¹ Umuputi umupiti ahayanga, ''Vuzye ivintu ivi vyanalyoli?'' ² U Sitefani ahayanga, ''Vamwitu na vababa, tejelezyi kukwane: Umulungu umushindamu ahavoneha kwa baba witu u Abulahamupe amali ku Mesopotamiya, lwe ashili ukwihala mu Harani; ³ ahayanga kuwuyo, 'Yileshe insi yaho navajenzi vaho, nukuvala kunsi ye ndikulanga iwe.' ⁴ ''Pe ahayileha insi ya Chalidiyaninu kwihala mu Harani, ukufuma kula, lwe uyise afwa, u MUlungu ahamuleta munsi ino, kwe mukwihala ishi. ⁵ Atahamupa nanti wumo uwakuti amupyane wuyo, awe, nanti twakuyana ishina papo ha. Loli ahalajizya-nape u Abulahamu ashili ukuva numwana nanti wumo-ukuti angamupa insi ukuva shuma na kuvanyenya vakwe lwe ayepa uwene. ⁶ U MUlungu ahayanga kuwuyo ngati uvu, ukuti avanyenya vakwe vihale munzi izinji pahavalilo hamo, navakupyana vavatwaye namuvuzya nukuvayimva havivi kumaha. ⁷ 'Loli ndi longa insi zye vazivombelaga; ukuyananau Mulungu, 'Ukufuma apo valifuma mumo nukuputa ine pavuyo uvu.' ⁸ Pe u Mulungu ahamupa u Abulahamu ulwitinkano ulwa vuvolwa, Ipo u Abulahamu lwe ayima wu baba wa yisikaka pe ahamupa uvuvolwa avana ava masiku 8; Isikaka ahava wu yise wa Yakovo, nu Yakovo ahava wu yise wa vala avasekulu vitu 12. ⁹ ''Shifukwa sha vuzuva vwa vasekulu kwa Yosefe, vahamukazya wenewo ku Ijiputi; loli pope u Mulungu amali nawope ¹⁰ nukumupoha kuvuhamantaliwa vwonti. Ahamupa u Yosefe uvwinza ninjele pantanzi pa Falawo, Umwene wamu Ijiputi, we ahamuseva ukuva mupiti mu Ijiputi poka na vonti ava munyumba yakwe. ¹¹ ''Pe ishi kuhinza inzala yihagwa monti mu Ijiputo namu Kenani, nuvuhamantiwa uvupiti, penane tata vatahashaga ishakulya. ¹² Pe lwe u Yakovo ayivwa ukuti kuli amangagu ku Ijiputo, ahavatuma ahakwanda avatata vitu. ¹³ Pa vulendo vwavo uvwavili u Yosefe ahayima nyasya wuyo weka kuvamwavo, pe nava munyumba ya Yosefe vope vahamanyikwa kwa falawo. ¹⁴ Uyosefe ahavatuma avakulu vakwe ukuti vavale vamuvuzye uyise ayinze ku Igiputo, poka nava jenzi vakwe vonti, vonti poka vakwanile 75: ¹⁵ Pe u Yakovo ahavala ku Ijiputo, ahafwa, wuyo poka nava tata vitu. ¹⁶ Pe vahavanyamulila ku shekemju nukuvagonewa mumbipa zye u Abulahamuakazile pa mutengo wa siluva ukufuma kuvana va Hamori uwa mushekemu. ¹⁷ ''Lwe ahavalilo hamulaji hapalamila, umulaji we u Mulungu ahagomba kwa Abulahamu, avantu vahakula nukuvula mu Ijiputi, ¹⁸ mpaka pe vahamwimiha Umwene uwunji mu Igiputi, umwene we atamumanyile izya Yosefe. ¹⁹ Ahavahopeha avantu vitu nukupatishizya ava tata vitu ukuvavumbula ava bonda ve vapapwa ukuti vatavanje valanji. ²⁰ ''Pahavalilo aho he u Mose apafilwe; amali mwinza sana pantanzi pa Mulungu ahalelwa amezi gatatu munyumba yayise. ²¹ Lwe vamufumya kunzi, Umwana umulindu uwa Falawo ahamuseva wenewo ukuva