Joseeliezerr123-pay_jhn_text

Capítulo 5

¹ Akashkua îhi, toh Judíos akatikari i'ka Jesusma Jerusalénña tawehi. ² Inkita, Jerusalén abriña to kaosana mukmuk leria, asota as chiwa a pima Betesda hebreoña, kaosa anki akachurri. ³ Pesh wriha as chira kachawá perii, achenlertuwa, tarteshkertuwa aña achihrii, awakera aso apehpiro. ⁴ I'ka Señor a angel as chrewaruri i'ka te' penwãruwã, aspe netoker ro asoña, akashkua asoma akeyhi apichkruri, akuaskua chana yas en tishkileruri hoisi akileruri. ⁵ Yoh' ña arwã as chiiri achana kuí may ukua ova pa'kuã akiri. ⁶ Akes Jesús chewamá apichkiri toh ña, i'kakes ata'akuama tohña an wẽ akuaakiri, Eka ti'kii: "¿Entishkupirishkia?" ⁷ Toh' arwa archawamá ti'kii: "Señor, asnani takachituwã takacho'kerpira asataña aso apenwamá. Akes tasna boonama, akuaro tohkera tas ta teh'wã akuaro tokerá.'' ⁸ Jesús ti kii: "Ishtakú, pi wasã sukuhu, ã tah teshkú.'' ⁹ Akanskua toh arwãma achanama arteshki, awãsa sukii, i'ka tarteshki. Toh chehrii katu ishkertipirii. ¹⁰ Akanskua toh Judios ma ñehriri toh î akachitiri: "Inkatama yari katu ishkutipii pama wãsa anahupiwa.'' ¹¹ Ékama ñehí: "Toh ta chana tarpeshkii, ti'takii: pi wãsá sukuhu naú.'' ¹² Ekama arkapehrii: "¿Tasa toh arwã tihpikii: 'Pi wãsa sukuhu naú'?" ¹³ Akes, taro ã chana arpeshkrii arihlertii tari ekana; toh Jesús newã'a krii katirá, i'kakes toh yama pesh wriha tis aakrii ã chuña. ¹⁴ Tiskari, Jesús ma paskii toh arwa i temploña i'ka ti'kii: "¡Chauchere pama i chanakarpeshkuri! Akesh warkua kresh ishkuti, i'ka kresh tishtipe.'' ¹⁵ Toh arwã ma nei i'ka ñehi toh Judíos ró Jesús rii toh ya chana arpesh kuaakrii. ¹⁶ Inkatama, i yas, toh Judíos Jesúsró arachihleruri, Ekaña ishkuarurii i yas ã katun ishkertiiché. ¹⁷ Jesús ma ti'kakii ekaleró wa: "Tatusma, inkatani katuishkawa i'ka taswa katuishkua.'' ¹⁸ Ñarish, toh Judíos ma wãripe kresh amaskerpiri, ehkakes ama ñah kakiwarurii toh katuishkertururiché, akashkua toh wá arwahnaruii Patatishta A Tuska, Patatishta kiwarurii askén. ¹⁹ Jesús ma ti'kakii: "Ñah ñah ta'pikaawa: Ayerwama arihtuwá Ekarishki, excepto Eka chehwá A Tus ki'wai, toh a Tus krihró kiwama Ayerwama ake kiwã ãké. ²⁰ Akanskua a Tusma Ayerwará ama' kiwá achiwishkua ã Eka yas kiwãró, Ékama ta chawishpé ã yás ahkai ima pawai arari tishkerpiró. ²¹ Akanskua toh a Tusma onni kaishpa'kua ama apesh kawishkua, akes toh wá Ayerwai cha en kiwama a pesh kawishkua. ²² Toh a Tusma asnani juzgahkakituwã, ãkema kawishkua krihro ã Juicio Ayerwaró. ²³ Ake toh krihró honrákilerma