¹ I'ka î yas, Jesusmá také Galilea atenñá neí, to'wá apinmá takema Tiberiarí. ² Pesh whriha tis arachilera nerí, chãaishkri irõ yas ishkuaró. tó pesh chanawá kakachuró. ³ Jesusmá wahá a tenna neí karaba'tayo neí chrechihí. ⁴ (Inkatama', Pascua,  judios pesh akatika, ke baktishkuari.) ⁵ Jesus Ã chẽi ishpakuama pesh whris kachẽí ke a Ekaró artekaishkrí, Feliperó ti'kií: "¿piã pan kuhapisa i akriró ẽ'lerpiró?'' ⁶ (Toh'karó Jesusña ti'kií, Feliperó a kamanaski, akashkuá to' Ekama ke arihiri irõ ishpirikena.) ⁷ Felipe ñeh‌í: "Awá pok má intaripé to' pan kuharó as as kakachiperó akinapeã'.' ⁸ Arabakta as, Andres, Simón, Pedro a arkí, Jesúsro ti'kirí: ⁹ ''Ña ye as kí ankí a ã akachuwá y wichã pokrí, akashkuá, ¿ima krokaama akinaí?'' ¹⁰ Jesús ñehi: ''Ta' kakauwá pesh whriha chechilerpiró''. (Inkatomá, tiwi wé churí to' achilerñá.) Akashkuá arwã wrihama chrechirí, tisma ukuará onki wrislerí. ¹¹ Akashkua, Jesusmá to a ã sukuhí to' wichã pokrí tiká kaparkâí akapẽí, to achileró kawishkí, wê ameshkerma to´ kenarí. ¹² Ké aya ẽn tishkermá, Eka ti' kakií su'ba'talero: ''Kauwãhuwãwĩ to' tawarkiró, ĩ tõ' õshkepiro.'' ¹³ Ké Kauwachelermá aró ukuá pok kaumustrí a ã onki peslerí to' e' lertiiró. ¹⁴ Akashkuá, pesh chêlerma to' señal Ek kií, ñe' r‌í: ''i'ka yar profeta‌í i kuk chaparña te'ki.'' ¹⁵ Jesús weshkina wris te' kera sukulerpiriskriná asã' ta kilerpirishkr‌í, Ekamá aspe ne‌í wark‌í to' wahaké. ¹⁶ Ké an‌í ne bona‌ma, su'ba'talerma takeña chrerí, ¹⁷ Ekalerma puru asya tokera, nerií to' take ke a capernaunñ‌á take. Akés sukuarur‌í aikri, jesús má atewat‌á te'bohturur‌í to' ekalerya. ¹⁸ Ompish manas kiwarur‌í i'ka takema akayaishk‌í. ¹⁹ Akashkua ke ah‌í kish ne lerm‌á onk‌í ser‌á‌ bak tisner‌í, ekalerma  jesúsro chẽ' r‌í tak‌é a aña tarteshk‌í wet‌í tisneler‌á‌ to' puruyo i'ka akati'r‌í. ²⁰ Akashku‌á Ekañ‌á ti' kaki‌í: "¡Tas Raw‌á! Akatiutiwãwĩ.'' ²¹ Ekalerma ne artapukri to' puruyo. wãripé to' puruma kukñá neboni aneleruriña. ²² Arah kiuma, pesh wrihaakriri to' take ateña, puru aku as chêi to'ña, exepto as, i'ka Jusus totiwakri to' ekaya a su'ba'taleryo, a su'ba'tama ekape neriwaakri. ²³ I'k‌akes, puru tis a akrí Tiberias ña chite'kri, to' eria a eka to' pan e'riwaakri, akashkua a Señorma kaparkiwakri. ²⁴ To, pesh wriha chẽlerm‌á jesús chani a su'ba'ta chani ke chertirí, ekapeka tokrí to' puruña capernaum keneri jes‌ús prolerpiró. ²⁵ I'kakes te ker‌á artapukrí take atenñá, ekaña ti'kiri‌í: '' Rab‌í, ¿ña ahi te'bonurisa?'' ²⁶ Jesús karkawark‌í, ñehi, ''Yar: yar, pamaw‌á taprohñawĩ, i'ka señal chautuwãwĩ, ika akesh sira pan e' riraska aya entawarkrí. ²⁷ Siraperishki katunish kuatiiwãwĩ to'ma teshkuá, i'ká sirá patapesh kaoró katuishprá,  i'ka akashku‌á Arwã Ayerwã kawishpé; inké Patatishta a Tusma ekañá tukí A sello Ekaya. ²⁸ Akashku‌á ekama ti'kir‌í: ''¿Inkenka ishpra Patatishta katunró?'' ²⁹ Jesús karkawarkí: "Ima ñaí Patatishta katunhá: pamawá yar Ata ñahuwa tas Ekañá tunhiraska." ³⁰ Akaskuá ekaña ti'kiri: "¿Iró yar ishkupisá akashkuá, patas chãbra yar ñahapiró Paró? ¿Iríshkú? ³¹ Unta Tusmá mana kuk hars e'rí, to'kãrõ kakorkaí: 'PATATISHTAYA SIRA KAWISHKI PIRIÑÁ CHII.' " ³² Waripe Jesusñá ti'kakii: "Yar: yar ta'kaawá, Moisés tahrí kawishtií to' pan í piriñá, i'ka Pa Patusña yar kawishkí to' pan piriñá. ³³ I'ka to' pan Patatishta e'má, to'ñaró piriña chii