¹ Akanskua Jesús arihwama toh Fariseos ma weshkrii Ekama ishchiakiri aso yó kamuhiaakrii toh su'ba'talero krihvó toh Juan yo ² (Ehkakes Jesús ma kamuhtururi, toh su'ba'taro), ³ Ekama Judea ña tunnei wartapehi warki tehkii ã Galileaña. ⁴ Akanskua eñari toh eka tuhteshkapiró toh Samaria ña. ⁵ Akanskua Ekamá kaa uya ña neboni ã Samaria ña, apima Sicar, José wishki ã kuk Jacob wishti toh ayerwaró. ⁶ Toh Jacob asoma tohya ããkii. Jesús ma Kara'kii ã tahya chre achihii toh aso briña. Toh kenari toh taweh serari. ⁷ Korta Samaritana as chii aso paspiró, i'ka Jesús ma ti'kii: "Asó tis tahu toh paró". ⁸ Toh a su'ba'tama nerii ã kaa unya ña sira cuhlerpiró. ⁹ Akanskua toh korta Samaritana ro ti'kii toh Ekaró: "¿Pa eka ke, Judio rii, tasro tarkapaiña, tas ma korta Samaritana ra wá, tis toh paró?" Toh Judios ma in Kakachituwá a Samaritanos yo. ¹⁰ Jesús ma akawarki tihkii ekaro: "Patatishta ã Don ró arihima, ta sa, toh ti'pikiwá: "aso tis tahu, pamã Ekaró akapaũpé, Ekamá aso eñaro piwishpé.'' ¹¹ Toh kortama akawarkii: "Señor paska pikachituwá, toh asoma uru'nai. ¿Pia, akesri, aso eña pikachusa? ¹² ¿Pama ahka tahriya Jacob atuske, taya untatehisa toh aso ekawã tokii, toh kirike pesh ye erw kikiké pesh yeerwã kirii ã pesh wakua pesh wakuakenariva? ¹³ Jesús ma akawarkii: "Toh krihró tokerma iasoi wartapehi tokish kakipé, ¹⁴ Akanskuá taró tohpima ĩasoi Tasma wishpa, wartapehi asó tokishkitipé. Atamake, Tasma wishpa toh asoi Ekama wishkapé ãso ahkaya, eka yó apaski aahpé chipiró.'' ¹⁵ Toh kortama ti'kii: "Señor, aso inkeñaro tahú wartapehi tokishtakitipiró ñahma ke tehtapa aso pasparó.'' ¹⁶ Jesús ma ti'kii: "Tehkú, arwahnú pi arwã, te'kuña.'' ¹⁷ Toh kortama akawarki, ñehi: "Ta arwá takachituwá.'' Jesús ma ti'kii: 'Ama yarhi ã nehii: Arwã takachituwã' ¹⁸ ãkaro arwã onki pikachiisã, inkatama pi arwã pikachuwa. A ñehima yari.'' ¹⁹ Kortama ti'kii: "Señor, pichaawã profetariyá. ²⁰ Unta tusma arñehlerrii ã waha ya, pama nehiya toh Jerusalen chuña arnehlerpiwã ã peshma.'' ²¹ Jesús ma tihkii: "Korta, ta ñah weshkú, inkitama paña tehpé pama arñehupiwá a Tuska wahaya chani Jerusalén ya chani. ²² Pama arnelerwã toh arilertui. Untasma arñahbawã toh arihbari, toh salvación ma Judíos yo tehkuá. ²³ Akanskua, toh horama te'kuá, i'ka inkatama, yari toh aryehleri a Tus akuansa yarhi arñehlera, toh unta Tusma prohwá ã peshchi arñetikerpiró. ²⁴ Patatishtama kuánsai, toh pesh arñehlerma i'ka arñehlerpé ã kuansa yar ró.'' ²⁵ Toh kortama ti'kii: "Tasma arihawà toh Mesias tehkua, ã pima Cristo í. Eka tehpiche, Eka unta ishpé ã krih yas i.'' ²⁶ Jesús ma ti'kii: "Tasrawá, toh kapashkua payo.'' ²⁷ Tohche' asu'ba'ma wartapehi tehkrii. Akashkua, ekalerma kapehlerurii Ekama korta asyó