Ayerwã a Tusro honrákiwa. Taro Ayerwã honrákilertuma a Tusma honrakituwã atá tuhi. ²⁴ Yar mã, taro Ta ñah weshkuama i'ka creeshkuama ãTa tatuhii toh ma apesh wẽ akachipé ama i condenado tahripe, ã kema tuhteshkua anna yari ã chiwayarí. ²⁵ Yar ma, ta'kakaawa honra te'kua, i'ka inkitama honra í, akanskua toh anlerii añah weshkerpé Patatishta Ayerwai, i'ka toh weshkrima chilerpé. ²⁶ Éhkakes, toh atus apesh akachuké eka kesnró, akenai Ékama wishki apeshka ayerwa Ékarishró. ²⁷ Atusma atapunró wishkii ayerwaró achewai toh Juicio i Ékamá toh arwã ayerwãi. ²⁸ Pama ahrari achautihiwawi îrish, inkatama ã hora tehkuá toh krihró achihrii ã ka'sho ña Pesh ñahró achelerpé ²⁹ i'ka apaskerpé: toh eña ishkriskei, wãkatishkrii ã peshyó, toh warkua ishkrima, wakatishkrii ã Juicioña. ³⁰ Tasma eyratawã tisnani Parish. Ã weshkarai, juzgashkawa, i'ka Ta Juicioma eñai ekama arwã ayer wai tas ma prohawã tahra eñao, ake nai ahra eña akachui. ³¹ Tas tañahró wishkama Tas rish, Ta ñah ma yar toh ripé. ³² Akuaña yehwã Tas erña achihí Tasma eyrawã aña ñehwa i ã Eka tehwai ama yah ró. ³³ Pama tuhrii a ñah ñahta toh Juan, ekama yar ro ñehi. ³⁴ Akanskua Tas tañahró sukuhama toh ma arwa tahi. Tasma ñahawá i yas i pama sarvaakilerpiró. ³⁵ Juan ma kamaskuarurii ak kiwarurii yar kiwarurii, i'ka pama arari tishkerpirii ki'ri kamas kii. ³⁶ Akanskua, Tasta ñah takachui kresh ahka i a Juan, ma hó Ehkakes ta Tus takachuwai kahparó, tasrishki kaai Tas rish ñehlerwa, ta Tus ñehwa. ³⁷ Ta tus ma tatuhii, Ekapé ñehwa Tas erña achaharas Pama . Ã ñeh wai cherer tuwã Ã ishkui tisnanii. ³⁸ Toh añahma akachituwá alorando payowa, inke toh ma aña weshkertuwa toh i Ekaña tuhi. ³⁹ Pawahí to' kakorskaí aweshkuwa a inke ekaya ameshkuwa unta pesh chií teshpé, i'ka eka a kakorskaí ñehlerwa Tasrish. ⁴⁰ i'ka pawahí te'kutipishkiawĩ a Tasña kakachipiro to' apesh chií teshpiro. ⁴¹ Tasma kasukuhtawã to' arwã ã eya ishkerí, ⁴² akaro tasma ka arihawa pawahí Patatishta amorma kakachituwã pawahi a ekape. ⁴³ Te'kawa to' Ta Tus apiyó i'ka pawahí ta sukuhlertirí. To' akua te'kuama eka api' pawahí sukuhlerpe. ⁴⁴ ¿Inke arihupiwasa, pawahí sukuhlera to' ã eya ishkerí untasrí akuarí, akes prohlertuwã a aeya ishkerí ama te'kua Patatishta aspesí? ⁴⁵ Ameshkutiwãwĩ Tas ta'pikapawaí a ta Tus a wakiña. To' ti'kaki'wama Moisésro, a pawahí a taro tukíñawĩsa to' esperanzaí. ⁴⁶ To' Moisésma yarií, Ta añaha weshkertipe akes ekaya kakorskirí. ⁴⁷ Akes pawahí añah weshketuwã to' kakorskakí, ¿Inkí añaha weshkerpisa?"