¹ 1 Yi pru ho bani ka shen mashen ramyi, wu muna ye'ele chumui war chi'i, ² Bah duk Asabar yoh, yo sahsah ku ka'ana nere Baku. Wu bapina wi'i a machi'isai. "Chewne,"kuma be sahsah mani ku he?" "man i beh nzor bah a panai?" " man i wu beh gir ma'asai chi'i manni bah imu pa'a i wu buhi? ³ Mani yi do bah pa'a chumu i wu ngo'oro, mun Maryamu i so'ongi Yakubu i Yahuza i ma Siman sah? "Do wu sa'angi ha bari isu sah?" Do bwangna yirya i Yeso sah. ⁴ Yeso chew wa ne bah sunduwa i do pe'eh jeh boro sah,seh na yua li'ih i bau wu mu'uri i chiri liih. ⁵ Wo do ngi pa'a mor chum gima sah wos ma tah buk wu bah ko'ongo chigee. ⁶ Yeso wo machi'i sai i beh param pah ngichew yah.Yima kwa nshere nda sahsah ku mur ram mah puer iyah. ⁷ Yeso chu'ulu beh wu muna chumui lum munni baring ka'a yo nda chum ya baring baring, pina mpilar. ⁸ Yi bah pawa kunu ne a do toh gima sheni iyi sah, ne ka'agara bu yah loi bah illa, bah gir so'o twan, bah ngya'a bolo ku nguri bunya. ⁹ We a yish ka'a nghu mgba'a yah, a do yish twan baring ku yirya sah. ¹⁰ Chew wa ne "wuna bwara lah mo'on wu ning ho bani ma wuyo'o la'ahun ho bani. ¹¹ Beh bah na bi'ina yah wun ke bi'ina wo'owun, wuna zhi'ingyi beh banii, wu ra'asa mpujung mgba'a wun ne i ning wa reng nunnuh ¹² A pura a chew wa bapina ne a zhi'ingyi wu girbiwa yah. ¹³ A pur iwu killa bwana a wo'o muru wah bah ko'ongo a tah buyah. ¹⁴ Gom Hiridus wo'o beh lo'o mani, beh lu'ulu Yeso wo ningna ku mun wu bapina mbwang. Gamur wu bapina i mu'uru bah luana iyo mbuhu, yi bah beh mo'oro wu gir masai i chii mani ngina pa'a yah." ¹⁵ Wu gamurya chew ne "Yi Iliya" Wu gamurya chewne, "Yi ba sun duwa, bene mo'oni wu bah sunduwa makira'ai.'' ¹⁶ Bah Hiridus wo'o beh lo'o mani ka chewne, "Yohana ba yiri ka'amuri a luasai ku mbuhu" ¹⁷ Hiridus wo chum ne a bol Yohanna ka ma'a a mi'i ka ka'ana nengye ku mur Hiridias (Maam so'ongi Filibus) bah beh Hiridus wo yi mai. ¹⁸ Chew ba Yohana wo chiwai beh Hiridus ne i do bwangna ne wu war maam so'ongo sa. ¹⁹ Beh Hiridias lih nchimi i Yohana, njel ne i woli, ka do nghi sah. ²⁰ Hiridus bang zhi'iri beh Yohana, shi'ila ne Yohana bah ngichewe i bah Puhu nchimu yi ma'a a gishi suni.Hiridus na wo'o be lo'o ma Yohana, i mi'i i biwi yiri, i pis chi'i boro ka ningyi nda wo'o beh lo'o ma Yohana i bong nchimi ²¹ Duk magina yoi Hiridus mashimai ba ka re'esh i duk billai ka ma'a ne a lam wu billa mashimayah. ma'a chu'ulu wu mo'oro bah pa'ai chumu i wu bah mur wujeh ma Galili. ²² Beh mun Hiridias masari yo tah wa ngom kah bong bumm Hiridus i wu mo'oro bah birii. beh Gom chiwai beh munni musari ne, "mwam gir bah a njila moo poo." ²³ Ka'a kanbwa i beh munni ne,"mwam gir bah a njila moo poo, do bi'ina mu gawa baring ma nzhaam. ²⁴ Pue ma shen nzah ka chiwai ngi ne, "mu mwe ne man?" Ngii chene "ka'a mur Yohana bah dang wu bapina ku mu'uru.'' ²⁵ Bunyere i ka'ara mashen bah beh Gom ka chew ne, "njila ne pam imani mani, ka'a mur Yohan bah dang wu bapina ku mu'uru ku kwa'ajing. ²⁶ Beh mweh mani suhu be nchim Gom, bwana, do ngi be'en be mweh muni sah chew bah wo ka'anai bwa ku ngya'a miss wu ba birii. ²⁷ Be Gom chim mo'on ku chiri wu bah ning lelei ma nzaah ne ishen war