¹ Jesús wahá Olivoke nei. ² Tiskra kaponi Ekamá warki te'ki, pesh wrihama a Ekaña te'kri; Ekamá chrechi, kachiwishkuaruri. ³ To' escribama i fariseori korta as pekri acto cho'ti warkua ishki. Ekalerma araki tukri. ⁴ Akashkuá ekamawá Jesusro ti'kiri: "kachiwishta, ima kortama ishkaishki acto ukuayó. ⁵ Inkama, Moisés a ley yomá pitatunhi sayó kartukapiró pesh talerkena; ¿Pama inkén ameshkisa to' kortarish?" ⁶ Ekama ñe'ri ima ña pasker pirishkri, akashkuá Jesusmá we'ni kukña asawayo kakorski. ⁷ Akashkua arkapeipakerma, Ekarma aaki ti'takii: "Tãro ñarwarki akachituma paro'wa, ki tishkú sa as sukuhu aratunhú to' kortaró.'' ⁸ warki te'ki chrei, kakorski to' kukñá asawa achunayó. ⁹ Eká weshkerma ihi, as as tishkerá neri, ki tishkri mu'tiró. Apistichema, Jesús asperó tu'neri to' kortayo peró araña chii. ¹⁰ Jesús aaki ti'kii: ''korta, ¿piá akrisa to' ti'pilerchi? ¿Asnini pi condenahkilerti? ¹¹ korta ñehi: "Asnnai, Señor." Jesús ti'kii: "Tas chani condenah pika'tapa. Nau warki ishkutike." ¹² Jesús warki karkapaski ti'kakii: "Tasma mun doña kamasrawá; tãro tarachiuma sukuayama wetipé, tõ'karó kamasmá akachipé. ¹³ Fariseo ti'kakiri: "Papeká ñehi; Pañehimá yartai.'' ¹⁴ Jesuñá karkawarki ti'kakii: ''To' karó Taspeká ñahamá, Ta ñahama yari. Ariawá pia chi te'kakena i'ka pianaekana, tõ'karo pamawá arihútuwawi piate'kakena piãnaakena. ¹⁵ Panawá pi yukuyo ameshkuwa ñahyawĩ; Tasma asnani ña'takakatawã. ¹⁶ Akriki ñanaramá, Tas juicio nahuma yari tasma aspema atawã, tasma ta Tus yo akari ta tunhiraska. ¹⁷ pitaste awikawã kakarskai pitañama arwãmá yari. ¹⁸ Tasrawá to'ñeleró tañaha taste'erái, i'ka ta Tusñá tatunhi ekaña ñe'wá." ¹⁹ Ekaña ñe'ri: ''¿Piachuza pi Tuska?'' Jesús karka warki: ''Pamawá tarihutuñowĩ Ta Tus chanii; pamawá tarihiñawîyaska, to'ke Ta Tuské arihriti.'' ²⁰ Ekamá ikashkama ñehi platurishki karschiwiski ti'kakii templo, asnani sukulertiri atewata A ema te'ba'tiri. ²¹ Ekama warki ti'kakii: "Tasma naawá troprohupiwá, ñarwarkiña onnupiwá. Tas piá na ama panawá te'kutipiwá." ²² To' Judiasma ñe'ri: ''¿Ekapé armaskerpé? ¿Ima irishki ti'kakii: 'Tas piaña naama pamawá te'kutipiwá'?" ²³ Jesús ti'kakii: ''Panawá awa'chitariñawi; Tasma tã'wã chatarawá. Pamawá i kukña chiiñawi; Tasma ña mundo chatarawá. ²⁴ Akriki, Tasma ta'kakawá ñawarkiyo onnupiwá. Akashkuá pamawa ameshkuwa ñahupiwa ke TASRAWA, pamawa warkuayo annupiwá." ²⁵ akaskuá, ekama ti'kakiri: ''¿tarisa pai?'' Jesús ti'kaki: "Iró ti'kakiisa atahtu'chê. ²⁶ tasma yas ñaparishkawa parishki. Akashkuá, to' Tatunhima yari; yas weshkama Ekaró, i yásma mundo chaparó Ta'kakawá." ²⁷ Ekma chẽ arihlertiri rish Eka iro ñe'wãkena kapashkiti'kakii a Tusró. ²⁸ Jesús ti'kakii: "Akashkua pamawá Arwã Ayerwá ishpakerma, akashkuá arihupiwa ke TASRAWA, i'ka akesh Tas pe'kama in ishtawã. To'ke ta Tus tarchiwishkike, Tasma iyas ñahawã. ²⁹ To' tatunhima tasyo, akua Ekama Tas aspe, tatu'teshkuá tõ'karó Tasma ishkua in enishkaró ³⁰ Jesús i yas ñehima, wé yar creehkiri a Ekaró. ³¹ Jesus