¹ Mundjira yimwe, anwe vakamalikwara vulikenu kuvanturaghumbo venu. Rughanenu vino nampiri vakafumu vamwe kapi vavhulika kunkango, kuvhura vafunde vaghana nkango, kupitira munkalito davakamalikwara' vavo, ² Mukukara vangambi vamulifumadeko lyenu, ghukushuki wankalito. ³ Kapishi maghuwa ghenu ghakare pantunda tupu-likutungo lyahuki ntani kutura ngorodo muntingo denu, ndi walye vyuma vyo munadwata. ⁴ Paweno, ghuwa woye ghukare mumuntu wamunda yamutjima naghuwa wakukarera po wampepo yakukudidipita nakumwena, ogho ngo ghuwa wakumeho yaKarunga. ⁵ Weno mongoli vakalire vakamalipongoki pakare vovaghuguvaliro mwaKarunga mukukuwapeka naghumwavo, mukuku-didipita kuva kafumuvavo. ⁶ Mundjirayi Sara ghavhulikire kwaAbrahamu nakumuyitashi muyogholi. Anwe nanwe muvana vendi ntjeneshi murughana vyaviwa ntani nage kapi mwatjira maghudito. ⁷ Mundjira yimwe, anwe vakafumu karenu navakamalivenu kutwara mulikuyuvho, yira shirughanito shakudira nkondo, mukamali. Vapenu lifumadeko yira vaghunyenu vaghufe nkenda muliparu. Virughanenu ngoli mposhi makanderero ghenu ghashakara nashipo. ⁸ Mukughulita, namuvantje, karenu ndunge dimwe, likuferonkenda, kukuhora yira vakuruvenu, namutjima naghuntje, ntani kukudidipita. ⁹ Washavyuta ghudona naghudona ndi matuka namatuka. Omo vyakara, twikirenu mukukutungika, morwa vino mbyovamuyitira, mposhi ngamuwane ghupingwa wamatungiko. ¹⁰ "Kehe ghuno anashano kuhora liparu ntani nakumona mayuvha ghamawa anakona kushayekita ruraka rwendi kughudona ntani ngewo ndendi mukughamba vyakupukita. ¹¹ Anakona kutunda kuvininke vyavidona nakurughana vininke vyaviwa. Ghanakona kushana mpora nakuyikwama. ¹² Mantjo ghaKarunga kukenga vavyuki, ntani matwi ghendi kuyuvha makanderero ghavo. Mara shipara shaKarunga kukulimbika novo varughanango ghudona." ¹³ Are ghoghumwe ngakutjutjupito nkeneshi ove kunahafere kurughana ghuwa.? ¹⁴ mara nampiri ghumone ghudito morwa ghumuvyuki, ove vakutungika. Washatjira matjilito ghavo. Washakara namakupuro. ¹⁵ Ghunakona, kuhangura muYogholi Kristusi mumutjima ghoye yira mupongoki. Kehepano kuwapayikire muku tapa lilimbururo kwa keheghuno wakukupura kuhamena lihuguvaro wakara nalyo - ¹⁶ Karenu, nalikudidipiko ntani lifumadeko. Kara namaghano ghamawa ogho, kehemuno vanakughamba mwamumudona, vantu vanakushopo liparu lyoye lyaliwa vanakona kuvatura muntjoni. ¹⁷ Hasha, nkeneshi anavishana Karunga, ashi ghuhepere mukurughana ghuwa kapishi mukurughana ghudona. ¹⁸ Kristusi naye kwahepire rumwe kundjo detu. Ogho waghuvyuki ngatuhepera twe, are ghadiliro ghuvyuki, mposhi ghuye ngatuyite kwaKarunga. Ghuye avamutura mumfa panyama, mara gharambuka mughufe mukonda yampepo. ¹⁹ Kupitira mumpepo, ghayendi ntani nakayuvhitira kumpepo ovo vanakaro weno mudorongo. ²⁰ Vavo kapi valimburukire kulididimiko lyaKarunga lyolyava tatiliro mumayuva ghaNowa, mumayuva ghalidiko lya wato, ntani Karunga ghaparura vantu vavasheshu- monyo ntantatu- kupitira mumema. ²¹ Shino shiyivito shalikusho olyo likuvatero weno- kapishi yira likusho olyo likutundito rudiro murutu, mara mukupura ghuwa wamaghano kwaKarunga- kupitira mulivhumbuko lya Yesusi Kristusi. ²² Krisitusi ghuye kulighoko lyarulyo lyaKarunga. Ghuye ghayendi muliwiru, vaEngeli, mapangero, ntani nkondo divhulike kwendi.