¹ Bah ayo Urushalima,a wo ta'ana pwer i Bettaji i Betani ku kono par,Yeso tum wu muna ye'elei baring ² ka chew wa ne, "wu shenbeh mu chige'e ramm bah i ha kang su. Wuna mu bor ho, wo sun mun jaki ba a shi ham ma yew ku nzuii, Wu bashi waram wuna. ³ Bwara na muna wun ne, "Mani ma'ana wu mur pa'a naa?" Wu chewne, "Bwajeh njilai ko bunyere i yi munni" ⁴ A kwanshere a she kum mun jaki bah a kurai ku kun ka'ana ku mur nginshere a ba'ashi, ⁵ Wu bapina ba a wo chila ho banai mweh yah ne, "man bah wu mu pa'abah wu bassah beh mun jaki mani? ⁷ A war beh mun jaki yo pii Yeso a ma'a yah twan ku muri. ka yewe ning ho muri. ⁸ Wu bapina bwana a so'o wu mpum mpuhu bah a yi'ira ku suwa. ⁹ Wu bah wo kwa duwa i wu bah a wo war chi'i a ngya kunya ne," Hossana lo'or yi bah yuana ku lu'ulu Tarsu. ¹⁰ Lo'or yi beh nzaa ma tarsu dauda Hussana ku ba yi ku kalang kalang. ¹¹ Yi bah Yeso bor Urushalima ka shen mashen ka'ana nere Baku ka sun wu gir bah ho banai. ban wo bu'alama, ka shen mashen Bethani i wu beh muna tumui lun kuni baring. ¹² Ban fah, a wo kun nginshere bah a ji'ingi Bethani, nzalla ka wolli. ¹³ Ka sun ngun foh chila i mpumpuhii shen nda sunu ne na kum billi ho, ba yoh ho, sun bah billi, mpumpuhi lo'oi, wo do ban bil for sa. ¹⁴ Lo'oi beh for, "bwara ko do bassa lih billo sa." Wu muna ye'elei a wi'i. ¹⁵ A yo Urushalima ka pak purui wu ba kurkuru ku ka'ana nere Baku. chur beh ka'angoro ka'ala so'o to'o mau bah yangna ngya'abolo, i ban ningya mau bah kuri i wu gigih. ¹⁶ Do yer ne bwara to gima bah ngi kurayi bor beh ka'ana nere Baku sa. ¹⁷ Sah wa sah ka chew ne, a do ngwa'ala sa, ne, lam ko ning lah nere Baku wa ramuan bwang?" Wu ma'anai ningya mpuhu ma wu bah nshiei." ¹⁸ Beh wu mo'oro wu bah sun ban nere Baku, i wu bah she'ele a wo'o gir bah wo chewe, a piss nshere ma a wolli. A bang ji'iri chew ba wubeh zam wu bapina a fah kunyah i beh sahsai. ¹⁹ Bah kurwa pa'a, a ji'ingi be ramm. ²⁰ Bah amu shene i beh duduhu a sun beh ngun for ma wuhna mayo me'eli. ²¹ Bitrus re'eshe ka chew ne, "Bah sahsah, sunnu! Beh for ba a wunu pa'ai kunu ma waama." Yeso yer waa, "Wu pa ngichewe i Baku. ²³ Ngichewe ma mu chew wun ne, bwara na chiwai beh kono mani, "La,ahun sa buk yiro ku ngyi mu'uru, na do zuana ku nchimi sam na pana ngichewe ne beh gir bah i chiwa ma ko ning naa, yii gir ba Baku ko pa'a. ²⁴ Yi bah mu mur hew wun i wu gir bah ana nere Baku ku mur yah, pa ngihewe ne a kumai, kon ning moo. ²⁵ Ana hila wu nere Baku, ningna mgba'a wu zuss girbiwa bah wara pa'anau so toh, ne Taro makalang ma ko zuss mo'o so'o to'o. ²⁷ A bunyere yo Urushalima kpa. Ba Yeso Imu shen ku beh ka'ana nere Baku, beh mo'oro wu bah sun ka'ana Baku i wu ba she'ele she'ele i wu jeh yo bii. ²⁸ A chewii ne, "A kuma ngyarngya mani ku heh bah wu mur pa'a beh wu gir mani iyi, yeni panau kunu ne pa'a yah?" ²⁹ Yeso cjew wa me, "mo mwe wun mwe mo'on. wu chiwam mo chew wunu beh ban bah kuma beh ngyarngya ba mu mu pa'a beh wu gir mani, ³⁰ Beh dang ku mu'uru ma beh Yohana ma wo ku yo kalang ke ku bah wu bapina? Wu yeram," ³¹ A lo'oi i yiryah a lihnan ne, "suna chiwa ne, "I yo kalang, ko chewne, mani ma'ana wa do pana ngichewe iyi sa? ³² Suna chiwa ne, "I yo bawu bapina,'..." A wo mur bang beh wu bapina, wu bapina bwana a wo yira ne Yohana wo bah sunduwa. ³³ Yi bah a yerii Yeso a chewne, "Su do shi'ila sa," yi bah Yeso chew wa ne, "Mi ma mo do chew wun beh ban bah kuma ngyarngya ma pa'a wu gir mani sa."