toh judios ró ti'kakii yar creeshkrikena a Ekaya: "oõ ñahuma pamawá Ta ñaha aakupiwá, akaró pamawa ta su'bu'ta ñawi; ³² pamawa yar arihiñawĩ, to'ma yarma ararihtishkupé." ³³ Ekama ti'kakiri: "Pitasmá Abraham chi te'prá i asnani esclavorapartiri; ¿inken ñaupiwasa: 'pumawa araritishkupiwá'?" ³⁴ Jesús karkawarki: "Yar, yar ta'kakaawá, tãró ña warki ishkuma, ñar warki esclavoi. ³⁵ I esclavoma in kaoñama chitipe; ayerwã martechipe. ³⁶ I'ka akariaké, Ayerwãña enkakiuma, yar tishki eñatishkerpé. ³⁷ Tasma ari hawá Abraham chi te'kiñawĩ akaró tarmaskupiró taprohiñawĩ, tõkaro tañama paskutuwãwĩ  pamawá. ³⁸ Tasmá kakapashkawá Yas cha ariró Ta Tusyó, pamawa wesh kiñawĩ pitatusyo." ³⁹ Ekama karkawarkri ti'kiri: "Pitatus ekama ekama Abrahamrii." Jesús ti'kakii: Abraham pesh yerwãrima, Abraham katún ishkiró pamawá askén ishkuriñawĩ . ⁴⁰ Akaskuá, inkatama tarmaskupiró taprohíñawĩ Arwã as ña yar ró ti'kakii, tõkaró Patatishtaro weshkari. Abraham ima in ishtii ⁴¹ Pamawá pitatus akatún ishkiró.'' Ekalermá ti'kiri:'' Untasma warkuyama chabartiri; unta Tus pitakachui: Patatishta.'' ⁴² Jesús ti'kakii: ''Patatishta pita Tusrima, pamawá entakauriski, akaró Tasma Patatista chii paskari tõ'karo ña akari; taspekama te'tawã, Ekaña ta tunhi. ⁴³ ¿I'ka irish ta ñah chẽ   arihhutuñawîsa? Toh karo taña weshkutuñawĩ. ⁴⁴ Pamawá pitusmawá, amaisarai, ichishpikiwãwĩ pitatus ara'kiwaró. Ekama atah tu'amaskri, ima yar aa'tuwã, tõ'karó yarma in chituwã ekaña. Akashkua ekama kaseñehwa, ekape a naturalezape kapashkuá; i'ka ekama kaseñahtai, a tus karkasewá. ⁴⁵ Akashkuá, toh karó yarñehi, pamawá Tasña creeshkutuwãwĩ . ⁴⁶ ¿Taña ñe'wasa ñawarki takachuwá? Tas yar ñahama, ¿ĩrish ta creesh ketuñawĩsa? ⁴⁷ Tãró Patatishta e'ma, i'ka Patatishta añah; ima toh karo pawahi weshkutuwãwĩ, Patatista e'tariñawĩ." ⁴⁸ Judiosma karkawarkri ñe'ri: ''¿Untasma in ña batuwã Pama samaritano ta'pikabatuwã amaisara as pikachuwá?'' ⁴⁹ Jesús karkawarki: "Tasma amaisara asma takachituwã; akẽs Ta Tusró enkaawá, pamawá entakautuwãwĩ tasro. ⁵⁰ Tasma ta gloria pro'hatawa; As chui kaproba ña i'ka juzgashkua. ⁵¹ Yar yar ta'kakaawá, asna tañá enkiwamá, ima onnima chẽnime.'' ⁵² Toh judíosma ti'kiri: "Inkatama ke aribarwá pama amaisara as pikachuwá. Abraham i profetari onri; pama inke ñehia: 'Asna tañah enkima, ima chẽ a enkitipe onnachema. ⁵³ Pama a'katariyá pitatus Abraham taro onniras, ¿o yarni? toh profetaswá oncheri. ¿Papeká taya pikiwasá?" ⁵⁴ Jesús ñehi: ''taspeká araritishkama ta gloria inkaripé: ta Tusma arari tishkuañai, paña nahiñawĩ to Patatishtai. ⁵⁵ Panawá atewatá arihutuwãwĩ, akaro Tasma a Ekamá arihawá, Tasma pakenarapawá arkaawá ⁵⁶ Pitus pape'má, Abraham, ara'tishki ã asró chẽmiro; i'ka chei, i'ka ararinatishki. ⁵⁷ Toh judios ñe'ri: ''Pamor atewata ukuara onki kui pikachituwã,¿abraham chautuwã? ⁵⁸ Jesús ti'kakii: yar yar ta'kakaawá: ki'ri Abraham cheriché, TASRAWA.'' ⁵⁹ Akashkuá sá tish suku'lerá karakasneri, I'ka akẽs Jesúsma auhi temploña chii tapaski nei.