¹ Ishi mumasiku ganaga, lwe imbazyo iya vapositili yikuzuva, ukuyilizania ukwa va Yuda ava ku Gelesiya vahanyamushila ava Hebeli, pakuti avafwilwe vavo vahavasulaga lwe vakugavana ivya vwila. ² Vala 12 vahalyita ipuga ilya vapositili vahati, ''Shitakuva ahinza kuliswe ukulileha izwi ilya Mulungu ukuti tuvombelaje vye vitala. ³ Pe ishi musale, av amwinyu, vave 7 ukufumas mulimwe mweka, avanavuli ava havoneshele ahinza, vevuzuye nu mupepo uwa njele, ve vakwanzikwa tuvimishe pa mbombo ino. ⁴ Pe iswe, ahavalilo honti twandi tujendelele ni mputo nakwe kulumbilila izyi.'' ⁵ Pe uvuyanzi vwavo vuhalihovosya ipuga lyonti. Pe vahamuseva u Sitefani, umuntu we ayizuye nu lwitiho nu mupepo umufinjile , nu Filipu, nu Polokolo, Nu Nikanolo, nu Timoni, nu Palamenasi pe nu Nikolasi, umwinjilizilwa uwa mu Antiyoki. ⁶ Pe avitisi vahavaleta avanavuli ava kuva positili, ve vahava putila nu kuviha inyove zyavo pali vavo ⁷ Pe izwi lya Mulungu lihapitilila ukusata, pe nimbazyo iya vapositili mu Yerusalemu yihavula nkani, naye mbazyo impiti iya vaputi yihava nu mushinzi ku lwitiho. ⁸ Ishi u Sitefani, we ayizuye nu vwila na maha, ahavombaga ivisukumizyo ivipiti nivimanyisyo muva v antu. ⁹ Pe pala vahanyamuha vamo avantu vevali va kusinagogi likwitwa u Sinagogi wa vantu avasatushe, navamu Sayireniya nava Alekezandiliya, vamo vafumile ku Siliya naku Asiya. Avantu ava vahanzanyaga nu Sitefani. ¹⁰ Nkandi avene vatahondeye ukuti vangazivushila injele nu mupepo pa zye u SDitefano aziyanzile. ¹¹ Pe avene vahavaveka vamo avanavuli vati, ''Tumwivuye u Sitefani akuyanga amazwi aga kumusamula nukumuvushila Umose naga kumuvushila uMulungu.'' ¹² Avene vahavundula avantu, avasongo, nava simbi, pe vahamufiha u Sitefani nukumulema uwene nukumuleta pilongolela ilya nyumba ya vulongozi. ¹³ Pe avene vahaleta uvwa home uvwa malenga, ve vahati, ''Umuntu uno atakulehas ukuyanga amazwi gegakuvushila uvuzilo uvufinjile ni nkomelezyo. ¹⁴ She tumwivuye uwene akuti Uyesu uno uwa mu Nazaleti alivunangania uvuzilo uvu nukugandula amiho gonti ge u Mose atupiye iswe.'' ¹⁵ Wonti wula we ayihaye mu nyumba iya vulongozi vahenyelszya aminso gavo pa pakwe pe vahenya isheni shakwe shihavoneha inza shavahavizya.