¹ "Tasma tah eña  yar rawa  i tatusma katuishtai. ² Ékama pesh chewá a ãsaro awá ache'tuma tasña, i Ékama taskua aãsa awáweh achehpiro. ³ Pamawa ke pi ũskri añah tak kakaari. ⁴ Tasña chauwá, i tasma payawá, to'ke to aãsá awá ache'tu maa ekapé, chilerma akima toh vidña, ake tasyo aakutumahwá, akẽs tasyope a chauwa. ⁵ Tasma vid rawa, Pamawa a ãsariñawĩ. Taro tasyo chiwama tasma ekayo, toh peshma awa we'tukpé, as asri a aparama, i ĩshpartipe. ⁶ Asna chiima tasña, tõ'ma arahnaña aaktuwã aasake hars tishkua'; i ékama, ã ãsa ishpakera tenwaña ache'lera, i'ka tasehlera. ⁷ I pamawa tasñape  chilerma, tañanyope aakapiwa, kapaupiwá yas, ka pañawĩma akẽs ki'pé. ⁸ Ta tusma glorificado i inyo i'ro: pamawá awá wé achaupiwá i pamawá tasuk ba'tarupiwá. ⁹ Toh ta tuske amatakii, taswá amah kakaari chauwa amoryó. ¹⁰ Pawai en kiima ta mandamiento pawai chaupiwa ta amorya, to' en kaarike ta mandamientota tuska, ihka chaawa pi amoryó. ¹¹ Tasma pih kapashkawá i yasró i tarari a a'piró paña i'ka ararí'ma musti wé tishpiro. ¹² Ima ñaí i kakors kama, mandamiento, papewá ama akaupiwa asas, kupiwaró tõ'ke tasña amah kakariké. ¹³ Asnani akachituwã we maá, amor iken, piuyo amigosri. ¹⁴ Pamawa ta'wariawĩ iken yas ka i mahwatasya tunhamaá. ¹⁵ Tasma siervo katushta, ta'pikata'wá tohma katushta toh arihtuwã to' amo ishkua. Tasma karwanawá ta'wá, tah pikaawá toh yas chuma ta tus weshkariró, tasña ariha pikaariwá parowá. ¹⁶ Pamawa paña tarkamanaskutiñawiri tasro, akaró tasma karmanaskarii pawaró, akẽ naupirowá, i awa wé ache'piró, akaró yas kapahimá a tusña tapinyo, Ekaña kawishpé. ¹⁷ I yasma kakatunharii: ama akaupirowa. ¹⁸ To' mundo unta chaen ki'tuma untasró, eirupiwaro parowá. ¹⁹ I pamawa mundoyó chi ima, i ká mundo ama ki'pé paperowa, akarike mundo, rapaturaas. Akarõ pawai mundo chatalerí tas pikamaskari mundo, akarõ mundoma kacha en kaki'tuwã. ²⁰ Ata' akuwãwĩ tañaha tahpikaharí: siervo as a'katoi tõ' ekake. Tasro tarachirima, pawa pirachilerpiwá: to ekama taña a enkilerma, to ekawa, papee'wá enkilerpe. ²¹ Akarõ ekama yasma kilerpe tapin ohrro ekama eylertuwã, tø'karo ekama taya, tatunhi maa ekama. ²² Tasró te'tarima kapash karima to ekaro, ekama ña warki kakachilertuwa akarõ inkatama in kakachituwã to ñawarkirõ kakachuwa. ²³ Tarõ tacha en taki'tuma, ta tuswa chaenkilertuwá. ²⁴ Tasña i yas ka'tarima i kri acha'brima asnaní ki ishtihi, e kama ñawarki kakachii, akashkuá ke tasro tachaiñawĩ, ta tusri akariki pitacha en ta kilertuwa tatuska. ²⁵ Ima tañahama yartishpe i kakorskaro, ley yó rii: "EKAMA TACHA WARKI EN TAKI'LERA I TAKACHI". ²⁶ Akés consoladorma, ke tunhíma payawá tatuska ima chi te'kuá, te'kuá, Ekaña ña'ti'kakipe tasró ñehpé Ikaripikana". ²⁷ Pawaí ña' hupiwá akarõ tas yowá a akuriwãwĩ kekeri atahtukia.