) ¹⁷ Beh mun Baku ji'inga wu bapina buara lah.Wumuna ye'ele tumui a munai i mur chew dashee. ¹⁸ Yeso chew ya ne,wu shiham ma she'ele? Wu do shi'ila ne do girbah i boro iyo kun bapina iu yo nzah mashen bumu yi do tuwu'o sa. ¹⁹ Chew ne ko do bor mashen nchimi sa, i bo'olo mashen buih ka bo'olo pur ma shen mpuk chiwi ²⁰ "Chiwa wun, "Ne gir ba pura ku yo bum bapina yi i tuwo'oi. ²¹ Ku yo nchim bapina ma gri biwa i puru bene wu nong i wu maam, pa'a nshiwi, Wol bapina. ²² So'o nzah pawa gir bah a do i nchimya sa. njel girbah do mabo sa, biwa nchimu, bah lo'o lilim, njel ka'ala ma bwara chik misu pa'a gir sunu i misu, pa'ah gbuchuk i njel nchimu. ²³ Bwang wu gir biwa mani bah a pur ko yo bumsu yai tuwo'o su. ²⁴ Ji'inga ya ho banai shina mashen Taya i Sadom. Bwara lah magina do njila ne a she'ele ne i ho ku babani sa, yi do swarma sa. ²⁵ I mani Wu maam wu munya wu muna sari bah ai mpilar ma biwai, awo'o chew gir ba imur pa'a, ayo kwana ku mgbi'i. ²⁶ Beh wu maam wo yo "Greek" ma Syroponician ku yo bilah. Nira ne i pur yi muni i wu gung kilah bah a ngyana muni ma sari. ²⁷ Ka chew ya ne ashi pawa wu beh munamun bilah i do bwangna ne a pawa mfah billa wu munamun sa," ²⁸ Beh ba maam chiwa yi Yeso ne, i, buk wa mfah a kum bila wu munamun bah na kwana ku nzah ²⁹ ka chewai ne,beh gir ba a chiwa mani, wo ngi kwanjere beh wu gung (Kilah) puru ji'inga beh muno." ³⁰ Be ba maam bunyira shina lah she kumna beh muni nwangna ku mur gir nongyo,be wu gung (Kilah) a pura ji'ingai. ³¹ Ka basa pura mashen mo'on ram ba a tu'ulu ne Taya, ku yo banai basa buala mashen Dison mashen sal "Galili,"basa buala mashen "Decapolis." ³² A wara yi bapina mo'on bah i do ngina lo'o wara (Gbingbin) a nirai ne i chik buhi i muri. ³³ I tuala beh gbiging i sormi mashen kangyi ha yis mun buhi i bumburi beh gbingbing ha ta titar ha jihi las beh gbing. ³⁴ Ha sun kalang, ka chew yi be gbing ne "Effata!" yi ne "fah!" ³⁵ I mu chewe mala beh bumburi fah beh gir bah wo lila lashi lo'o yo wuha paha ma lo'o shima. ³⁶ Yeso pira yane a bi do chew yi bwara sa, a bi'ina a gishi luana ne wu bau wo'o. ³⁷ A suna gir nig gbing aneh "I pa'ana beh gir shima. I ma'a ba do'o mu wo'o sa. imu wo'o iba do mu lo'o sa imu lo'o.