ka'amur Yohana yoi iyi.Beh bah ning leleh Gom shen yer ka'amur Yohana ku lah nengye ²⁸ ka yo pii beh musari ku kwa'anjing, beh musari wara shen pii ngii. ²⁹ Bah wu muna chumii wo na a yoh to beh jimm yiri a sa mi'i ku mpukshi'ila. ³⁰ Wu bah war ta'a Yeso a bun yere yo bii a chiwai gir ba a pa'ana i gir bah a sahna. ³¹ Yeso kah chew wa ne, "Wu ban bah i piha ne wu noss chigee." wu bapina a wo mu yoh i bum yere yi bah ma'a ado kum ban ma a nosso lih billa sah. ³² Yi bah a shen ku ngo'oro mu'uru mashen bana pihai nda noss ho. ³³ Bah a sunya a mur kwanshere wu bapina bwana a she'ele yah a bwan i mgba'a yah mal beh wu ram a she kas wasa duwa. ³⁴ Bah a pur mayo nzaah ku beh mu'uru,Yeso sun beh wu zam bapina yi bah ciri yah boli chew a wo bene wu nzur bah a doi ba ning leleh yah sah, yi bah pak sah wa wu gir bwana ³⁵ Bah missa yo shinama, wu muna ye'ele chumai yo chewai ne, "Pari ku pihai i missa kwaama. ³⁶ Pir yah ne a shen mashen beh wu ram ne a kur billa ma lih i ka'amur yah. ³⁷ kah yere kah chew wa ne, "Wu pawa gima ne a lih,"A chiwai ne, Su shen kur fo'ofoh ma ka'a sherai baring ne su pawa a lih?" ³⁸ Chew wa ne, "Wu njimfo'ofoh shihe? wu shen sunu." Bah a sunu a chewai ne njimi tongnung i wu nzhii baring." ³⁹ Yeso ma'a beh wu bapina mbwang ne a ning zurub zurub ku pwa'alato'o ⁴⁰ A ning na ma lum gba'a lum i zurub ma lum mgba'a tongnung. ⁴¹ Toh beh fo'ofoh tongnung i beh wu nshii baring, kah sun kalang kah chi buhi kah bu'ugu beh wu fo'ofo ka pawa wu muna ye'ele chumui ne a chi ku dum be wu bapina ne alih. Kah bassa bu'ungu beh wu nshii ku chiri yah bwang ne a she'e. ⁴² Mbwang ya a lih rusu. ⁴³ A kau be buanna fo'ofo ba yirai, kosso lum kuni baring ibeh gamur bwangna nshii. ⁴⁴ Wu bapina wo ban chihi tongnung(5,000) ba a lih beh fo'ofo. ⁴⁵ Kah ma'a wu muna ye'ele chumui ne a shen chicik ku ngo'oro mu'uru mashen beh kang mu'uru ma mahen Bethsaida, kah ma'a be wu zam bapina kwa nshere yah. ⁴⁶ Bah a kwanshere, Yeso kah yeu mashen kono nda nere Baku. ⁴⁷ Kurwah yo pa'a be ka'a ngo'oro mu'uru shen ku chichiri be mu'uru, yi i loi wo ku nzaah yumai. ⁴⁸ Bah Yeso sun ne wu muna ye'ele chumui a mu ngyarngya ku bih be ka'ango'oromu'uru, chew ba gung wo mu bangyii yah, wo bolo yinung ma Duduhu ka shen mashen baya, I mu shen ku mur mu'uru i njila I bo'olo yah. ⁴⁹ Bah a suni I mu shenai ku mur mu'uru, a suni bene nzaah a ngya kun yah, ⁵⁰ Bah a suni zhi'iri kah bol yah, ka lo'o wa chichik ne, "Wu ngyarngya misswun! mi i mani, wu do bang zhi'iri sah" ⁵¹ Kah yeu sana mashen bayah ku beh ka'ango'oro mu'uru yi bah beh gung chele i bangya. A maasahai chi'i. ⁵² A wo do shi'ila ne mani ma'ana beh fo'ofo ma kah bwana naa. Chew ba nchim yah wo shi ngyarngya. ⁵³ Bah a bo'olo shina kang yumai ku Gennesart a kur beh ka'ango'oro mu'uru ku kang nzaah. ⁵⁴ Bah a pur ku beh ka'ango'oro mu'uru, wu bapina she'ele Yeso manimani. ⁵⁵ Beh wu bapina bangya mal ban a kau wu bah ko'ongo ku mur wu vah ya ku ban ana wa'ana ne i ho bani. ⁵⁶ Bana bah Yeso nau bwara ku chigeeh ram, ke mo'oro wu ram, ke ku ngila, awo yoi I wu bah ko'ongo a zhiingyi yah ne ajih kang kun twan yi, wu bah wo kum jihi awo tah buya ku beh ko'ongo yah.