¹ Isoso' Canan no'pa Israiro'sa itopisoari quëtërinso, Non hui'nin Osoi itopiso quëmopinënpitarë chachin, ya'huëcaiso marë pa'pi, tatamasho'ina Isërairo'sa no'panënquë papi ya'huëcaiso marë. ² Siniorori Moisësë sha'huitërinso chachin nipi, no'panëna patahuatona Canan parti pa'pi ya'huëcaiso marë, Siniorori Sha'huitërinso chachin, nisha, nisha parti papi ya'huëcaiso marë. Iscon huëntono'sa, hua'anëntapi ya'huëcaiso marë ina nopaquë. ³ Moisësëri quëtërin cato huënton miria pochin, quëtërin ya'huëcaiso marë. Cortani'i aquëtëran paatona ya'huëcaiso marë, quëtërin nipirinhuën, nipitariro'saso co no'pa quëtopihuë ⁴ Cosi Shinpita inapitaso cato huënton ya'huëpi a'naso Manasisi huënton, ananta Ifrai huënton. Itopiso, co no'pa quëtopihuë, ya'huëcaiso marë, Naporo nipitariroraso ninanonëanchin pipi'sha nopa quëtopi ya'huëcaiso marë quëtopi, pë'tahuatacaiso marëa'chin quëtopi, inai'chin quëtopiso. ⁵ Israiro'sa ninanoso nipirinhuën Siniorori i'raca Moisësë Sha'huitërinso chachin no'pa yahuëtopi ⁶ Ina piquëran coota huëntonosa huë'pi Cosoi nontapona, Icaai no'paquë huë'pi, Carë, Ioni hui'nin inaso, quëmopinënpitarë chachin huë'pi, Cati Parni itopiso huëpi Cosoi nontacaiso marë: "Quëma nitotëran, naporo Sinioro chachin Moisësë nontaton itapon, ina nopaso quëtaranquën quëmaquën, Carinquën chachin a'notaranquën itërin nontaton ⁷ Naporo caso catapini shonca pi'ipitasoco Moisëso Sinioro marë Sacatërin, ni'nahuë ina a'parinco Cati Parni no'pa nica'huaso marë pa'nahuë. Ina ni'nahuëso cari cancanëhuëquëran quëmarahuë nitotacaiso marë. ⁸ Napoaponahuë iyaopitaso, piyapi'sa tëhuatatona, të'huainpita pa'pi itërin caso nipirinhuë Sinioro catahuarinco ni'ton noya Pa'nahuë. Sinioro imarahuë ni'ton co tëhuarahuë tënin. ⁹ Naporo Moisës nontatonco itaponco: "quëmaso ina no'paquë pa'nan nicapon ni'quëhuarë quëmaquën no'pa nisarin itërinco, Sinioro quëmaso no'tëquën natëran ni'ton inaquë ya'huaran iterinco." ¹⁰ ¡Ni'quë ipora Sinioro catahuarinpoaso quenanëhua! caso catahuarinco, catapi shonca a'natëra'po pi'i ya'huëtërin tënin, Naporo tahuëri'saquë Isërairo'sa inotëro parti pa'sapi. Iporaso nipirinhuë huachi po'sa shonca a'natërapo pi'i ya'huëtërinco tënin. ¹¹ Naporo tahuëri'sa chini'quën nisarahuë chini'quën nicasoco Moisësë a'parinco naporo co sanpatërahuë, pa'sahuato o'mantarahuë tënin. ¹² Iporaso huachi tanan no'pa quëtoco itërin SInioro nohuanto, quëma nitotëran chini'quën piyapi'sa anasio ninanoquë ya'huëpi, itërin nontaton, Sinioro catahuarinco tënin. ¹³ Inapiquëran Cosoiso Yosë nontërin Iporon no'pa ya'huëtacaiso marë, Iconio hui'nin quëtërin Cari ya'huëcaso marë. ¹⁴ Naporo chachin iporon no'paso, Iconio hui'nin Carirí itopisoari hua'nëntërin Inaso piyapi Sinioro imamiatërin, Israiro'sa chinotopiso chachin chitërianta. ¹⁵ I'raca iporonso quiria arpa itopi inaquë a'nara panca piyapi ya'huërin ana itopi, ina piquëranso co huachi ni ahuëpihuë noya ya'huëpi huachi.