¹ A yo beh zamjin bwah mau lah Gerosina. ² Bah Yeso pur ku ka'angoro mu'uru muni muni, bah bang mii magina i yo wu murshi'ila bah wu killa ku yiri yo bah Yeso. ³ Beh bah mii i nong ku mur-shi'ila bah bwara ko do ngi pirisa, ko ana kurai i kunna bolo. ⁴ A wo kpangyai i wu gunjul ma bolo i wu kunnah bolo. Wo ye'ere beh kunna bolo kah bu'ungu beh gunjul bolo. Bah bwara ba i ngyarngya ba ko ngi danyi. ⁵ Duhu i missah, ku beh mur wu shi'ila i beh wu kono, i ye'ere yiri i tah ka ningyi nda ngya'aha kunni. ⁶ Bah sun Yeso wuna bii bangya shen pari ka ku'uru su'ula ku duwi. ⁷ Ngya kunni i mor jimmi, "Man ba mu pa'a I we, Yeso, mun Baku ma kalang? Nira weh i Baku i ka'a muri, do ma'am ku chiri sa." ⁸ Yeso wo'o i chiwii beh pina mpilar ne, "pur ku yiri beh bapina mani." ⁹ Yeso mui. "Lu'ulo yen" ka yeryi, "Lu'ulam bwana, chew ma su bwana." ¹⁰ Ka nere Yeso ne I do pir yah ku beh ramm sa. ¹¹ Wu Dumuu a wo mu lihlih ku beh ko'o kono. ¹² Beh wu killa a nere Yeso amu chewne, tursu ne su bor beh yir wu dumuu ¹³ Yeso ka yer wa ne a bor beh yir wu dummu yi ma beh wu pina mpilar a pur ku yir bah mii a bor ku yir wu dumuu. Bah wu dumuu a bang mashen mor mu'uru a bor ho wu dummu a wo jina banchihi baring (2,000) a bor mu'uru a kping ho ¹⁴ Wu bah a wo mur sun beh wu dummu a bang mashen ram a shen chew wa bapina gir bah pa'ana. ¹⁵ Yima a you par Yeso a sun beh bah bang mii, beh ba wu killa bwana wo ku yiri ningya ningya ho banai, ku twan mashimai i ka'a muri kahkah; ji'iri bol ya. ¹⁶ Wu bah wo sun gir bah pa'ai beh ba bang mii ma a chew wa gamur ya gir ba pa'ana, a bassa chew wa chew beh wu dummu. ¹⁷ Aa kwa ku nda nerei ne i ji'ingi beh ram ya. ¹⁸ Baa Yeso yo nda bor ku beh ka'ango'oro mu'uru, beh bah wo bang mii ma nere ne i war ta'a Yeso. ¹⁹ Yeo do yerii sa, ka chewai ne, "Shen mashen leu i bau bapina yoh, a chew wa girbah Baku pa'anau i bah sunna chiri yoh. ²⁰ Yima kwa nsherei ka pak ma chew wa bapina beh girshima bah Yeso pa'anai ku nzah Dikapolis, wu bapina fah kunya i gir bah Yeso pa'ana. ²¹ Bah Yeso yo lu'uru ku ka'ango'oro mu'uru mashen beh zamjini mo'on, wu bapina bwana a kam murya ku bii, ku beh kang mu'uru. ²² Yi bah mor bwajeh bah sun ka'ana Baku lu'uli Jairus yo bah Yeso, bah sun Yeso ka kwa su'ula ku duwi. ²³ Ka ningyi nda nere Yeso imu chewne, "Munam masari ta'ana pwer i wuh. Nira weh, Yo ma'a buho ku muri ne i bnign shima i nchimi. ²⁴ Yeso ka yoh shen mashen lii, wu bapina bwana a war chi'i a dang yiryah pwer i yiri, ²⁵ Bah maam magina wo ho bah shilla i chui bah ba'a jina lum kuni baring. ²⁶ Lina chiri bwana ku buk wu bah pah ta'awaru. Ne i kum so'o polo, beh ko'ongo gishi ngyarngya ku yiri wu gir buhi mal bwang ku ta'a beh ko'ongoi. ²⁷ Bah yoh wo'o chew Yeso, yo ho ku nzuwi kah jik twan yi. ²⁸ Ka chewne, "Na jiha twan yi gbira, mo kum so'opolo yiram." ²⁹ Bah yo jihi, beh tu shilla chele, yiri pii ne i bwangya ma i yo beh ko'ongoi ³⁰ Muni muni Yeso she'ele ne ngyarngya yo pura ku yiri. pirwi ku chiri beh wu bapina ka mwe ne, "Yen yi jiha twan yam?" ³¹ Wu muna ye'elei chiwai ne, " Suna wu bapina mani bah a para yir yah ku yiro, yima wu mur mwe ne yen jiha mi?" ³³ Beh bahmaam, shi'ila gir bah pa'ana iyi, kwai nda ji'iri. Yo kwa ku dum Yeso ka chiwii beh ngichewe. ³⁴ Yeso ka chiwai ne, "Munam massari, pa ngichewe yo yi ta'a buho. shen shima ne kum so'opolo ku ko'ongou. ³⁵ Wo shi ho mur lo'o yima su bapina magina yo ba beh bwajeh ma sun ka'ana Baku amu chene, "Muno masari wuhna. do bassa su'uru beh bah sahsah sa." ³⁶ Bah Yeso wo'o beh lo'o yah bah a mu lo'o, chewai beh bwajeh ma sun ka'ana Baku ne, "Do bang ji'iri sa. Pah ngichewe." ³⁷ Yeso do yer ne wu bwara war chi'i sa woso wu Bitrus, Yakubu i Yohana, songi Yakubu. ³⁸ A yoh beh lah bwajeh ma sun ka'ana Baku yima sun wu bapina a mur lo'o ngyaha kun ya a mu zolo amur li'iri ku chiri. ³⁹ Bah bor beh lah, chew wa ne, "mani ma'ana nchimwun ka suha wa mur zolo? Bae mussari do wuna sa, imur ning tolong. ⁴⁰ A wolih, Yeso ma'a ya a pur mashen nzah, ka toh beh mussari i beh nghii i wu bah awoi yi, yima shen ban bah beh mussari ham. ⁴¹ Toh buk beh musari ka chewyi ne, "Talitha koum!" beh bah a bassai ne "Chige'e mussari, chiwau nee la'ahun yiwa." ⁴² Muni muni beh mussari la'ahun yiwa ka kwai nda shene (Woi ba'ah lum kiuni baring) muni muni a gah kun yah i gir gan muru. ⁴³ Tah bura murya i ngyarngya ne bwara do wo'o beh chewe mani sa. Yi bah chew wa ne a pii gima ne i lih.