¹ Akashkuá ti'ká te'ki Jesús Galileaké neí, Judeanama totipirishkí judíana prohahishkrí amas kerpiró. ² Inkatama, judíos peshkatikarii, sikia'ká ke erñarii. ³ Tõ' karó pesh arki ti'kakiri: "Ña akurima Judeake naú, Pi su'ba'tama chẽlermiro iró katún Pa ishkikena. ⁴ Asnani ki'tipe auhía ekana aprihí kachiwishpé. Y yas ishkimá, karchiwishpini a mundoro kacha wîshku." ⁵ A arkichani creeshturi a Ekaró. ⁶ Akashkuá, Jesúsma ti'kakii: "Ta emá atewata te'bohtawã, tõ'karó ã as te'kma pamawá eñaripé. ⁷ To' mundomá chaparma asnaní ñawarki a meshtipé parowá, Tasñaró ñañe'wá, akaró Tasñá ña hawá, pesh katunma warkuaí." ⁸ "Pamawá akatikañá tawehuwá; Tasma to' akatikayama natapa, Akaró Ta ema atewata te bohitawá." ⁹ Warki i yas ti'kakiuma ekalero, Galileañaperó tawarki. ¹⁰ Akashkuá akatikaña ke pesh arki tawe'lerma, akuashkua Ekawá tawehí, chẽlertururí auhí tawehí. ¹¹ To' judíoma to' akatikaña prolerurí ñe'rí: "¿Eka pia akisá? " ¹² Wé añapaskianukeruri pesh wrish akriñá a Ekaró. Asna ñe'lerurí: "Ekama arwã eñaí" akuama ñe'lerurí: "Ho' Eká tah warkua kawakuá to' pesh wrishma." ¹³ Akashkuá, asnani kapashkertururí a Ekaró judíosró karkatirí. ¹⁴ Akashkua akatika arahkiakiri, Jesús temploña tawehí karchiwîshpiró. ¹⁵ Akashkuá judíosmá chokti tawarkrí ñe'rí: "¿Inkashki i arwãma wé arihwasá? Ekama to'kenatarií." ¹⁶ Jesús karkawarki ti'kakii: "Ta achiwishkama taste e'taí, akema to'ñarí ekañá tatunhí. ¹⁷ Taró as chii ta ameshkaró A ishpirishkuma ekama ke ariwá tas achiwishkaró, Patatishtaño chii Taspekama chiwishtawã. ¹⁸ Taró a ekape kapashkuma to' gloria ẽ ekapeka prowa, taña gloria prohuma tañá tunhikená to' arwã as eñaro ñe'wá in Ekañamaá injusticia chituwá. ¹⁹ ¿To'karishki Moisesña ley kawishtiri? Akashkuá, pani asnani i ishkuwãwĩ.¿Pamawá tamaskupirishkiñawĩ? ²⁰ Pesh wrihama karkawarkri: "iwalash as akachuwá! ¿Taña ta prowasá tarmaspiro?" ²¹ Jesús karkawarki i ti'kakii: "katun as pesh ishkari, pamawá cho'titawarkiñawi iro hó. ²² Moises kawishki apirá kataskri (Moises tarii, pesh tusrii); tõ'chema pamawá arwã as apirá tas kerwá. ²³ Arwã as apira taskerma to' akatikachẽ, Moisés ley krahatãi, ¿Inkén pamawá akayaishkiñawĩ tasya akatika chẽ arwã as aronnari? ²⁴ Juzga ishkutii apariencia ri juzguen ishkertií yestii." ²⁵ Jerusalenña tish chilera ñe'ri: ''¿Ima ña'tai to'amaskerpirishkeró? ²⁶ Chauwãwĩ, Ekamá aprihi kapashkuá, i ekama in tikilertuwã. ¿Habrán ari'riti ima Cristoi? ²⁷ Pi tasma ke