¹ Yima Yeso pak ma sah ya ku lo'o pirwii. Ka chew ne, "Bura magina billa belle ku suwai, ka karngyai, gana mpuhu kam mu'uru Inabi. Ka ba'a mu lah kalang ma'a wu bah sunui beh suwa, ka puru kwansherei mashen nzah Magina. ² Sun ne beh ban tu beh inabi jiyama ka tur korom magina ne i she ya'ai be bil nguni. ³ Wu beh bah komo ku beh suwa a ngya'ahi piri buhi gbura. ⁴ Ka basa tum mo'on korom, yi ma a gwanai ku ka'amuri a panai nsoon bwana. ⁵ Ka basa tum magina, mani ma a walai. A paawa gamurya bene bili a gbo'olo beh korom ngyi, a ngya'aha wu gina a gbol wu gina. ⁶ Bapina mo'on wo wasa ma i tumi, muni ba njilai. Yi wo marsai bah tumai ku baya. Ka chew ne a sun munam bun murya. ⁷ Wu beh bah komo a chew yi yirya ne, yi mani ko lii mpuru ma tari, wu yo su woli ne beh mpuru ning masu ⁸ A boli, a woli a buh beh loi ku nzum suwa. ⁹ Yi ma ningna ne man beh bah suwa ko yo pa'a? Ko yo kping wun beh bah kom wu inabi ka pa beh mpur suwa waa wu magina. ¹⁰ Wu do bala beh mpuknsheme ku mur beh lo'o mani sa? Beh ta'aha bah wu bah ba'a a bi'inai yi ko yo ning beh shima ta'aha ma kang ban. ¹¹ Mani wo yoo bah Baku, I bwangna i ngya'a mishiu ¹² Ku nzum beh lo'o mani, wu beh mo'oro wu Yahudawa a pisa ne a bol Yeso chew bah a she'ele ne wu lu'ana beh pirwi lo'o ma ku mur yah. A mah sahai chi'i chew ma a wo mur bang wu beh zaam bapina. Yi bah a zhi'ingi a kwanshere yah. ¹³ A yo tum wu Farisiyawa i wu bapina ma Hirudus mashen bii ne a boli ku bana lo'o lo'o. ¹⁴ Bah a yo, a chiwai ne, "Bah sahsah, su shi'ila ne weh, weh do'oi tar wu bapina sa, wei pa'a gir kahkah waa bapina bwang, wei sai i ngichewe nshere ma Baku. I bwangna ne su tal ngya'abol nzah i Kaisar ke wi? Su tal ke su do tal sa? ¹⁵ Yeso wo shi'ila beh lilim yah ka chew waa ne, "Mani ma'ana waa mur amm sunu? Wu waram beh mo'on nya'abolo wuna ne mu sunnu. ¹⁶ A war beh ngya'abolo yo pii Yeso, chew waa ne, "Lilim maa yen i nywo'olo ma yen yii mani? A chewne "Maa Kaisar." ¹⁷ Yeso chew ne "Wu pii Kaisar wu gir bah maa Kaisar, Wu pii Baku wugir bah ma Baku." A fah kunya i yi. ¹⁸ Wu Sadukiyawa, bah ane bah wuh tah, a yo bii. A muii a mur chewne. ¹⁹ Bah sahsah, Musa wo ngwo'olosu ne, "So'ongi bwara na wuh ji'inga kmaami, i do'oi mun bamun sa, ne beh so'ongi io war beh maammo so'ongi ne i bil mun ba mun yii beh mo so'ongi.' ²⁰ Wu bwara a woi wu so'ongi yah tangza baring, beh ma mo'on ya'a bamaam yi ka ka yo wuh, i do'oi mun bamun sa. ²¹ Beh ma baring war beh maammo ka yo wuh i doi i mun sa, ku nshere mo'on beh ma tarung pa'a naa. ²² Beh ma tangzah baring do ji'ingi mun bamun sa. ma marshi mbwang, beh maam mo yo wuh. ²³ Ku dukbeh wuh tah, bah ana bunu yere lu'ama kpa, maam mahe kku ciri ya? Beh wu so'ongi tangza baring a warrai mbwang ma