chrewá au mundo awáke." ³⁴ Akashkua ekama ñehri: ''Señor, warki pan pitatanhú." ³⁵ Jesús ti'kakií: Tas pan rawá aú hi; Tasña te'kuma uwá kaki'tipé, Tasña creeshkerma aso tokishkakítipe. ³⁶ Tõ' karo tasña ta'pikaawãwĩ iró tachẽi, i'ka creeshkutuwã. ³⁷ Ta Tatus krí tatenhumá Tasña, i'ka Tasña te'kuama, Tasma yarta'pikaa ara'ña akaspastapá. ³⁸ piriña chi chraarii, Tas pekamá ishtaparii, i'ka ñai to' tatuhi ah eñaishparo. ³⁹ Ima ñai tas ishparishkama ekaná ta tunhí, tasma as naní ka õshtapa to' eka tatenhíraska, apistichema wakuakakapa. ⁴⁰ Imá ta Tusñá tatenwã tãro Ayerwa cheuma i yar ñeuma Ekaró, Tasña wakuakakapa to' apistichẽ." ⁴¹ Akashkuá to' judíoma akairi a Ekayó ekaña i'ka Eka ñe'hí: "Tasrawa piriñachi chraawá." ⁴² Ekemá ti'kirí: "¿Imá Jesustahí, José ayerwãa, cuyo a tus a kakiri ariparwa? ¿I'ka, akes, Ekaña ñehwái inkata: Tasma Piri chii chraawá'?" ⁴³ Jesús karkawarki: ''pamawá akayutuwãwĩ. ⁴⁴ Asnani te'tipe tasñá ta Tusñama, taña tatunhi, tasñá takapekepe, apistichema Tasñá wakakapa. ⁴⁵ Kakorskaroi profetañá: 'PATATISHTA ÑAHA KRIHRO KARCHIWISHKEPE.' Krihro weshkrikena ari'rerkená pa Tatusña Tasya chite'kua. ⁴⁶ Taña asnaní chẽlertiriro pata Tus, excepto Ata  Patatishtaña chii te'ki, To'ma Patatusma cheĩ. ⁴⁷ Yar, yar ta'kaka awá, taró creeshkuama, to'ma chipé. ⁴⁸ Tasma pan rawá chiikawishkawá. ⁴⁹ Pamawa pitus maná kuk hars e'rí, i'ka oncheri. ⁵⁰ Ima ñaí pan piriña chii chrewá, taró a Ekaró e'wãma ontipé. ⁵¹ Tasrawá to' pan chaaishkawá piriña chreí. Taró i pan e'uma, wé chipé. To' pan kawishkama tapeshkaoí chaparo kawishkawá a mundoña." ⁵² To' judíama akairí kapashkipekiri a ekapé, ñehrí: "¿Inkén ki i arwã a peshkaoró pitatenpisá ã ãpiró?" ⁵³ Akashkuá Jesúsma ti'kakii: "Yar, yar tapikaawá, a Arwã Ayerwãró irísh A urí tokerpiro, papewá chautupiwá. ⁵⁴ Tãró Tapeshró e'uma i'ka Ta urí tokumá, to'ma wé akachipé; to' apistichema tasña wakuakapá. ⁵⁵ Akaró tapesh sirá yarí, Ta uriwá yarí tokai. ⁵⁶ Tãró tapesh e'wãma ta urí tokuma Tasñape chipé, Tasma a Ekañá. ⁵⁷ To'ke pata Tuske pitatenwá Ta tunhí., to'ke tishki cha awá Ta Tusrishkiá; i akẽs tãró tasñá e'umá Tas rishki chipé. ⁵⁸ Ima ñaí to' pan ma piriñaí chii chreí, pita tas e'rikema ho, i'ka onriró. Tãró i pan e'uma to'ma wé chipé." ⁵⁹ ĩña ima Jesúsñá sinagogañá ñehí, akashkua Capernaumña karchiwishkama. ⁶⁰ Akashkuá wé su'ba'talerma weshkrí ihi, ñehrí: "Imá karchiwishkama a ô'waí; ¿tayá kii sukupisá? ⁶¹ Jesús peka ariwarurí to' pesh asu'ba'taro akaiya ishkrí ĩ'ró a ekaró ti'kakii: "¿Ña'yó ña'takakaawá? ⁶² Akashkuá, ¿Arwã Ayerwá chaimá tawéhí pia ki'ri achihiri? ⁶³ To' Akuansáña aú pitatenwã; pitapeshkama î pe'tuwã. Añah ta'kakaawa akuansa eñai, i'ka wé' chaparwá. ⁶⁴ Tõ' karó, ña asna weterá creeshke tuwã." Jesúsma arihiri taro creeshketukena, i'ka taña au haish armaskisa. ⁶⁵ Eká ti'kakii: "Imá tõ'karo ta'kakaawá Tasñama te'ketipé, pita Tús akina peka tãhí." ⁶⁶ Irishkí, imá wé asu'ba'tama ke tarteshkertirií to' Ekayó. ⁶⁷ Jesús ukua pok ti'kakii: ''¿Pawá nau pirishkiñawĩ?" ⁶⁸ Simón Pedro karkawarpishki: "Señor, ¿tañá na apisá? Paperó ña eñá pikachuwá. ⁶⁹ Paró yarñapra i ari'parwá Santo Patatishtaria." ⁷⁰ Jesús ti'kakii: "Tasña karkamanastarí ukua pokró, pawa asña to'má amaisaraí?" ⁷¹ Inkata Ekamá Judasró ñewarurí, Simón Iscariote ayerwarurí, to'karó ekarii, ukuá pok chiilerurí, tõ'ñá Jesúsró amaspirii.