¹ Cosoiso' nani noya mashoyatërin. Napoaton, Siniorori itapon : "Quëmaso noya mashoyanquën. Napoaponahuë' na'con chachin no'pa macama'so ya'huarin. ² Isopita no'paro'sa ya'huarin Huiristiaro'sataquë no'pa ya'huëarin Quisororo'sataquënta ya'huërarin. ³ (Canano'sa no'panënaso nipirinhuën. Sioro quëran caniaritërin. Inaso' no'pa Iquipito, quëran pi'i pipirin pati quëparitërin. Norti parti quëranso', Icorono'sa no'pa mapiquë nanirin. Inapita no'pa Cananosanquën ninin. A'natërapo Huiristia, hua'anosanta no'pa hua'anëtopiso': Casa Asototo, Asacaron, Quiti, nisahuaton Icron, inapita no'paro'sa pa'huanarin macacaso'. Apiorosantan nopanëna' ya'huarin.) ⁴ Cananosa'so no'panënaso, Sor parti quëran ya'ipi ya'huarin. Nisahuaton Miaranta'. Inaso' no'pa sitono'sari hua'anëntërin. Ahuicoquë huarë', Nisahuaton , Amororo'sa, no'pa mapiquë huarë ya'huarin. ⁵ Quiparo'sa' no'panta' ya'huarin. Nipano tananosanta', pi'i pipirin parti, quëran, Paaro, Catoquë huarë inaso' Ninano' Irmon motopi nicotanaquë ya'huërin. Inaquëran Nipo, Amatiquë huarë no'pa ya'huarin. ⁶ Yaipi piyapiro'sa Nipano, motopiquë ya'huëpisopita Israiro' sontaro'sa nitonënaquë a'paarahuë. Misërëco Mainquë, Sitonquë inaquëpita ya'huëpiso'pitanta' inapotarahuë. Quëmaso' nipirinhuën israiro'sa no'pa ahua'anëntamaso' cancantëquë . ⁷ Iso no'pa inimicorosa' osorotëra maso' iscon huënton Israiro'sa pa'toma quëtoco, manasënta huëntonta pa'toma quëtoco. ⁸ Manasisi patoma huëntonso', Cortaniiquëran pi'ipirinso' parti no'pa manin. Nopino huënton, Cato huënton inapitarë Moisësëri no'pa ahua'anëntrin. Cortani aquëtëra mapi. ⁹ Aroiso, Arnoi motopianaquë ya'huërn ina taconorinquë ya'huërin. Ina quëran huarë Mitipa pi'parotëquë incanin ina quëran aquë nipirinhuën Tiponta incanin.. ¹⁰ Seón,Ninanosa quëran huarë, Amorëo Copirno Isponquë, hua'anëntërinsó, Amonita yacari quëran huarë incanin. ¹¹ Macatëo piyapiro'sa, Isorita, no'pa, Carata, inapita. Sarcaro'sa, Pasán motopi inaparin quëran huarë incanin. ¹² Pasán Copirno, Og, inapitarë hua'anëntopi Astoro, Itërëi. (Rëfaita quë inahuasó quëparitërin) nipirinhuën Moisësëso israiro sá sontarosa pochin nicaton minsërin. ¹³ Macatëorosasó, Isoritarosa inapitasó nipirinhuën, Cotiorosari minsërahuatona a'papi panin. Quisoro, Maca, Ninanosó cotiorosarë no'ya ninicatona iprahuanta ya'huërapi. ¹⁴ Nihui huën'tonso co' Moisësë quëtërinhuën. Inaso masha quëpatona coitiorosa Sënioro chiotacaiso marë. Ira'ca shimashonënpoá Moisës masha a huiquitaton Yosë chinotërin. ¹⁵ Nopi, huën'ton shimashonënpoá Mosësëri no'pa hua anëntacso quëtërin ya'ipi huëntoá hua'huarosa nënpita ananitërin. Inahuaso