' ¹ Cabin Coperno Asoroquë ya'huerinsoso', nanan natantërin. Na'tantahuaton Coperno Copapo itopiso' Matonquë ya'huërinso', nanan a'patërin. Copirno Simironquë ya'huërinso', ni'sahuaton Acasafaquë ya'huërinsonta nanan a'paterin, ² Norte tanano'saquë Cortani yonsanquë Sur parti Cineret itopiquë, Dor itopiso' no'paquë oeste parti ya'huëpisopita, inapitanta nanan a'patërin. ³ ina quëran cananeorosanta este parti oeste parti amorreoro'sa Hititaro'sa, Fereseoro'sa, Jebuseoro'sa a'na ninano' tanano'saquë Heveoro'sa inatananquësa'chin ya'huëpisopita Mizpa ninano' itopiso' no'paquë ya'ipi inapita nanan apatërin: ⁴ ya'ipi sontaronënpitarë chachin pa'nin, no'tohuaro marë' yonsaquë inotë' ya'huërinso pochin pa'pi sontaro'sa. Cahuarioro'sa nisahuaton Caroro'santa no'tohuaro' ya'huëtopi. ⁵ Ya'ipi copirnoro'sa niquënanpi hora niquëtopisochachin, inaquëran pa'pi Merom yonsanquë quira nicacaimarë Isërairo'sarë: ⁶ Cosoiso' Yosëri itërin, Ama' tëhuaton pa'yanquësohuë inaquë nisaranquë. Tashiraya ipora horaton quëtaranquën ya'ipi Isërai' quëmapi'sa chimipi pochin., Cahuarionëna' pitanta nishitë tonatërahuëso' pochin nitarahuë Caronënanta ahuiquitarahuë: ⁷ Cosoi ya'ipi ahuëtono'sarë huënin, a'naroachin canquipi Merom ishaquë na'poro' inimicoro'sa ahuëpi. ⁸ Inimicoro'sa Yosëri isërairo'sa imirinquë quëtërin Sahuëniquë ahuëtona Siton, Misrefot, Maim, ina quëran Mizpa itopiso' no'paquë este parti itopiso'pa quëhuarë imatona' ahuëpi, co' nanpipi'pahuarëhuë' nitopi. ⁹ Yosëri na'potërinso cha'chin cosoiri nitërin Cahuarioro'santa nishitërantëtëso' pochin ninin nisahuaton Caroro'santa Ahuiquitatë pochin nitërin ¹⁰ Na'poro' tahuërisa' Cosoiso ayanquintarin, ayanquintarinquë Hazoro quënanaton manin , Hasoro Copirnoso' Cosoiri Sahuëniquë ahuëaton të'parin. (Ya'ipi ana'pita hua'anëtërinso pitaquëran Hasoroso chini chiniquën nanantërin:) ¹¹ Na'poro' piyapi'sa inaquë yahuëpisopita sahuëniquë ahuëatona' tëpara'piapi, Na'puinchin ni'sha acopi ata'huantacaiso' marë', na'puaton co' a'napiyapi tëranta ya'huërinhuën. Na'puaton Hasoroso ahuiquitopi: ¹² Ya'ipi ninanoquë ya'huëpisopita Cosoiri manin, Nisahuaton ya'ipi copirnoro'santa manin, Masahuaton sahuëniquë ahuëton të'para'piarin. Ya'ipi chachin atahuantërin sahuëniquë ahuëaton: Moisësë Yosëri a'parinpochin. ¹³ Co a'na ninano'sa tëranta Isëriaro'saso ahuiquitërinhuën, ninanoa'huaro'sa motopia'huaquë ya'huërinsopita, Hasoro' ninanoi'chin Cosoiri ahuiquitërin. ¹⁴ Isërai sontaro'saso' ya'ipi ma'sha ma'pi ina ninanoquë ti'quitatona', Ohuacaro'santa ma'pi, Nisahuaton ya'ipi atahuantopi sahuëniquë ahuëatona' co ana' piyapi tëranta nicha'ëpihuë. ¹⁵ Mosësë yosëri a'parinpochin, Moisësënta Cosoi aparin. inapoaton co manta ma'sha to'pinan patërinhuën. Yosëri ya'ipi ma'sha sha'huitërinso Moisësë nicacaso' marë: ¹⁶ Ya'ipi no'pa Cosoiri hua'anëntërin, motopiahuaro'saquë ninanoa'huaro'sa ya'huërinsopita, ya'ipi Néguev ninanoquë Gosén no'paquë cortani no'paquë Isërai motopi ninanoro'saquë: ¹⁷ Halac tananquëran Edon norte parti Baal Gad ni'cotoanaro'sa Líbano ya'cari Hermón pë'natë tananno'saquë, Ya'ipi copirnoro'sa manin , ma'sahuaton të'para'piarin ¹⁸ Hua'qui tahuëri Cosoi niahuëpi ya'ipi copirnoro'sa pitarë , ¹⁹ Co a'na ninanotëranta isërairo'sa anoyatacaisa nohuantopihuë, Capaonquë hipioro'sarachin inapopi. Isërairo'saso ya'ipi a'napita ninanoro'sa manin niahuëtona. ²⁰ Sëñoro nohuanton co na'tantochina'chinhuën' cancantotona' nanan anoyatopihuë isërairo'sarë, Sëñoro nohuanton ya'ipi atahuantaimarë' co no'sororinhuën, Moisësë napotërinpochin. ²¹ Na'poro' tahuëri'sa cosoi huëcaton cananeoro'sa atahuantërin. Hiprón, Tipir, Anab huënto motopiro'saquë Sëñoro na'porin, nisahuaton Cota huëntonquë, Isërai huëntoquënta' inapochin ninin. Cosoiri ya'ipi ninanonënpita atahuantomiatërin. ²² co a'nayatëranta cananeoro'sa quëparitopihuë, Casa,Cat, Astot inapitaichin quëparitopi: ²³ Inahuaton Cosio manin ya'ipi ro'paquë, Sëñorori Moisësë napotërinpochin, Cosoiri ina nopa quërin Isërairo'sari hua'anëntacaso'marë', Na'poaton co'huachi aquëtë' niahuëpihuë: