Joseeliezerr123-pay_jhn_text

Kapashka 14

¹ Cho'totí pituruza Patatishtayó. Creeishkuwa Patatishta tasyowá creeishkuwa. ² Tatus akaoyama eña wé' chuwá. To'kenatanleripe tohké. Tas ta'kakaarishkí, naa ka'paro toh chaũpiwaro pa pe'rowâ. ³ Inka tas naamá, ihka kaawa chaupiwaro pape'ró wâ, warkite'pa tas kaũwahpa tasya tas chaaña, aakupiwaro wa pawâ. ⁴ Pawama eiriyawĩ atah tas naaya". ⁵ Tomás ti'kií' ã Jesús: "Señor, untasma eipartũwa pia naiya; ¿inkash arihapiwasa pitahwa?" ⁶ Jesús ekaro ti'kii': "Tasrawâ atahha, inká yari inka chaparí; as chani te'tuwã atusñama tasña te'pé. ⁷ Taroo tarihlerma, tõ' wã ta tusma arihlerpirii. Inkatama arihlera inka chẽlera". ⁸ Felipe ti'kii' a Jesús: "Señor, untachawíshku tatuska ima wee'ripé untasya". ⁹ Jesús ti'kii' ekaro: "Payowa aaki kuih we'ri, ¿Tarihutuwã, Felipe? Asna tachẽwama chẽima'. Chẽwã atusro chẽ ĩ i ¿Inkashku lahupi ñahupisa: Untahchawishku Tatuská?" ¹⁰ ¿Pama creeishku tuwã aakarí tas tatusya inka tatus aakí tasya? To' añaha tas kapashkaĩh, kapashtawã tawiskí tasté, tatusyaí' chii tasya, talersa ishkeri akatũish. ¹¹ Creeishku, tasrawã tatus atuska, ekayo, inka tatus tasyai, ihka creeishkupiwã toh katũishyo. ¹² To' yarma, inka yarma, tas ta'kakaawâ, inka taro creeishkuma tasya, ki'pe katuish tas kaaih, ekawa ki'pé katũ ish a'ka, tasma naawâ tatuské. ¹³ Askrí yas kapa'ñawĩ tapiyo, tas ka'pa, tatus eña ki'piro ayeerwãya. ¹⁴ Takapa'ñawí askri yas tapĩyó, tas ka'pa. ¹⁵ Inka pawa amahtaka'yawĩ, enki'lerpe ta mandamiento. ¹⁶ Inka tas kapashpa tatusyó, inka Eka piwishpiwa akua enki'pirowã to'che chipiro payowã: ¹⁷ Eka Akuasã yarhí. To' tasa kaã a'ka sukuhtu ih, chẽlertũwã, arihlertũwã. Pawama arihñawĩ. Ekama aaki payowã inka aa'pe payowa. ¹⁸ Tasma aspe katunnatapa; Tas wartapeha te'pa payawa. ¹⁹ As akinari kuih, inka toh mundoma tachelertipe, pawama tachaupiwaa. Tasma chaawâ, pawai chaupiwa. ²⁰ To' chẽ'pe arihhupiwa tasrawa tatusya, inka tasma aakarí payawâ. ²¹ To' ata akachuîta mandamiento, to'yaĩh amahtaki' wai amahtakilerí amadoripe tatusya, amahka'pa tasya inka amahka'pa tas manifestakahpa ekaro". ²² Judas (Iskariotetanhi) Ti'kiih a Jesúsro: "Señor, ¿Inkro pa tishkuriras untasya, akrõ mundomahó?" ²³ Jesúsma akawaski ti'kii' ékaro: "Inka asrí amahtaki'wama tañah enkipé, inka tatus amahki'pé, te'kape ekaya inka kaapé ekayo eña. ²⁴ To' ata amahtaki'tuí; enki'tuwã, tañaha; tañaha weshkiñawĩ pawa te'tuwã Tasya, tatus tatunhiña. ²⁵ Tasma ta'pikariwa ĩ yas pawâ, aakaih payowa. ²⁶ Akãshkua, ãpi enki'wâ, Akuãsa Eña, tatus tasa tumpiĩh tapiño, Éka pinchawĩshpiwâ yas krihro pitartaa' piwa tas ta'pikaariwa krihró. ²⁷ Pawa eña pikatu'nei'Paz pikakasteshpawá parowa, Tas paz piwishkawãwĩ; Tasma kawĩshtawã toh wrih mundo kawishkua ké. Tun neutihiwawĩ piturusa, akatiutiwâwĩ. ²⁸ Pawa weshkri ta'pikaariwa: "Tas naawâ, war tapeha te'pawa payawâ". Amahtakañawĩ, ahraritishpe tas naaíh tatusña a'kaî'. ²⁹ Inkitama ta'kakarí atah tuk, tishtipiro, i'ka tishkuachẽ' ma, crecishkerpiro. ³⁰ Kapeshtapa we' payowâ, inkro to' asã a'taleri ĩ mundo te'kua. Ekama atapun akachitũwã tasya. ³¹ Toh mundo arihpiro tas amahkaaíh atuska, kaawâ tatus ishkuake. Ishtakuwâ naparwaña ña chii".