¹ Israirosaso, coortanii quëran, pii pipirinso parti noparosa yahuërinso huaanëtopi, arnon ii nicotoanaquëran, irmon motopiquëhuarë, icanin naporahuaton yaipi, arapa nopa, pii pipirinso parti yahuëriso, yaipi ina noparosa israirosari minsërahuatona matopi, inahua copirnonënasó, isopita. ² Amorirosa copirnoso Sion, itopi inaso ispon quë hua'anëntërin. Aroiroso, arnon ii, nicotoana yonsanquë yahuërin, ina nicotoana huancánachin, carata nopa maninso, ina huancachin pëntonin Capoco ii pahuarë icanin, ina ii pahuarë amoriorosanta nopa huanentopiso nanirin. ³ Naporahuaton arapa nopa, siniriti marë quëhuarë, huanëntërin pii pipirinso partiquëranta cacai marë pahuarë, huaanenterin pii pipirinso partiran sor partiranhuëta piti Isimoto quehuarë, ina queranhuënta pisica motopinicotoana rosaquëhuarë huaanëntërin. ⁴ Ocoso pasanquë hua'anëntërin, inaso nihuaino piyapi niton, panca piyapi Asotaroto iterii, quë inaso yahuërin. ⁵ Inari irmon motopi huaanëntërin, Soroca, yaipi pasan nopa inapita hua anëntërin Quisoriorosa, macatiorosa, inapita nopa hua anëntopiquë huarë hua anëntërin. Carata nopa patoma maninquëhuarë, Sion copirno nopa maninquëhuarë yaipi huaanëntopirinahuë. ⁶ Moisësë Israirosarë chachin, inapita misërin naporahuaton, Moisësëso Sinioro piyapinën nichinaonchachin inapita nopanëna Ropino huënton, Israirosa quëtërin, Cata huënton nisahuaton, Manasisë patoma huënton inapita, a hua anëntërin. ⁷ Coortanii queran pii yaconinso parti copirno ro'sa yahuëpiso, Cosoi Israirosarëchachin yaipi Canapí, Paaro Catasó yipano nicotoanaquë yahuërin arac motopiso siiro yacaria inaso, ina noparosa Israirosari huaanëntacaisomarë Cosoiri quëtërin. ⁸ Naporahuaton, Iposiorosa, Iviorosa, huirisiorosa, Cananiorosa, Amoriorosa, Ititarosa, inahuarosa nopanënosó niquipo, Inotëro parti motopi tahuannosa, Arapa huëntonosa yaipi motopi Canonamëtërosanta inari quëtërin. ⁹ Pitëri notënanquënta. Aicopirno, Quirico copirno inapita yahuapi, ¹⁰ Quirosarin copirno, Iporon copirno, ¹¹ Carmoto copirno, Raquisë copirno ¹² Icoron copirno, Quisiro copirso, ¹³ Tipiro copirno, Sitiro copirno, ¹⁴ Oromato copirno, Arato copirno, ¹⁵ Ripano copirno, Atoramo copirno, ¹⁶ Masito copirno, Pitiri copirno, ¹⁷ Tapoamo copirno, Ihuiro copirno, ¹⁸ Afilo copirno, Sarón copirno, ¹⁹ Maton copirno, Asoro copirno, ²⁰ Sinron Miron copirno, Asahua copirno, ²¹ Tanaco copirno, Miquito copirno, ²² Sitiso copirno, Oniamo Camiro copirno, ²³ Toro copirno, Motopirosa huaanëntërinso'chachin, Coimo Quirocaro copirno, ²⁴ Tiroso copirno, yaipiquëran cara shonca anara copirnorosa nininëna nopa huaanëntopiso pita.