no'panëna. Aroiquëran caniaritërin, ¹⁶ Inaso ninano Arnoi nicotoana taconorinquë ya'huërin. a'na ninanonta ina nicotoana huancanachi ya'huërarin ina Mitipa pi'parótëntá ina quëran huarë huaánëntapi. ¹⁷ Ispon, Ninano quëran Nopita manin, ya'ipi Ninano'sa panën pi'parotënta. Tipon, Pamoto, Paara, Pëti, Mion inapita. ¹⁸ Caasaquë, Catimaquë, Mihuatiquë. ¹⁹ Quiriataiquë, Sipimaquë, Saritaquë, Saaraquë, inapita, motopi inapaontarinquë huarë nanirin. ²⁰ Nopinta manin,Piti, Oron, tanano'sa, Pisica, panëno'sa, Piti, Isimoto. ²¹ Ya'ipi Masita ninano'saquën ya'huëpisopita Sëonquënta huaanën'tarinso, Amorio huaano'sa Sëon, huaanën'tërinso. Moisës catahuarinsopitarë, minsëtopi Matian, Ipi, Rëquima, Sori Hori, Ripa, inapita. Sion no'panënquë hua'anëntopi. ²² Naporahuaton israiro'sasó Paramo tëpapi, inaso Pioro hui'nin ninotonapi a'na pitarëchachin tëpapi. ²³ Cortania; I'sha yonsanantërin quëran Nopi huëntonso no'panën nanirin. Inaso shimashonënpohua Nopi huënton ya'ipi ninanohuaro'sa, pi'piyan pi'piyan no'pa quëtërápiarin. ²⁴ Cati huëntonso' Moisësëri no'pa pi'piyan pi'pyan quëtërin. ²⁵ Asëri no'panënsó ya'ipi ninano'sa quëran huarë. Caraatiquë, no'pa napoichin Amonitaquë. Amonita quëran caniaritërin Aroiquë, inaso Rapa. ²⁶ Ispon quëran caniaritantarinsó: Namato, Mispa, Pitonin, inapita no'pa ro'saquë huarë incanin. Maanain quëranonta Tipiri no'panënquë huarë. ²⁷ Motopi nicotohuanaran Moiseri quëtërin :Piti, Arami, Piti, Nimira ,Socoto, Saon, inapita. Anapitaso quëparitopi Sëon hua'anëntërinquë, Hispon huaanëntërinquënta. Cortani, naniconin quëran huarë Marë, Cinirita pamarinpa. Ina'so cortani a'quëtë. ²⁸ Inapita mini shimashonënpohua Cati huënton israiro'sa no'pa niquëtopi hua'anënta caiso marë. Ninanohuaro'sapitarë chachin ananitërin. ²⁹ Inaquëran Moisësë, israirosa no'pa quëtantari, paton huënton pochin Manasënta. Napoichin piyapiro'sa paton huënton Manasëquë ya'huëpisopita, a hua'anëntopi, pi'pian pi'pian Moisësëri anitërin. ³⁰ Inaso no'pa caniaritërin Manainquë, ya'ipi Pasanquë, Oqui hua'anëntërinquë, Pasan hua'anquë, inapita. Inaso satá shonca Ninanosa Airinquë nisarin. ³¹ Caarata pa'tomachin, nisahuaton Asatarota, Ëtërëi Ninanosa'so (Pasán,Oqui, Ninanorosa' hua'anëntërinso), Maquiri, quëran pi'pipisopita patomachin, ina'so Manasë hui'nin. Maquiri piyapinënpitso ya'ipi huënton huarosa'rë no'pa ananirin. ³² Moapa, panën pi'parotënta Moisësëri israiro'sa ahua'anëntërin. Ina'so Cortania aquëtë, Quiricó notënanquë. ³³ Nihui huëntonso' isrsairo'sa co Moisësëri no'pa quëtërinhuën hua'anëntacaiso. "Sënioro israiro'sa yosën marë" inahua nani shahuitërin chachin, ninin.