¹ 1 Paha kpa ku yo nda sah ya, hu kang Ngyi Mu'uru wu bapina bwana ywana bi buara ngo'oro sau mu'uru ningna ho. wu bapina mbwang ho kang bwa'ai. ² Tanah wa nzoh, i mur gir sahna ya lo'o bwana ne, ³ Wu wo'o bah komo shina nda bel-bele ⁴ Wu gina ngya'a belle kwa'aha i mur njere, wu ngyileng kawa muni. ⁵ Wu gina ngya'a belle kwa'aha i yir tah, ban ba nya'a nzah param a sa'ana, chew ba lim nzah param. ⁶ Misa yo tana bwana, a ning na yelep chew ma me'ela ya do gulama sa yi ma yumu. ⁷ Wu gina kwa'aha i yir juwe wu juwe gulu swa'aha ya, a doh pura i murya shima sah. ⁸ Wu gina ngya'a belle kwa'aha i ngya'anzah ma shimai, a gullah shima, a bwana kpah wu bel ya pana murya lum tarung, lum tangzah i lum gba'a lum ⁹ Mun Baku neh, ba na i bumburi i wo'o. ¹⁰ Wu bapina ma pwer iyi i wu Lum kuni baring, a munai ta'a be nzor. ¹¹ Chew ya ne , "A pana wunu sh'ele gir ba hu ba kalang bah Baku wu ba wu nzai a tana wa nzoh. ¹² Chew ne ana sunuh, a sun gbura a do she'ele sah, ana wo'o, a wo'o gbura, ado she'ele sah, na do na sa, a ho bunyere, Baku ko yesh wa gir biwa ba a pa'ana. ¹³ Muna ya ne "Wu she'ele beh nzooh mani? Wu pa'a lan wa she'ele beh wu gamur nzooh? ¹⁴ Beh bah komo ba bila ngya'a bele mah, yi beh bah billa ngya'a lo'o Baku. ¹⁵ Wu ba kwa'aha i kang njere, bana ba a billa ngya'a lo'o, ana wa'ana beh shetan iyo ra'asa beh ngya'a lo'o muni-muni. ¹⁶ Wu mani ya bah a kwa'aha ku yir nzah tah, ana wa'ana beh nya'a lo'o, a ya'a muni i bong nchimu. ¹⁷ A do i me'ele ta'aya sah, aho ngyarngya misa ya ma muban chigee cihiri bah na ywana chew beh ngya;a lo'o i ma'a yah a kwah muni. ¹⁸ Wu gina ya ba a billa ku yir juwe aho wo'o be ngya'a lo'o Baku. ¹⁹ Chew njel nzah, lere mah murum ka njel wu gamur gir a boro swa'aha beh ngya'a lo'o a do puri i murya shima sa. ²⁰ Wu ba a billa ku ngya'a nzah ma shimai, ya wu bapina bah a wa'ana beh ngya'a lo'o a ya'ana be lo'o a pura i murya lum tarung. kum Tangzah i lum gba'a lum bene gir ba a billai ²¹ Yeso chiwa wa ne, "wu bor i bisa ku bum ka'ana wu kushi i ka'a kosso keh ta'a ban nongyo? wu war beh bisa sun ban chihi ku ban chihi. ²² gima d swarma ba param ma she'eli sa, gima do swarmai ba ho do pur nzai sah. ²³ bwara bah na: Mbumburi ma wo'o lo'o i wo'o. ²⁴ chiwa wa ne, "wu ma'a njimwun i gir bah wu wa'ana, gir bah wu ma'ana wu bapina iyi, yi bah aho mah wun iyi, a ben wun ku muri. ²⁵ "chew ne bwara bah nai gir a ho ben yi ma bwanai i muri, beh bah na param i gir, aho ra'asa bah na hai yi" ²⁶ Luana wa kpa ne, Ban ningya Baku i bene bapina bah billa ngya'a belle ku ngya'a nzah. ²⁷ I shene sa nong tolong yi, i duhu ban na fah ma i la'ahun, beh ngya'a belle mah i sa'an, i gulu, yi bapina do shi'ila gima ku muri sah. ²⁸ Nzah ho pah ngya'a billah; ma chichi'i garai, iyo bumburi, ka beh ngya'a billa bah ngyarngya ma. ²⁹ Beh ngya'a billa na banyama, beh bapina ma i tur be'eu yum-yum chew ne i suna ne ban yumu jiyama." ³⁰ Kpama ine, "mani bah so ngi ma mah ban ninya Baku iyi, nzoh mahe ma so ngi lo'o iyi? ³¹ I beh ne ngya'a ngun mustard, ana billa yi muchige'e a chiri wu ngya'a belle. ³² I ana bila belle, ko gulu moro gan be nguni i wo gbari, wu ngyiling ma kalang a ba'a laya ho yiri," ³³ Ta'aha wa nzo bwana bwana, ka lo'o wa be lo'o, bene bah a wo ho mu she'ele, ³⁴ Do luana wa lo'o param ma tah wa nzoh sa. Bah yo wasai i muri, luana wa muna ye'ele tumu mi beh lo'o bwang. ³⁵ I kurwa beh duhi, chiwa ne, "Wu yo su tah sawa" ³⁶ Yima a ji'ingi beh wu bapina ma zamya, a ha tol, mun Baku bene bah i ham, ku bum ngo'oro sau mu'uru wu ho mur war ta'aya. ³⁷ Yi ma kikir ha la'ahun, mu'uru pak ma bor ho beh bum ka'a ngo'oro sau mu'uru, yo pwer ma rusu. ³⁸ Yeso, giri wo nongna tolong ku nzum beh ngo'oro mu'uru, ku mur ban nongyo ayo lo'oshi ane "Bah sahsah, a do suna ne sum wo'oho sah? ³⁹ Yeso, la'ahun, ya'anga mur beh ngun, ne "So'o polo." gung ma ha chele, ban ning kiring. ⁴⁰ Yima ka chew ya he, "wu do pans ngichewe as?" ⁴¹ A Wo ningna rusa I bang ji'iri a chew I yirya he, "ya yen yi mani, bah gung I mu'uru a mur wu'i?"