Joseeliezerr123-pay_jhn_text

Kapashka 16

¹ "Ima i'ro yas ta'kaka awá Parowas atataskutipiwaró. ² Ekama sinagogaña kakaspaskerpiwá, akarõ ke aema ke aema ke erña tishkuá ke ahí karmaskerma patatishta kawishki to katun. ³ Ekama in yas ishkerpe akarõ atewata ta tus tasri tarihletuwã. ⁴ Ima ĩ yasro pawai ta'kakaawa, ke aê te'bonachema, Pamawá pi'ta'a'piwa tasña ta'kakaari i'rõ to ekaleró. Ima ñahtariin yasro tah tukrichẽ tasma payo a akariwã. ⁵ Akarõ inkatama ke na awá ataro tatunhikena, akashkuá, pani asnani takapẽ'lertuwã: "¿Pianeisá?" ⁶ Tõ'karo inken tasma ta'kakaarí ĩ yasro, ta'pikakaawãwĩ pawaró, pi turusãró amesh te'bona. ⁷ Akarõ tasma yar ró ta'pikaawá: Eñaripiwa pape'rowa tas na aró tasma naparó, to' en piki'pima te'tipé tas naama. Aksẽ tas nátama,tumpa paakuriñawa. ⁸ Ahí Éka te'kuma, to eña pika'tai akamaspé i kuk chaparó ke arihtui, erña warkuaró, i justiciaró i ki'pichẽ. ⁹ ĩ warkuaro, akaro tasña creeishtuwã; ¹⁰ i justicia arí, tõ'karó asma ta tusñaro na awá Pamawá ke tachã utupiwá, ¹¹ a ki'pichẽi, akaró pe sã'tama i mundo chaparó ti'kakilerpé. ¹² We yas takachuwá ta'kakaparó, ihka pama tõ'karo arihut piwá. ¹³ Akaró Ékama, akuansa yarhí, te'kuma, Ékaña pita wapé krih yarña, Ékama akaró kapashtipe Ékapé. Akaró Ékana ti'kakipe iro weshkuma Éka, ti'kakipe to te'kuaró. ¹⁴ Ekaña glorificatishpé, i'ka akẽsh Ékaña sukuhpé taste'eró neti'kakipe pawaro. ¹⁵ Kri yas ta tus akachui to'ma tasteí. Akẽs, Tas ñahari to akuansama to'pe to taste ero parowá ti'kakipiwá. ¹⁶ Ã kris we' chẽlerpé, ihka kuih tis, pamawa warki tachãupiwá". ¹⁷ Akashkuá, suk baktatis a ekapeka ñehrí: "¿Ima iro ñewasa iĩ: "Ã as kuih tis te'ki pamawa tachãutupiwá. Ãa tis te'ki, pamawá warki tachãupiwpa", i Tasma ta tusña naawá?" ¹⁸ Ekama ekape ñehlerurí: "¿Ima i rõ ñehwá: "Ã as aki tis?" Ima ari partuwã to Éka ñehi akua". ¹⁹ Jesús chẽi to ekarõ arkape'lerpirishkri, Ékaña ti'kakii: ¿Pamawa i'ró arkapeiña wĩ iró Pawai Tas ñahari: "Ã as akina tisma, pamawá ta chã y tupiwá wêmaa akina tis te'ki tachã upiwa?" ²⁰ Yar yar ta'pikaawá, pamawa, wa'nuwa aka'nupiwá, tõ'karo i kuk chaparma arartishpiwá; panawá ameshki wê pikachipiwá, iro to akatiwá ishkuama arariakupiwa. ²¹ Ima ahí to kortama aryewamá, ekama ke amesh tishkuá ke aê ke erña te'kuá, ke yeas aryeuma, ekama to opanna kiima ke ata a'tuwã, i'ka akẽsh ke arari tishkuá arwã as chiiraska i kuk chaparña. ²² Akẽshma ke pamawá inkatama ke ameshkiñawĩ, akarõ Tasma warki pichamawá, pi turusama arari tishpé, pi ararima asnani te'tipe pirkupiró. ²³ Tõ'chema panawa in takapautupiwá, yar yar, ta' pikapawá, pama irõ yar kapẽ ima ta tusrõ tapinya Éka pipenpiwá. ²⁴ Inkata chani pamawá in kapaũtitiñawĩ Tapinyo. Akapaũwá, pipenpiwa, to ararima yar tishpiró. ²⁵ Tasña pi ka pashkawá inyas tañahá ka ayó, akaro ke Tae ma ke te' bona ishkua ke ta uwayoma ke kakapashtapa, tõ'karó atamakema yar ta'kaka'pa a tusró. ²⁶ Tõ'chema a ekaró akapaupiwá Ta pinyo i Tasma ta'pikatawã arñeu kapaũwãwĩ ta tusró parowá. ²⁷ Akẽs tusma ekaña amah kakiwa tokaro pamawá amah kiñawĩ ankro creeishkri Tasma ta tusñaro te'kari. ²⁸ Tasma ta tusñaro te'kari, tõ'karõ i chaparña te'kari warkia, Tasma i chaparma tuknaishkawá i ta tusña naawá". ²⁹ Pesh suk ba'tama ñehrí: "Chãiña, inkatama tasma kakapashkawá yarma; kapashkaishkiyá ñah eña. ³⁰ Inkatama tõ'karó paí i yasma aricheiya, inpikachituwãwĩ asnani pikapẽ'tipé. Akarõ, cree ishbri patatishtaña chi te'kia. ³¹ Jesús karkawarki: "¿Inkama cree ishkuwa?" ³² Chaũ, taema ke erya tishkuá, oô, ha' ñahuti, ke te'bona, pama inkatama tis tis tishkupiwá, pa aspewa pesh kaoña, tas aspe tatu'naupiwá. I'ka akẽshma tasma aspema a a'tawã, tõ'karó ta Tusña asken aakawá. ³³ Ta'pikaawá i yasró parowa Tasñaro eña paz chaupiwá. Y chaparña pamawa anu'ka pikachi tuwãwĩ, akarõ tasma atapun wê takachuwá: Tasña i'chekaawa kuk chaparña.