kapashka ishkii, ama ãsnani kapehtii: "¿Iró kapeisa?" oh ''¿Inkró ekayó kapashkisa?" ²⁸ Akanskua toh kortama tunnei aso inshka, i'ka wartapehi tehkii ã kaauya ña, toh peshró ti'kii: ²⁹ "Tehkuwa, chauwá ã arwã as si toh ya titakiwa ã yas krihró i ñaha i ¿Ima Cristo tahti toh eka?" ³⁰ Ekama kaauyaña chii apaskrii wartapehí teh krii Ekayó. ³¹ Akanskua, toh asu'ba'ma chelera ti'kiri: "Rabí, aú. ³² Akanskua Ekama, ti'kakii: "Tasma sira as takachuwá aapiró pama arihutuwãwî.'' ³³ Ehkakes, toh su'ba'tama ekape tia kilerurii: "¿Asnani pehkertii sira aapiró, ekama ri?" ³⁴ Jesúsma ti'kakii: "Toh Ta sira ma volunta hi cheh kaparó toh katuishkii. ³⁵ ¿Pama nehlertuwã: 'Yawi ká chuwã ne bon pii toh paskapii?' Tasma tahkakaawá: '¡Ishpaki chauwã ã campos i, toh ma tah tii ã tishkrii! ³⁶ Taro tishkermá sukuhwã ã aohi toh awawá ishpakua toh apesh chipiña, taro tishkuama tara paskuama asken arari aakerpé. ³⁷ Inkatama, ima ñaai: "asma tishkua toh asma paskuá" ima yari ³⁸ Tasmá katuhari paskerpiró toh katuishkrii. Akua katuishkri, pama tookrii katuishkerpiró.'' ³⁹ Samaritano  wriha tis toh kaauyaya weshkrii Ekayó toh kortamá ñehii Ekaró nehi: "Ekamá titakii ã ishkai.'' ⁴⁰ Ehkakes toh Samaritanoma teh krii Eka yá, tihkiri tawarpiró ekaleryó. Ekama tawarki an pok che. ⁴¹ Toh krihró weshkrii A ñaha. ⁴² Ekama tihkelerui ã kortaró: "Ama weshbartuwá ã nehii, akanskua untasbara toh weshbari, untasma arihbara Ã yarhi toh Salvador ã mundoña.'' ⁴³ Akes toh ã pok chema Ekama tohña chii apaski  anike Galileaña. ⁴⁴ Akaro Jesus ekaña ñehi profeta asma honor akachituwã eka akukñamaâ. ⁴⁵ Akashkua Eka na bonari toh Galileaña, toh Galileo chatama ti'kiri en te'kia. Ekalerma cha chelerwã aakrii toh yas kri'ro a Eka ishkua aakrii akatikache, a Jerusalenña, akro ekalerwa na te'kriwa aakrii toh akatikache. ⁴⁶ Inkatama, Ekamá tehki ã Caná Galileaña toh yari ã ãsoi kii vinoyo. Toh yama chii oficial as yari cuyó toh ma archanawarii ã Capernaun ña. ⁴⁷ à weshkuama Jesús tehkii a Judea ña toh Galileaña ri, Jesús ña nei tihkii toh ayerwai asawá tuhpiro onpirirí. ⁴⁸ Akashkua Jesús má tihkii: "Ehkakes chelertumã ã señar i, pama weshkutipiwá. ⁴⁹ Toh asa ahtama tikii: "Señor, tehku taye erwá ontutewa". ⁵⁰ Jesús ma tihkii: "Naú, piyerwama chiwei" toh arwama weshkii toh Jesús tihkii ehka nei. ⁵¹ Ehkakes ekama chrenei, toh katuishtama apaskera ne cherii tihkilerpiró piñerwama chuwá. ⁵² Akanskua ekama karka neii aiririakana toh eña tishkiche. Ekama kakawarkii: ''kechama, tawah krii toh chana artonskii.'' ⁵³ Ehkakés atusma eirii a inkririi toh Jesús ti'kii: "Piyerwãma chiwá". Ehkakes akaa krihró yas weshkrii. ⁵⁴ Iñarii Jesús Señor pok señal í Jesús ya kii Judea ya chii apaskiche a Galilea ñari.