mwana wakwe umulumendo. ²² U Mose ahamanyila injele zyonti izya va Ijiputi, ahima wamaha mumazwi gakwe na mumbombo. ²³ ''Lwe amaha gapalamila ukusila kukwakwwe 40, zihinza mumoyo wakwe ukusyungula avamwavo, avanyenyavamu Yisilayeli. ²⁴ Pe ahenya umu Isilayeli vakumuyimva , uMose ahamupoha nukutanizya kuwe ahamuvonelaga pa kumunyonga umu Ijipiti. ²⁵ Ahasivililaga ukuti avamwavo vangamanyisyania ukuti u Mulungu ninyove yakwe akuvapa uwakuvasatula, loli vatahazyaganyaga. ²⁶ Pisiku ilinji ahenya avantu vavili vakulwa pe ahayezya ukuvalesya nukuviha umutende pakasi pavo, ahati, 'Mwe vantu, mwe vana va muntu; shoni she mukuvulazyania woka nuwamwavo? ²⁷ ''Pe woka we amwanzite umupalamani wakwe ahamusunchilizya, na ahati, 'Wunanu akusevile iwe ukuti uve wakulamula nukutulonga iswe? ²⁸ Ukwanza ukungoga ine, ngati she wamugozile umu Igiputi mavwila?' ²⁹ U Mose ahashimbila lwe ayivuye ukuyanga uku, pe ahava mujeni munsi ya Midya, kwe ahima wu tata wa vana vavili avalumendo. ³⁰ ''Lwe amaha 40 gasila, uhavizya ahamuvoneshela kukwakwe muljugwa iya igamba lya Sinayi, muhavele hamoto muntundu. ³¹ Lwe u Mose ayenya umoto, ahasukumila kuminso gakwe; lwe akupalamila kupipi lwe akwenyelezya shenesho, pe lihinza izwi lya Mwene, lihati, ³² 'Ine ne Mulungu wava tata vaho, uMulungu wa Abulahamu, nu Yisikaka, nu Yakovo.' Umose ahatetema atahajendelela ukwenya. ³³ ''Pu Mwene ahayanga kuwuyo, 'Yefya insapato kufuma kuvinama vyaho, pakuti uvuyo vwe wimiliye vufinjile. ³⁴ Nenya ukuyimba kwa vantu wane ve vali mu Igiputi; nimva ukulila kwavo, pe niha pansi ukuvapoha venevo; ishi nzaga, inti inkutume ku Ijiputi.' ³⁵ ''Umose wununo we vahamuhana, lwe vahati, 'Wunanu akusevile iwe ukuva we wakulamulila nu kulonga?'-we wunuyo wu Mulungu ahamutuma ukuva mulamulili muposhi wavo. Umulungu ahamutuma ninyove yahavizya we ahavoneshela kwa Mose muntundu. ³⁶ Umose ahavalongozya ukufuma mu Ijipiti, lwe avonvile amafindango ni visukumizyo mu Igipiti napa sumbi wamatete, namulugwa gala 40. ³⁷ ''We wulanye Umose we ahayanga ku vantu va Isilayeli, 'Umulungu alimunyamusya umukuvwi wimwe ukuvafumya pakasi pa vamwinyu, umukuvwi ngati nene.' ³⁸ Uno we muntu we amali muve vavungine mulugwa poka nuhavizya we ahayanga ku wuyo pigamba lya Sinayi, we alipoka nu tata witu, ve vahaposhela izyi ilanzi nukutupa iswe. ³⁹ ''Loli avatata vitu vahahana ukumwivwila wenewo; vahamusunchila wenewo ukufuma kuvavo, mumoyo gavo vagalusile ku Igipiti. ⁴⁰ Pahavalilo hala he vahayanga kwa Aroni, 'Tupanjile isye ava mulungu ve valitulongozya iswe. Ngati she Umose, we ahatulongozya ukufuma ku Ijipiti, tutamumanyile zye zyavombwa kukwakwe.' ⁴¹ Pe vahapela ishingwada munsiku zila vahaleta nimputile ku shiholanio