ari'parwa piã chi te'kuakena Ima ahi. We' tishki te'kuma, asnani arilertuwá piã chi te'kuakena. ²⁸ Jesús temploma, wa'ni kapashki achiwishki ti'kakii: ''Pamawá tarihíñawĩ. Akriki arihiñawĩ piã cha'te'kakena taspeka te'tarii taya tatunhikena to'ma yari, pamawa arihuwãwĩ. ²⁹ Tasma arihawá to'ña chite'kawá Ekana tatunhi.'' ³⁰ Ekamá sukulerpirishri, asnani asawairó pentertiri a ayá to'karó A ema tewata te'bohtiri. ³¹ Akaskuá pesh wrihama yar ñe'ri ''Cristo te'kuachema, ¿Ekama señal ishpe Ihi ishkikenaró'? ³² Farioseosma weshkri pesh wriha a krima akayaishkri Jesús yas ishkiró, pitasa'tama pare'ma fariseori asa'ta katunri sukulerpiró. ³³ Akaskua Jesusma ti'kakii: "Tasma ña akari akina tis payawá, i'ka akashkua Tasma napa to' tatunhiriña.'' ³⁴ Pamawa taprohupiwa, tapaskutipiwá; Tas piã naama pamawa nautupiwá.'' ³⁵ To' Judiosma akashkuá ekapé ñe'leruri: ''¿I'ka arwãma piã neumá prohatipé? ¿To' griegos nepirishkuani griegos karchiwishpe? ³⁶ Iña ñah Ekaña ñehi: Pamawá taprohñawî, to'karó taprohutipiwá; ¿Tas piã naama pamawá nautupiwá?'' ³⁷ Inkatama a é apistii, to' akatika a'kai, Jesús, a aki, aña, Tapunyo ñehi: "Tãro aso tokishkiwama, Tasña te'ki i'ka to'piró. ³⁸ Tãró Tasña creeshkuama, kakorska ñe'waké, aso auyá wakuatishki musterá a ishkiñá.'' ³⁹ Akaskuá Ekama ñehwama Akuansarii,Tãró a Ekaró creehkima te'kuñelerpiri; Atewata Akuansama Jesúsma atewata chẽ arihtiiri i'ka atewata pra'pishkertiiri. ⁴⁰ Wrish asna,Iña weshkerma, ñehri: "Ima yarma Profetai." ⁴¹ Akua ñehleruri "Imá Cristoi." Akashkuá as akerá ñe'leruri: "¿Cristomá Galileaña chi te'pé? ⁴² ¿To' awikáwá kakorskamá ñe'tuwá to' Cristoma David a inñalertipi Belén kããuya ayema David chiiñarii?" ⁴³ Akesh krá tishri pesh wriharó Ekarishkiá. ⁴⁴ As te'kerá sukulerpirishki, asnani pesawama tukertiri aañá. ⁴⁵ Akaskuá pitasa'tama warkera te'kri pitasa'tawá pare'reri to' fariseosri, ta'ña ti'kirikena: "¿Irish pe'kertirisá?" ⁴⁶ To' pitasa'tamá karkawarkri: "Asnani imá akema kapashtuwá.'' ⁴⁷ To'kema to' fariseoma ñe'leruri: "¿pamawá karkaseri? ⁴⁸ ¿Akaró pitasa'ta as te'ki fariseo as chii yar ñeriti? ⁴⁹ I pesh wrihama ley arihlertuwã, ekalerma malditoslera." ⁵⁰ Nicodemo (Fariseo asna, a Ekaró te'ki kekerima) ti'kakii: ⁵¹ ''¿Ekaró ley pitaste e'ma arwã as ña ti'kiwá ki weshpra iró ishkikena?'' ⁵² Ekama karkawarkri: "¿Pama Galilea chataria?Chãuwá prohuwá profetá asnani Galileaña chii te'tuwá.'' ⁵³ Akashkuá aspe peshkao ekake neri.