maam." ²⁴ Yeso chewne, "Mani yi do'o beh gir bah ma'ana wu dudungya, chew ba wu do shi'ila beh mpuknsheme ke beh ngyarngya ma Baku? ²⁵ Ana lu'ana ku yo beh wuh, a do basa reme sa, a ning bene wu puhu mpilar ku kalang. ²⁶ Ku mur wu ba wuh lu'ana, wu do bala ku mpuknsheme ma Musa sa, chew beh to'o, I ba Baku lo'o Iyi kah chewne, "Mi Baku ma Ibrahim I Baku ma Ishaku i Baku ma Yakubu'?" ²⁷ Do yi Baku mau ba wuh sa, Yi Baku mau bah nchimu. Wu dudungya bwana. ²⁸ mo'on ku ciri wu bah she'ele she'ele yo wo'o beh wu lo'o yah she'ele ne Yeso yira wa shima. Ka mwe Yeso, "Ma'a Baku ma yewe yi bongwo gana ku ciri yah bwang?" ²⁹ Yeso yira ne, "Bah bongwo gana yi, wu wo'o wu isra'ila, beh Tarsu Baku, Beh Tarsu yi mo'ona. ³⁰ Gbaa wu njel beh Tarsu Baku i nchimwun mbwang, i mpilarwun bwang, i wu re'eshe wun mbwang, i ngyarngya i wun mbwang. ³¹ Beh ma'a ma Baku ma baring yima, njel mu'uro ma pwer i weh bene ka'a muro. Bah wu ma'a magina ba a gana mani. ³² Beh bah she'ele chew ne, shima, ba sahsah! A chiwa ma ngichewe ne Baku mo'ona i bah magina ku kangyi. ³³ Wu njeli i nchimu bwang, i she'eleu mbwang, i ngyarngyau mbwang, wu njel kpa mu'uro ma pwer i weh bene ba a njila ka'amuro i gana wu gir ton tonu i beene ka'amuru." ³⁴ Ba Yeso sun ne yirai i she'ele chiwii ne, "A do gula i bor lah Baku sa." ku nzum beh mani, bah nagina ya bah ngi fah kuni basa mwe Yeso ne gima sa. ³⁵ Bah Yeso yo i mu sahsah ku bana nere Baku, ka chewne, i lan bah wu bah she'ele chiwa ne Kristi yii mun Dauda? ³⁶ Dauda i ka'amuri, ku ciri Puhu Mpilar chewne beh bwajeh chiwii beh bwajeh yam, "ning ku kang buham ma lih, mo ma'a wu mwan bura yo wu gir ningya ma mgbu'o" ³⁷ Dauda i ka'a muri tu'ulai ne "Tarsu?" ko pa'a lan Kristi ko ning mun Dauda?" Beh wu zaam bapina a wwi'i i bong nchimu. ³⁸ Ku ciri sahsah, Yeo chewne,"Wu tam ka'amurwu i wu bah she'ele, ai njel a kikang ku ban kurkuru ku wu gu'ulu twan a ya'a za'ara ku ba wu bapina, ³⁹ i a ning ku ban ningya ma shimai ku ka'ana nere Baku i ban kam muru wu bapina. ⁴⁰ Ya ba li ka'ala ma wu maa mo, ai nere Baku gul ban ne wu bapina sun yah beh wu bapina mani a ya'a mor chiri." ⁴¹ Yi bah Yeso ning su'ula ku kang ban ba ai so'o wu ngya'abolo ku beh ka'ana nere Baku, i mu sun wu bapina ba amu yo so'o ngya'a bolo ku bum beh ka'ango'oro so'o ngya'abolo. Wu ba murum a yo so'o mo'oro ngya'abolo ⁴² Yi bah ka'ajeh naam mamo yo ka so'o ngya'abolo kpabo baring bah jina kubo mo'ona. ⁴³ Chu'ulu wu muna ye'elei ka chew wa ne, "ngichewe yi ma mu chew wun, ne beh ka'ajeh maam mamo ba param buhi mani su'ana gir ba gana mau ba a su'ana ku bum beh ka'angoro mani. ⁴⁴ Mbwang yah a pa'ana ku ciri murum ya, beh maam mamo mani pana ku chiri su'ana bwang beh ngya'abolo bah i yi ma bilai.