1 inka atewata Jesús tu'teshkuma, arwã as chei awa achenu as chẽi ta' chiichẽ. 2 Pesh asu'ba'tama arkape'ri: "Rabí, ¿taña ña warki ishkisa, i arwãró a pesh tusró, awá áchẽnu chipiró?'' 3 Jesús karkawarki: "Eka chani, pesh tus chani a warkua isketiri, akẽsh Patatish ákatun ekaña ishpiriró. 4 Pitasma patatish a katun isprá ãhãr taya tatun hiró,kakaña te'kuá asnani katunishketuwã 5 I'ka mundoña aakama, Tasma mundo kasmasrawa.'' 6 Tika Jesús yas ñehi, kukña archuni, achuniyo pak kii to' awañaro karki to' achenuña. 7 Ekama ti'kii: ''chãú, asukú to' estanque Sitoeña (traducidoma a tunhai).'' Akashkuá to' arwãma nei, asuki nei achẽi. 8 Akaskuá arwã abri chatama taña kachêlerwaakri oisike, ñehleruri: ''¿Ima arwãtai to' chamaru wãi achihia oisike? 9 Akuama ñehleruri: ''Toh ñai.'' akuama ñehleruri: ''Ho, i'ka ekakenai.'' Ekam ñehwãruri: ''Tasrawa.'' 10 Ekama ñehri: "Akaskuá, ¿inkashki awá taprihisá?'' 11 Eka karkawarki: "To' arwã apinma Jesúsma pa'tish sukuhi tawaña takarki ti'takii: nau asukú to' siloeña: akesh na ari tawá taprihi. 12 Ekama ñe'ri: "¿Eka piaakisá?'' ekama karkawarki: ''Tasma ari'tãwã.'' 13 Ekama toh arwã achenuro fariseosña paakri. 14 Akatikarii Jesús to'chẽ pak tishki kiichema awá aprihi 15 Akashkuá, warki, fariseos arkape'ri inkashki awá aprihikena. eka ti'kakii: ''Ekamá pak tartuki tawaña, asukama inkatama enchãawã.'' 16 Fariseos tish ñehri: "Î arwãma Patatishta e'tãĩ tõskaro toh Ekama akatikama enkituwã." Akuama ñehri: ''¿Inkashki arwã as warkua ishkuaró te'ki yas ishpisa?'' I'ka akẽs kra' tishkri ekapé. 17 Akaskua awá achẽnuró arkape'ri warkerá: ''¿Inkén ñehisa pai toh Eka inkró piwaró aprihisá?'' Toh arwã achenuma ñehi: ''Profeta as í.'' 18 Inkatama toh Judios wri hama atewata creeshketururi toh ekaro to awa achenuri ke inkatama ke achẽwá, a tusró arwaritani toh awachẽiró. 19 Ekama peshtusro arkapẽ'ri: "¿Ima yar piñerwã awaachẽnuri chii? ¿Inkashki inkatama achẽwasá?" 20 Akaskuá pesh tusma karkawarkri: "Untasma ariparwá ima pitayerwã awá ahenuró chii. 21 Inkashki inkatá achẽwãsá, i'ka taya awá aprihisá, untasma arihpartuwã. Ekaró arkapauwá. Ekama ke a'kai. Ekama a ekape kapashpé.'' 22 Pesh tusma ñe'ri i yasma to' judíosro karkati'ri. I'ka judíosma kaa'tri, as te'ki asapaya ñehi ke Jesusró Cristori, ima akaspaskará eña i sinsgogaña. 23 Ima to'karó, pesh tusma ñe'ri: "Ekama tis a'kai. A ekaró arka peuwa.'' 24 Toh kema, kripokte'ki, tõ arwã awá akachituro arwari i ti'kiri: ''Patatishta gloriaró wishku. pitaswama i arwama ke arihparwa warkua ishtai.'' 25 Akashkua toh arwama karkawarki: ''Tasma chẽ arihtawã Eka warkua ishtakena. Yas asma arihawa: tasma tawá achanarii. inkatama ke achãawá.'' 26 Akaskua ekama ñe'ri: "¿Iró pikiisa? ¿Inkashki Eka piwá apiprihisa?" 27 Ekama ti'kakii: "¡ta'pikaawake, wesh ketiri! ¿Pamawá warki weshkupirishkiñawî? ¿I'ka pawahi su'ba'taro tishke pirshkiñawî? 28 Ekama ñawarki ti'kilera ñe'ri: "Pama su'ba'tariñawî, akaró untasma moisés su'ba'tabarwa. 29 aripawa Patatishta a Moisesro ñehi, i'ka arihpartuwã piachiite'kuakena Ihi.'' 30 Toh arwãma karkawarki i'ka ñehi: ''Ima toh karó tish chokti, pawahi arihutuñawĩ pia chi te'kuakena Eka, akaski toh Eka ta awaró aprihi. 31 Pitasma ke aribarwá ñawarki ishtama Patatistama kasweshtuwã, akaró as te'ki Patatishtaró arkatiuma, tohró Ekaro weshkuá. 32 Y kuk ki'rike tishki, asnani as apastii awa apripiró to' awa achẽnuró to chiichẽ. 33 I arwãma Patatishta e'tarima, Ekama i ishtipirii. 34 Ekama karkawarki ti'kakiri: "Pama yar awá achenu chauri warkuaña, ¿pitasró karchiwish kashkia?" akashkuá ekama ara'nañá akaspaskri. 35 Jesúsma weshki iró toh sinagogañá akaspaskri, i'ka artapuki ti'kii: "¿Arwã Ayerwãya creeshkia?" 36 Eka karkawarki ñehi: "¿Tasa, Señor, tasya creeshparo Ekaya?" 37 Jesús ti'kii: "Pai chãuri, toh Ekayai payo kapashkaishkuayo" 38 Toh arwãma ñehi: "Señor, tasma creeshkawa,'' i'ka arñâháwa. 39 Jesús ñehi: "Tasma a juicio toh kakaró te'kari i kukña, toh achelerturo acherlermiro i'ka achelerma achelernimiro.'' 40 Farisesos tis Ekayo aakiri, i yas ñah weshkri i'ka arkape'ri: "¿Untaswá achamarnuwã?" 41 Jesusña ti'kakii: achautuwãwĩraska, warkua pikachiturishki, Toh karó inkatama ñehlerwá: 'Untasma chamarwá. Toh karó pi warkuama tõñá wé chipe.