Joseeliezerr123-pay_jhn_text

Kapashka 2

¹ An menrii toh chii, chii asawã sukuhrii Canaaya Galileayari, Jesús akakima tohya aakrii. ² Jesús ma arwãhtayó neri tihkakiriras toh asawá sukuhlerpiña. ³ Akashkua atohna akatohskii, Jesús akakima ti'kii: "Ekama vino kakachituwa.'' ⁴ Jesúsma ti'kii: "Korta, ¿irish tasña tehkisa Tas? Ta e'ma atewata nebontuwá.'' ⁵ Akakima tihkii toh chileri: "Ama Eka yas tihkakiwama kauwa.'' ⁶ Toh yahma sãa sera tis achihrii vasija, kihlerpiró ã sukrihi (Sukerpiró asawã su krii) toh Judios yó; toh vasijayama aruhrii tawã onki úkuá ónki litros. ⁷ Jesús ma ti'kakii: "Umustuwã ã vasijasĩ asoyo ta pukuatani paakri. ⁸ i'kakes ti'kikii ãkatuishkeri: "Inkatamá tis paskuwã pakuwá toh Maestresala yó.'' I'ka toh kekiri. ⁹ Toh Maestresala ma akamanas kii a asoi toh tishkii vino, tohma arihtii piña chihtekiekana (Toh katuishtama kihrii extraido toh asoi arihrii). Akashkua ekama arwãnii ã novio ĩ ¹⁰ akashkuã tihkii: "Arwã krihroma toh tahtike sukúwãma ã tohna eñai akashkuã wehtokerma, kawishkuá ã tohna a ohwãtahi. Pama en kauri vino eñai inkitani.'' ¹¹ Toh señal tahtike Jesús kii toh Caná toh Galilea, i chi a gloria i, toh su'ba'ta arihrii Ekayó. ¹² Akashkua ihi, toh Jesús, akakima, aarkiri, toh su'ba'tama, cherii Caperma un ña toh ya taw'arkrii ã as wriaka. ¹³ Toh Akatikarii ã Judíos yó erña aakri, Jesús ma tawehi ã Jerusalen ña. ¹⁴ I'ka templo ne chewãma úchaha ishkri a bueyes, ovejasri palomari, ama plato ishtalerii ama toh ña achihrii. ¹⁵ Akanshkua kiituki toh latigo i-wicha kape'hayó ã temploya, achihrii krihró kakaspa chehii kauwehi tukí ã ovejari ã bueyesri. Toh desparramó ã ãohyó a kambistashi a warki ã yas mesaña. ¹⁶ Ehkakes tihkakii toh paloma uhchehlerurii: "Teh kakaspasku ĩ yas achihii. Akastechkuwá Ta Tus akaoi ama uhchahatahhi.'' ¹⁷ Toh asuhnatai ataakri toh kakoskaachihii: "TÔH PIRI PI KAOYA ÎTAH TAKIWA.'' ¹⁸ Akanskua toh pesa ahtai Judías ma ti'kakiri: "¿I señalró unta chauwishkú, ã kiike ayasi?" ¹⁹ Jesús ma ñehi: ''Templomã bokchehuwã, an menriya nã ishpa'pa.'' ²⁰ Akanskua toh pesã ãhtama Judías ma ñehrii: "¿Sukuhií ¿Kui ka sera ishpaki toh kaoi, pama ishpa kupe an menriyá?" ²¹ Ekamã ñehwãrurii ã kao achihi toh apeshña. ²² Ehkakes, toh ishpahkrii ã onleriya, toh pe su'ba'tama ataakri ke Eka ñehwãakrii ñaro, kreeishkri toh Kakorska ñehwá Jesús añahyó ne tihkakiwãakri. ²³ Ehkakes ekamã Jerusalenña aakri toh Akatikaña, a yas ishkeruriña, wehri creehkiri A pi'ma ã señalró cherii Milagrosas ã Eka kii. ²⁴ Ã Jesúsmã achã en kitururii ekayó Ekamã karihwãruri ã krihró. ²⁵ Ekamã ujú nehwãrurii asnani tehki ñehpiró ã api'yó. Ekamã arihwarurii ã arwãña achihwãruriĩ.