shila, nukuseshelela shifukwa sha mbombo zya nyove zyavo. ⁴² Pe loli u Mulungu ahavigalula nukuvapa venevo ukuputa inzota zyakumwanya, ngati she zyasimbiwe mwa kalata wava kuvwi, 'Muhatela mwamfumizya ishinyama she mwavola ni mputile kukwane lwe muli mulugwa amaha 40, nyumba ya Isilayeli? ⁴³ Muhitishizya ihema lya Moleki pene luzota ulwa shilungu sha Refani, niviholanio vye mwagomvile nukuviputa vyenevyo: pe ndivanyamula imwe ukuvatwala ukuvatwala kushila ku Babelini.' ⁴⁴ '''Avatata vitu vamile nihema ilya nsimishizyo mulugwa, ngati she u Mulungu ahamuhomeshezya pe ahayangaga kwa Mose, ahondeye ukugomba ngati mwe azyenyezizye. ⁴⁵ Pisinda, avatata vitu, pansi pa Yoswa, vahaposhela ihema nukuletapoka navopa vasenzete nishuma sha munsi. Umulungu ahasenda insi ukufuma munkolo nukuvasamya mumo pantanzi paminso gatata witu. Ihema lihasyala munsi poka pahavalilo ha Deveti, ⁴⁶ we ahaga umwavi paminso ga Mulungu, pe ahavuzya inga agaga wuyo uwakuti azenje inyumba ya Yakovo. ⁴⁷ Loli uSolomoni we ahazenga inyumba ya Mulungu. ⁴⁸ ''Nape vuli, umulusyi nuwakumwanya atakwihala munyumba zye vakuzenga ninyove, inza she umukuvwi akuyanga, ⁴⁹ 'kumwanya kwe kuli ishitengo shane, pe insi hatengo havina vyane. Pe nyumba ya havele vuli ye mungazenjela ine? akuyanga umwene, pamo vuyo vuli vwe ningatunza? ⁵⁰ Vuzye nyove yane yihapela vyonti vinivi?' ⁵¹ '''Mwe vantu vansingo ingomu, mwe vasita vuvolya mu moyo na makutwi , shima mukumuhana umupepo umufinjile, mukuvomba ngati she avatata vinyu vahavombaga. ⁵² Vakuvwi vuli ve avatata vinyu vatahavayimva? Vahavagoga avakuvwi ve vavonesheye pantanzi pa mugolosu we akwinza, pe ishi mwana mwe vakumwanila na vagozi vawuyo wope, ⁵³ imwe mwe vantu mwe muposheleye uluhomelezyo lwe avahavizya vahavalota, loli mutahalusunga lwenelo.'' ⁵⁴ Pe lwe ava munyumba ya valongozi vivwa ivintu ivi, vahavolwa mumoyo, pe vahasimpa amino gavo kwa Setefani. ⁵⁵ Nkandi uwene, lwe ayizuye numupepo umufinjile, pe ahenyelezya kumwanya pe ahenya uvushindamu vwa Mulungu; pe ahenya u Yesu ayimiliye kunyove iya malyelo iya Mulungu. ⁵⁶ Usitefani ahati, ''Yenya, kwenya kumwanya kwigusile, nu mwana wa muntu ayimiliye ku nyove iya malyelo iya Mulungu.'' ⁵⁷ Pishi ava munyumba ya valongozi vahigalil amakutwi gavo, nu kwitizya nizwi ipiti, nukushimbilila kuwuyo nimfundo yoka. ⁵⁸ Vahamukwekwesa ukufuma munkaya nukwanda ukumutinja namavwe.pe avahomi vahagona pansi kunzi vakugwinchila ivinama vya mulumendo izina lyakwe wu Wawuli. ⁵⁹ Pe vahamutinzania Usitefani namavwe, pe ahitizyaga kwa Mwene ukuti, ''Mwene Yesu, poshela umuzimu wane.'' ⁶⁰ Ahasugamila pansi nukwitizya nizwi ipiti, ''Mwene, utahavishe uvutalamalandu uvu pavavo, ''Lwe ayanzile izi, pe ahagwa nukufwa.