¹ God Yawe i toktok long Moses long ples veli bilong Moab klostu long Joden long Jerico na tok, ² ''Givim tok oda long ol man meri bilong Isrel long givim sampela hap skel bilong graun igo long ol Livai. Ol i mas givim ol biktaun igo long we ol i ken stap na gutpela hap graun na gras i raunim ol dispela biktaun. ³ Ol Livai bai igat ol dispela biktaun long stap insait long en. Gutpela gras em bilong ol bulma kau,sipsip, na ol animol bilong ol. ⁴ Dispela grau i gat gutpela gras raunim biktaun we yu bai givim igo long ol Livai i mas surukim long biktaun wal igo inap long 1000 cubic long olgeta hap yupela makim. ⁵ Yu mas makim 2000 cubic long autsait long biktaun long is, na 2000 cubic igo long sout, 2000 cubic igo long wes, na 2000 cubic igo long not sait. Na dispela bai i kamap gutpela ples gras bilong bulma kau na ol biktaun bai i stap long namel. ⁶ 6 pela bilong ol biktaun we bai yu givim i go long ol Livai imas kamap olsem biktaun bilong lukautim ol man i kisim bagarap. Yu mas makim dispela i kamap olsem ples we taim wanpela man i kilim narapela man i ken ronawe i kam hait. Natu mekim wankain long arapela 42 pela biktaun. ⁷ Namba bilong ol biktaun we yu i givim igo long ol Livai bai i kamap olsem 48. Yu mas givim graun igat gutpela gras wantaim long ol. ⁸ Ol bikpela femili lain bilong ol lain Isrel, ol dispela femili lain we ol igat planti graun, mas givim planti ol biktaun. Na ol liklik femili lain bai i givim liklik hap biktaun. Olgeta femili lain i mas givim igo long ol Livai long skel mak we em i kisim long en.'' ⁹ Long dispela God Yawe i toktok long Moses na i tok, ¹⁰ '' Toktok long ol man meri bilong Isrel na tokim ol olsem, 'Taim yupela igo hapsait long Jodan insait long graun Kenan, ¹¹ long dispela taim yupela mas makim ol biktaun we bai kamap olsem ol biktaun bilong ples hait bilong yupela, wanpela ples long we wanpela man usait i kilim narapela man em ino ting long en bai ronawe igo hait long en. ¹² Ol dispela biktaun mas kamap ples hait bilong yu long ol lain usait paim yu long kilim yu,Olsem na ol bai no inap kilim man i mekim rong bihain long taim em i sanap long kot long ai bilong ol man meri. ¹³ Yupela i mas makim 6 pela biktaun we ol bai kamap olsem ol biktaun bilong ples hait. ¹⁴ Yupela mas givim 3 pela biktaun long we long Jodan na 3 pela insait long graun bilong Kenen. Ol bai kamap ol biktaun bilong ples hait. ¹⁵ Long ol man meri bilong Isrel, long ol man meri bilong narapela hap, long olgeta lain usait i stap namel long yupela, dispela 6 pela biktaun bai kamap olsem ples hait long olgeta man meri we usait i kilim narapela man we em i no ting long kilim long en i ken ronowe i kam hait. ¹⁶ Tasol sapos wanpela man we i mekim rong long en i kilim birua bilong em wantaim hap iaen, na sapos birua bilong em i dai,orait dispela man tru tumas em man bilong kilim man. Em ol i mas kilim em i dai. ¹⁷ Sapos wanpela man we i mekim rong i kilim birua bilong em wantaim ston long han bilong em we em inap long kilm birua bilong em, na sapos birua bilong em i dai, olrait dispela man we i mekim rong tru tumas em i man bilong kilim man. Em ol i mas kilim em i dai. ¹⁸ Sapos wanpela man igat asua i paitim birua bilong em wantaim diwai we i ken kilim em, na sapos dispela man i dai, olrait dispela man em i man bilong kilim man tru tumas dispela man we i kilim man i mas i dai. ¹⁹ Ol lain bilong bekim bek long blut we i pundaun i ken kilim dispela man we i save kilim man.Taim ol lain bilong bekim bek long blut we pundaun i bungim em, ol i mas kilim em. ²⁰ Sapos em igat bel hevi na hait i stap na paitim o tormai sampela samting long em, we em i kilim em, na sapos dispela man i dai, ²¹ o sapos long belhat tasol na em i paitim dispela man wantaim han bilong em na em i dai, olrait dispela man we i mekim rong mas i dai. Long wonem em i man bilong kilim man.Ol lain bilong blut we i pundaun i ken kilim dispela man bilong kilim man taim ol i bungim em. ²² Tasol sapos dispela man we i gat asua i paitim narapel man we em i no tingting hait long paitim em long en o i silip hait i stap na tormai sampela samting long paitim em ²³ o sapos man we i mekim hevi i no lukim tormai ston we i ken kilim narapela man, em ino traim long bagarapim em. Tasol mekim olsem long em sapos narapela man i dai na igo. ²⁴ Long dispela as,olgeta man meri i mas skelim olsem namel long man we i makim wrong na ol lain bilong bekim bek long blut we i pundaun wantaim ol dispela lo. ²⁵ Olgeta man meri i mas helpim na rausim man we i kamapim hevi long han bilong ol lain bilong bekim bek long blut we i pundaun. Olgeta lain man meri i mas salim dispela man we i mekim hevi igo bek long biktaun bilong peles hait.Olrait dispela man i mas i stap long dispela hap inap long hetpris, we ol ibin kapsaitim wel long het bilong em i dai. ²⁶ Tasol sapos dispela man we i kamapim hevi igo aburusim graun mak bilong biktaun bilong peles hait we em i ronowe igo stap long en, ²⁷ na sapos ol lain bilong bekim bek long blut we i pundaun i painim man we i mekim rong autsait long graun mak long biktaun bilong peles hait, na i kilim dispela man we i mekim wrong, ol lain bilong bekim bek blut we i pundaun bai ino inap kisim nem nogut olsem ol man bilong kilim man i dai. ²⁸ Long wonem dispela man we i mekim rong inap i stap insait tasol long biktaun bilong peles hait tasol inap long dai bilong hetpris. Bihain long dai bilong hetpris, man we i mekim rong i ken igo bek long peles bilong en we ol kago bilong em i stap long en. ²⁹ Dispela lo i mas kamap mamalo bilong yupela long nau na tu long ol man meri long bihain taim long olgeta peles we yupela i stap long en. ³⁰ Usait man i kilim narapela man i dai,yupela i mas kilim dispela man we i kilim man i dai,long toktok bilong witnes bilong tasol toktok bilong wanpela witnes tasol i nogat havi long yupela i ken kilim dispela man i kamapim hevi. ³¹ Na tu, yupela mas i noken kisim mani long laif bilong man we isave kilim ma long wonem em i kilim man.Tru tumas dispela man mas i dai. ³² Yupela noken kisim mani long man i mekim hevi na rona we igo stap long biktaun bilong ples hait, long dispela rot noken larim em igo bek na stap long peles bilong em we kago bilong em i stap long en inap long taim hetpris i dai. ³³ Noken bagarapim graun we yupela i save i stap long en long dispela kain rot,long wonem blut bilong man i kilim man i dai i bagarap im graun pinis. Nogat narapela pei bilong baim bek blut bilong man we i dai, tasol blut bilong usait man we i kilim em i dai tasol. ³⁴ Olsem na yupela i noken mekim doti dispela graun we yupela i stap long en long wonem Mi save stap long en. Mi, God Yawe i stap namel long ol man meri bilong mi ol Isrel.''