¹ 1 I Mun Ɓaku ji'inga be banama, ha shina mashen kas ram magina i "Judea" mashen bana magina i jin sala ma "Jordan". A ba bepina weng ma a ha basa yo bi kpa. I wo mu rum ya bene ba i pa'a. ² A ba a wo mu pa'a be lo'o Ɓaku ma ya'ayaieh aha yo bi nde mi, aha mui ne " I mui lo'o ne babura pir mami? ³ Ha yere ne man ma "Musa" chewa wunu i muri? ⁴ Ane "Musa" yira ne babura nho'olo buhnjeme nzerey. ⁵ I mur ndimwun ba nharnha yi ba ha nwa'ala nana, Mun Ɓaku chewa nana. ⁶ "Ene, i yo chi'i Ɓaku pa'ana ya ba bura i ba mam. ⁷ Yi ba babura ho ji'ingi a tari i ngi i sa ben yiri i mami. ⁸ Ya baring ma a ho ning nyam mo'on. A do'o ningha baring wara, ya ngham mo'on. ⁹ Nana, git ba Ɓaku na kurama, bwara bi basa wara. ¹⁰ A ho la magina, nana, a ba pa'ayi tumu a basa mui kpa, i mur be lo'o. ¹¹ Chiwa wa ne, bwara ba na pira mami ha sa ya'ana mam maginai pa'ana git biwa, ba nuangna i mam bwara. ¹² Be ba mam na pura i la milmi has sa rima bura magina pa'ana git biwa ba i nuangna i mam bwara. ¹³ 13 A ha war a munamun mayo bi ne ha dih ya, a ha amu pa'a tumu i Yeso a ne abi shen bi wara. ¹⁴ Yeso ha sun git ba tumuyi a mu pa'a be git do'o bwangna njimi wara ha ciwa ne " wu ji'ingi a munamun ma zuzukiya ne a yo bam, wu bi pirya wara, be la Ɓaku mo a ba bene yah. ¹⁵ Mangi chewa, mu mi chew wunu ne bwara na do'o ya'ana be la Ɓaku i kalang bene a munamun mu zuzukiya wara he do'o bar banai wara. ¹⁶ Yiba ha goro a munamun i buhi ha ma'a buhi i murya. ¹⁷ Ɓa i pak be shensheneyi, hura magina ha bang mashe bi sa ku'uru i dweh ha mwi ne " Ba rum a bepina ma shi'ingai, mo yanha pa'a lan nga kum nchimu ma yew kalang? ¹⁸ Yeso ne, i lan ha tu'ula mi ne shimai? ɓwara ma shimai do'o ham wara, yi Ɓaku i mu mui yi shimmai. ¹⁹ Ashi'ila a ba ngi lo'o ba ane " A bi wol bwara wora, bi nong i mam bwara wara, bi pa'a njiwi wara bi ye'ere chewe i mur bwara wara, bi yewe ning i mur gima ma giri wara. Tol a taro i ngo i njimu ma shingai." ²⁰ Be burama hane, ba rumsu, ba git mani bwa'a mi nong i muram i nda pa'a tun mishi bamun nam. ²¹ Yeso gishi suni ha ndeli, ha chi ne, "git mo'on ba wu do'o iyi wara. Su ku'uru a ka'ala ba we ya bwa'a ha pawa a ba ado'o i yi wara, yi ba wo kum git ma shi'ingai i kalang. Ha yo war ta'am." ²² Be git bah i chiwa yi pa'ana be burama ning kpetete, njimi tuwa'a, la'ahun kwa nzereyi. I mur ne yi i wo a murum weng. ²³ Yeso sun ban ha chiwa a ha a mu pa'a tumu i yi, hane, ning git chiri a ba a murum a ha yew kalang." ²⁴ A ba tumuyi a ha nagan yi be lo'oyi. Yeso ha basa chewa ne a munamun, i nharnha be bur kalang. ²⁵ I ho mbong yi kwami i bor kun nzo'o ma sor twan gan be ba murum i bor la Ɓaku. ²⁶ A ba tumuyi aha ba sa sun yirya kpa ahane, yeni ho bor kalang. ²⁷ Yeso sunya hane, i bo bapina, be git ho do'o bong wara, do'o i ba Ɓaku wara; A git a ningna kaka i ba Ɓaku. ²⁸ "Bitrus" pak ma lo'o yi lo'o, hane, ashi sunu "su ji'inga a git bwa sa wara che'ew." ²⁹ 29 Yeso hane, mishi chew wuna mungi chewe ne, ko bwara mo'on ba ji'inga la, he a so'ongi, he a sa'angi he a ngi, he tari, he amuni, he anza'a, he tari, he amuni, he anza'a, i nzo kunam, i lo'o Ɓaku. ³⁰ Yen ma ho do'o ya'a lum gun lum mbgaw lum ha he nza'a ba Ɓaku ma'ana su wara: A la i so'onngiw, i sa'angiw, i a ngew, i a munamun, i a nza'ah, tuwo'o njimu, i beh tahraman ba wua, Adimu ma bwa bwa. ³¹ A ba ya ma mo'on a ho yo ma marsai, a ma marsai a ho ning ma mo,on. ³² A wo i nzere a shen mashen "Jerusalem," Yeso wo mu shen i daiya. A ba tumuyi a fa kunya, a ba am war ta'aya i yo nzuma mumbang ji'iri yiba Yeso tu'ulu a lumkuni bari mashe gigen bam kpa ha pak ma chew wa git ba ho pa'a ya. ³³ Wu sunu su shen mashe "urishelima" ban ba mun bapina a ho pi wa amwara'a bakarnda i wo ba reng chewei. ³⁴ A ho woli, a ho ta titar i yiri, a ho nhaahi, a ho wooli. Duh tarung na rusama i ho lahun. ³⁵ "Yakubu" a i "Yuhanna," a muna "Zebedee," a yo ho bi a hane " ba rum a bapina," su ndila ne a pa'a wusu git ba so mwe. ³⁶ Ha ciwa ne " wu ndila ne pa'a" munu man? ³⁷ A ne, a ji'ingi sun ne su ning i we i ban ninhawo, mo'onsu i buho ma li, mo;onsu i buho ma musum. ³⁸ Yeso chew wa ne, wu do'o shi'ila git ba wumu mwe wara. Wo ngi mu nu i be mu koro ba mo nu,he wo ngi dangna mi? ³⁹ A chihane, a ho ngi, "Yeso chiwa wa ne" be mu koro ba mo nu, wo nu, i be dangham ba a dangham a ho dangwun kpana dangwon. ⁴⁰ Be bwara ba ho ning i buham ma li, he i buham ma musum, do'o, mi ba mo pa wara, be beli mo ba girsa wa." ⁴¹ A ba amuna chumu ma mun Ɓaku ba a lum ma, a wa'ana i mur be gir, a luana a mu pa'a bura i " Yakubu" i "Yuhanna." ⁴² Yeso, chu'ala mayo bi ha chiwa ne " wu shi'ila o bah twalaya wu dje ma gamuri a bapina a gam murya, wo a mwara dje pa kunya i murya. ⁴³ 43 I ho do'o ning nah ku chiriwan sa, yi ɓwara ba na ndila ne i ning korom mun, ⁴⁴ Yi ɓwara bah na ndila ne ku ning ma mo'on ku chiri wun ɓah yi ho ning be korom wa bwang. ⁴⁵ Ɓe mun ɓepina do'o yo'ana ne a pa'ayi chumu wa bapina, i pa njim ne i ya'a buhu ma zam. ⁴⁶ A ya'ana ku " jericho." A ji'inga Jericho a wo a muna chumui i wo a zam ɓapina, mun "Timaeus," "Bartimaeus," ɓa tawa ba nere, ninha i kun ginjere. ⁴⁷ Wa'anane Yeso ma nazarene, kpak ma nhakuni, ne, Yeso, mun "Dauda" sun chiriyam. ⁴⁸ A bapina gbe'e a ha jimi a chew yi ne i ning kpacheche, yi basa zol i nharhai, "mun" Dauda, sun chiriyam. ⁴⁹ 49 Yeso, ha chele ha ma'a ne a chui'li. Aha Chu'ulu be bura ba tawa a ha ne " i do'o bang ji'iri" sa! La'a hun yiwna! yi i mu tunlo." ⁵⁰ Wun twani buh ku kanyi, lel yiwna ha ho bah Yeso. ⁵¹ Yeso ha yeryi ne, "a ndila ne ma pa'a wo man? " Ɓe ba tawa ha ne, ba "sasa," ndi ne mu ya'a sumban. ⁵² Yeso ha chiwyi ne i kwu njere, pangichewew yini fa wo be mi so. I mani mani kpak sun ban, ha war chi'i ho be njere.