¹ 1 Yeso wo mu kwansherei ku bhan nere Bahku yi ma ba'a warchi'i magina ka'a chiwii ne "Bah sasah, sunn beh wu mo'oro ta'ah mani i wu mo'oro lah mani! ² Yeso chiwii ne "A suna beh wu mo'oro lah mani? Bah ta'ah mo'on bah a zhiiyi ku mur moni bah a do'o churu so'o su'ula sah." ³ Yo ning ku kono wu parb ku zamjin ka'ana Bahku, Bitris, Yakubu, Yohanna i Andrawus a mui ku swar mai. ⁴ "Cheu suh, wu gir, mani a pa'a bah ana yo nda rusu?" ⁵ Yeso cheu wa ne, " wu tam ka'a mur wun ne bwara do'o lere mun sa. ⁶ Bwana a yo ku lu'ulam a chene, "mi- yi, a yo lere wu bapina bwana." ⁷ Wuna wa'ana cheu bhura ke lilim bhura, nchim wun do'o suhu sa. I yere wun, iyere wun sa, wu ghir mani a yo bho,olo. beh marsai i shiham mayo ⁸ Ram ko la'ahun i ram, gom nzah ko lahun, iwu nzallah. Wu mani yah beh pak zol billa. ⁹ Wu ning le,le. A war wun shen bhan ren chewe, a nya wun ku Bhan ren chewe, a nya wun ku bhan nere Bahku. A chele i wun ku jum wu bah nzah cheu lu'ulam, ko ning wa ren kunu. ¹⁰ Beh lo'o Bahku a lu'i mal mbwan wa ra muan. ¹¹ Ana bwaal wun a yo chur wun mashen Jum wu ba'a yen chewe, wu do'o bhang zhi'iri ku mur gir bah wo cheu sai A pa wun ghir ba'a wo chewe iyo'o kalang , wun wo do'o lo'osa, beh puhu mbilar yi ko lo'o wun. ¹² Sanghiu ko wol songhiu, Taru ko wol muni, wu mun a lahun wa wu tarya, a ma'a a wol yah. ¹³ Wun bapina mbwan a bene wun cheu lu'u lam. inu she'ele ne bah na kura mishi mashen marsai a tah buhi. ¹⁴ Wuna suna girbiwa bah nya'a mis wuno wo do'o suna sa ku bhara wu she'ele ne beh marsai t'a puer (B bala i re'eshe). Wu bah aku Judea, a bhang mashen ko wu ta'ah. ¹⁵ Wu bah aku mur ka'ana ado'o bun yere mashen chiri lah to gimaa purui yi sa. ¹⁶ Yi bah ku para bhan, do,o bunuyere nda to twan yi sa. ¹⁷ Chiri ku mur wu bah ai mun bamun iwu bah amu pasua wa munamun chige'e ku juii. ¹⁸ Nere Bahku ne i do'o ning ku bhan bah guungimu banya i polo sa. ¹⁹ Mor melen iyo'o yo bah a do'o sunai tun bah Bahku pana ram har iyo lina, ke a sunai ku bharasa. ²⁰ Yi Bahku na do'o yira beh guu'ju sa, bah bwara bah ko ning i njimi. ²¹ Bwara na chiwoi ne "susu" beh kisristi yi mani ke "susu" yi mani! do,o yer sa. ²² Wu kiristi ma lilim i wu bah sun dua ma lilim a puru pa'a wu chum fa kunu cheu a lere wu bapina ko yo dua a lere wu bah Bahku chu'uh yah. ²³ Ning lele! chiwa wun ghir mani ku dua i bhan. ²⁴ Ku nzum be mor melem ma juhi, missa ku yo'o ton juhu zhunya ko bene pa bhisai. ²⁵ Wu lewer a kwa'ha iyo kalang wu nyarnya bah aku kalang a zhi'iri. ²⁶ Yi bah a sunn mun bapina i mu su'ulu ku kurukus i mor nyarnya i toli yiwa. ²⁷ Yi bah ko chum mu koro mbilar yi ko yo kam mur wu bah chu'ula yah ku kang bhanyinung ma beh nza'ah, iyo marsa nzah mashen marsa kalang. ²⁸ Wu ye'ele chewe ku bah ngun for wu mbumbuii, she'ele ne mbhul nza'ah ta'a puer. ²⁹ I bhasu na'a, ana suna wughir mani a mu pa'a, she'ele ne yi ta'a puer, yua puer i kun wu ka'ana. ³⁰ Nghicewe bah mu cheu wun, beh zhe'el mani ko do'o bho'olo sa sai wu ghir mani ana yo rusama. ³¹ Kalang i nza'ah a yo bho'olo, amma wu luam a do'o yo bho'olosa. ³² Ku mur ju ke bhan, bwara do'o shi'ilasa, ko beh wu korom mbilar yi bah a ku kalang, ke beh loi. ³³ Wu ning i she'ele, wumu sun dong, cheu wu do'o shi'ila beh ban sa. ³⁴ I bene ba'apina bah shina shene, ka jingha lih ku buh korom yi, ko mahe i tumu'i, chiwa yi beh bah ning lele ne i ningle'ele. ³⁵ Ning i she'ela, cheu bah a do'o shi'ila du, bah beh hah lah, ko yo sa. ko nghi ning ne, i kurwa, ke chiri duhu, kuko'oro twanghya ma, kei duduhu. ³⁶ Na yu'ana i doo kum wun wumu ngnong tolong sa. ³⁷ Gir ba chiwa wunu, yi bah chiwa wa bwang ne; Wu ning i she'ele!