Joseeliezerr123-pay_jhn_text

Kapashka 3

¹ Inkatama, arwã as chii apima Fariseori Nicodemo, katu ishtari Judio. ² Ĩ arwama Jesús ña tehkí kakaña netihkii: "Rabí, arihbawá pama kachiwishtai pituhi Patatishta, pesh asnani chituwá kih piró ã señal-i pama cheh kautuwã Patatishta Ekayó aa'pé.'' ³ Jesús ma tihkii: "Ama yahras, asnani ã wehka chituma, Ekamá Patatishta a Reinoma chenime.'' ⁴ Nicodemo-ma ti'kii: "¿Inkashki arwá chuwa wartapehi chipiro? Ehkakes arihwai krihpoh tooki akaki a inskiya a chipe? ¿Arihwá? ⁵ Jesús ma ñehi: ''Yahraras, toh as nani apastuma aso yó Akuansayó, tõotipe Patatishta a reinoya. ⁶ Tarõ yucúyó apaskuama, yucú í, Akuansayó apaskuamã, Akuansaripé eña í. ⁷ Pama ahka tishkutipe tas tapikaari: "Pama wehka apaskupe.'' ⁸ Ompishmã manas kuá toh piah ne wãmá, pama wesh kiya toh aranai, pama eyrutuwã piña chitehkuaakana ã piña newã akena. Ehkakes krihró apaskuama chipe akuansayó". ⁹ Nicodemo arkapeí: "¿Inkashki kii i yas i?" ¹⁰ Jesúsma ti'ki: "¿Pariyá a achiwishtai toh Israel ña ama ake narike ã yas ñehwã? ¹¹ Imã yarhi ã tapikawa, ñahbari ey bawã amã ñahbawã toh chambri. A kanskua, pawaí sukuhlertuwã toh ñahbarí. ¹² Tas takakaama y kuh ñehwã ama weshkertuwã, ¿Inkashki ey lerpisa tahkakaama a yas i Celestiales? ¹³ Asnani ta wehlertii piriña excepto i ma piriyaaki tuhi: a Arwã Ayerwa ña. ¹⁴ Amaké toh Moises pirikatak ishpakike a kuk harsñá, ama akenaro eña toh Arwã Ayeâ ta ishtaki. ¹⁵ Toh krihró eylerma ã Ekayó, tohma apesh wé akachipé. ¹⁶ Toh Patatishtamã amá kii ã mundo, Ayerwã apistirii, taró eyruma Ekañama ontipiro, toh ma apesh we akachipé. ¹⁷ Toh Patatishtama Ayerwá tun tii ã mundoña apistiiche warkua ishpii toh mundoña, tẽhki warkuá ishpiró mundoña, Ekamã tehki asawá tuhpiró toh kuhña toh Ekaya. ¹⁸ Taró ariwamá Ekayó warkua a kanetipe, taró arihtuma warkua akane pé, toh ma arihtuwá toh Patatishta Ayerwá api'ri. ¹⁹ Ima yari toh juicioche: "toh Kamaskuai tehki mundoña toh arwãlerima amahkiri ã sukuai ã Kamaskua ma ho, toh katuishki eña tahrii. ²⁰ Taró warkuá ishkuamã akaywã a kamaskuayó toh ma tehtuwã a Kamaskuaña toh katu ishkima kihtipiró expuestas. ²¹ Ehkakes, taro yahró ishkuama ã Kamaskuaña teh kua ã katu, ñehlerpiró Patatishtayó, ã ompishpiwa.'' ²² Akanskua, Jesús ma aba'tayo Judea kuhña neri. Tohyama tuhteshki ekayó ekama kamuhwarurii. ²³ Inkama, Juan ma kamuhi aakuarurii Enón ña, Slim erña, toh yama asó weh chii. toh peshma ekaña tehkeruri toh ma kamuhchehwarurii, ²⁴ toh Juan ma atewatá tuhtaharii toh prisión ña. ²⁵ Akanskua ta ishtaki disputa ãs ã asu'ba'ta tisyó toh Juan yó Judio ás si, erña asuhpiró toh Patatishta sukuhpiró. ²⁶ Ekama Juan ya nelera ñehri: "Rabí, payó aakri toh atestaña aso Jordán ña, taro wishkurisa ã ñahuri, toh ma krihró kamuhiakuarurii nelerwã Ekaya. ²⁷ Juan ma ñehi: "Arwã as mã tis nani sukuhtipe katinatis chani wishtipe a piriña. ²⁸ Ã payowã ñahupiwã toh ñahari: 'Tasma Cristo tahrawá,' tasma ñahari: tasma ta tuhrii Eka awãkiña.' ²⁹ Toh akawama chipé ã arwayó. We' a'waro achihii a arwãro, arari tish kua a arwã añá weshku, ehkakes akanskua ĩ tahrarii a arwã añahrish. Akes î ta ahrarii incheí. ³⁰ Toh mai Ekama tawehpe, tasma aye' tishpa. ³¹ Taro tohwã chiteh kuama, toh ma aaña krihró achihi. Toh kuk chatama, tohma kuk chatai ã kuk ña kapashkua. Toh yaro ã piriña chitehkua, krihró aakí. ³² Ekama ñehwaró ã chewai weshkuari, toh ma wechistankakiwã a yeh wai. ³³ Taro añahró sukuhima ekama ñehwã. Toh Patatishtama yar hi. ³⁴ Akashkuá ãi toh Patatishta tuhii ã Patatishta añaha. Ekama Akuansaró wishtuwã ã katinatisri. ³⁵ Atusma Ayerwãro amá kiwã ama wish chehwã asawa ña toh yas í. ³⁶ Taro Ayerwayó eyruma toh ma apesh wẽ akachipé, taro Ayerwa añaró weshtuma apeshma chendipe, akashkua Patatishta añahma ekayó chipé.''