¹ Yar, yar ta'pikaawá: taró kaosapake tokertuma to ovejas, akaro akuake tawéhwama, toh arwãma kauntrohtai peshwarkuai. ² Taró kaosapake tokuma, toh ekama oveja pesh pastor. ³ Ima toh ña portero aprihwã, a ovejasma eka añahro weshkerá, ekama pesh pinyo karwahna ara'nake kakas paskuá. ⁴ Ke kawashcheuma ekae'perá, ekama ki newá toh ovejama karachilerwá, akaró ke a'ñaro arileraska. ⁵ Akulerma arachilertipé, akuakema, ekaya chii trokerpe añah arihlertui ukua.'' ⁶ Jesús i parabolaro ti'kakii, akashkua ekama wrihma arilertururi irá ñeh waké yas Eka ti'kakii. ⁷ Akaskuá Jesús warki ti'kakii: ''yar, yar ta'pikaawá Tasró oveja kaosaparawá. ⁸ Taro krihro te'chẽrima Tas ta, kaishtishtaleri i'ka peshwarkua, akaró to ovejama weshkertirii. ⁹ Tasma akaosaparawá; ataro Tasya tookuama, ima salvaakipe. Tokera apaskerpe neí artapu'pe a siraro. ¹⁰ To' kaishtishtama te'tuwã i'ka teuntrokuaí, te amaski wraki'wa. Tasma te'kawa pi pesh pikachipirowa we'rí. ¹¹ Tasma pastor eñarawá. I'ka to'pastor eñamá Eka apeshma tukua a ovejasña. ¹² Ekama i'akachituwã i'ka pastor tahio i'ka tae'lersa toh vejas, ekama chẽuma te'kui a loboi i'ka toh ovejasma katunnewa i'ka trokua, toh loboma kakachre'monokua i'ka katispeshkua; ¹³ ekama trokua i'ka i'akachiturish toh ovejasma wa'kachenuwã. ¹⁴ Tasma pastor eñarawá, i'ka Taste e'lerma karihawá to ekalerma ke tarilerwá. ¹⁵ Ta tusma tariwa Tasma ta Tusró ke arihawá, ta peshro tukawa ovejas rish. ¹⁶ Ovejas akua tis takachuwá ima taste' e'lertuw; tohwa kawe'pakena, ekama Ta ñah weshkerpé ña rebaño as chipiro i'ka pastor asi. ¹⁷ Tokarishki ta Tusma akaró entakiwa: Tas chaaró tasña kawish kawá warki kasukuparó. ¹⁸ Asnani takartesukertuwã, akashkua taspeka tu'kawá toña. Tapún takachuwá warki sukuhparo. I mandamientoma Ta Tusña tatenhi.'' ¹⁹ Visión as chẽ'ri to Judio akriña i añahrish. ²⁰ Eka wriha ñehri: " Ekama amaisara as akachui i'ka warwachihi. ¿Akes irish weshkiñawîsa?" ²¹ Akua ñehri: "Ima arwã amaisara asnani artotii.¿Amaisara as chii inkashki awa aprihpisá?" ²² Akaskuá ke akatika Te'kuarurii tõ Jerusalenña. ²³ Asowarurii, i'ka Jesúsma abriña tarteshkuarurii temploñá salomon e'ña. ²⁴ Akashkuá to Judiosma arwichinlerá ti'kakiri: "¿pishkii ahi ameshpra ti'oitikipisá? Pama  Cristoriyá, yar ñahu.'' ²⁵ Jesús karkawarki: ''Tastakakaachi, pamawá ta ceehkilertuwã. Toh obras kaai Tas Tus apiyo, Tasro ti'takiiakua. ²⁶ Akarõ, pamawá ta creehkilertuwã toh ovejasma tastetalerwa. ²⁷ Toh ovejasma ta ñah weshkerwá; Tasma karihawá, i'ka ekama tarachihlerwá. ²⁸ Tasma we apesh; ekama onlertipe asnani, ta sawaña te'ki takatesu'tipé. ²⁹ Ta tusma ekaña tatenhi, asnani asawaña suku'lerá arkuletipé a tus asawañá. ³⁰ Tasri ta Tusri askenraparwa.'' ³¹ Akaskua to' Judios wrihama workerá saró sukuri karkate'lerpiró. ³² Jesús karkawarki: ''Tasña katún karchiwishkawá ta Tus e'ró. ¿Piarishki i katun ishkaró tarkate'lerpir ó?" ³³ To Judiosma ñe'ri: "Pitasma irish pirkatehapisa pikatún, ishkiró akema blasfemarishki, pama, arwãriya, Patatishta tishku pirishyá." ³⁴ Jesús karkawarki: "¿Kakorskama in chituwã to kakorskriña: 'TAS NAHACHI: ¿PAMAWÁ PATATISHTA WRIS TISHKUPIRISHKIÑAWĩ? ³⁵ ¿Toh ekañá Patatishtawrish riñawĩ, akarish Patatishta akapash te'ki (to kaweshkama inkashki krachebrá), ³⁶ pamawá ti'kakiwa wĩ taró A Tusña tis kaweshki mundoña katuhí: Pama asu' kapashkaishkiya' ñehira i'ka Tasma naharí: Tasma Patatishta Ayerwãrawá'? ³⁷ Tasma Ta Tus akatunró ishtama, ta creehkilertii. ³⁸ Akes, tõ'karó, tasña katun ishkaró akarike ta creehkilertuwã, toh kutunro creehki'lera eña arihlerpiro Ta Tus tasyaaki Tasma Tusya aakari.'' ³⁹ Ekalermá, warkerá suku'lerpirishkri to Jesúsro, akaskuá Ekama pesawaña karkatroki. ⁴⁰ To Jesúsma warki nei take Jordan atenña, krish tõ Juan kamu waruñá, tõ'ña tawarki. ⁴¹ Pesh wrish tis te'kri to Ekañá ti'kakiwaruri: "yar Juanma señal as chani ishtii, akará yas kri'roma to Juan ñehiro; arwãrá yar ñehiro; arwãrá yar ñe'wa." ⁴² Pesh wriha creeshkri a Ekaya tõ'ñá.