¹ Lwe shadumulwa ukuti tulovoshe ku Italiya, vahamutawala u Pavuli navamo avakungwa kwa mulongozi wa vasikali izina lyakwe Juliyasi wa vulamulili vwa impeliyo. ² Tuhayipashila mu Meli kufuma ku Adulamatiya ye yali yivalaje muluvazu mwa Asiya. Pe tuhavala mwa sumbi. u Alisitaliki uwaku Tesalonika mu Makedoniya ahajenda poka niswe. ³ Isiku ilyamwavo tuhafuha munkaya ya Sidoni, uku kwe u Juliyasi ahamusunjilila u Pavuli nuvwila havili ahamwitishizya kuvala kuvamanyani vakwe kuposhela uvutuli. ⁴ Kufuma apo tuhivala kwa sumbi tuhashilingania muntende mushiyumba sha Sayipulasi, kupipi ku nsungo, mulandu inkungu yatuvushile iswe. ⁵ Lwe twalamba usumbi tuhashilingania u Kilikiya nu Pamfuliya, pe tuhafiha pa Mila, inkaya ya Likiya. ⁶ Kwekula umulongozi wa vasikali ahayaga imeli kufuma ku Alekizanda ye yanyamusile ukuvala ku Itali. Ahatuviha iswe mumo. ⁷ Lwe tukujenda hansi hansi munsiku inyinji pe kuvumalilo tuhafiha umwakuyimba kupipi kupipi ku Kinayida inkungu yitahatwitishizya kuvala idala lila, pe tuhajendaga muvuzijilile muluvazu lwa Kelete, kulungama ku Salimoni. ⁸ Tuhajenda muluvazju nuvugomu, mpaka tuhafiha kuluvazu vumo izina Feya Havenizi, vwamile kupipi Kunkaya yaku Laseya. ⁹ Pe twamile kuti twadila nkani, ahavalilo ha ukufunga kwa va Yuda hasizile, pe ishi kuhinza kwava havivi ukujenda pe u Pavuli ahavasoha, ¹⁰ pe ahati, ''Vanavuli, ine nkwenya ukuti uvulendo vwe twakuva navwo vwandi vuve vwavivwalalo nukunanjiha ukupiti, te vililo ni meli yeka, nkandi nuvulanzi vwitu vwelele. ¹¹ Nkandi umulongozi va vasikali we ahatejelezya nkani izya songo wakwe na kumwenesho wa meli ukushila zye aziyanzile u Pavuli. ¹² Pamulandu uvwihalo vwavo vazile vuvivi ukudila mulupepo, ava meli avinji vahavavuzyaga ukuti vepaje kuko, nkandi mwidala lyonti pala tungafiha mu nkaya ya Fonikisi, akudila ulupepo kwekula. Fonikisi vwihalo mu Kelete, vukuposhela zyonti inkungu kufuma kuvuswelo kunyove ya mongo na kuvuswelo kunyove ya kundyelo. ¹³ Lwe inkungu ya kumongo yihanda ukupupa hansi hansi, avahakwela va meli vahasivilila kuti vakushaga she vahashanzaga. Vahakwesa inyagulo nukujenda muluvazu mwa Kelete, kupipi nishipuma. ¹⁴ Lwe ahavalilo hajenda ahafupi, ahavulungwa ahapiti nkani, he hakwitwa Elakiloni, yihanda ukuhoma kufumila mu nsungo. ¹⁵ Lwe imeli yalemwa na mavilingwa havili kuti yitanga pola ukulungama inkungu, tuhaleha amavilingwa gajenda pe tuhavalaga kwe gakuvala. ¹⁶ Tuhajenda mushiyumba shaha nsungo ahansi he hakwitwa Kavuda, na muvugomu, pe tuhayikungula ukulipoha iboti. ¹⁷ Lwe vazuvya pa shipuma imeli vahapinyilila inkusa kukunjila imeli. Vail nilyoga ukuti vashimbilile mwa Senga wa Satisi, pe vahisha inkusa nukuvambala. ¹⁸ Ilelo lwe kwali ukulwana ukuyitehamya inkungu isiku ilya kulandata vahanda kusumbila amazigo gavo muminzi. ¹⁹ Pisiku lya vutatu avahakwela ava meli vahasumba ivyakuvombela ivya meli vavo ninyove zyavo. ²⁰ Lwe izuva ninzota zitakulamila ku masiku ge minji, havili amavilingwa gope gashili gakutuhoma, ulusuvilo ulyakuti tungapona lwinzile lwepa. ²¹ Pe lwe vadiliye ukujenda shisita ishakulya, pe u Pavuli ahimilila pakasi pa vahakwela va meli nukuti, ''Vanavuli, nge mwanivwa ine, ukuti tutahepe mu Kelete, ishi nge tutahomana nuvuvulale uvu nakwe kunanjiha kwa vintu. ²² Ishi nkuvalava ukuti mujimbaje, she tukuve ukunanjiha ukwa uvulanzi palimwe, nkandi kwe kunanjiha kweka ukwa meli. ²³ Isha vusiku uvwa mavwila uhavizya uwa Mulungu kwe nine ndinuvulilani, havili we nkumuputa- uhavizya wakwe ahimilila paluvazu paline ²⁴ pe ahati, 'Utahanyilaje, Pavuli. Uhondeye uyimilile pantanzi lya Kayisala, yenya, uMulungu muvwila vwakwe akupiye vonti ve ukujenda navo. ²⁵ Pe ilelo jimbaga, vanavuli! she nkumusuvila uMulungu ukuti zilivombwa ngati she zyayanzilwe kuline. ²⁶ Nkandi iswe kwe tupatile pa nsungo yimo. ²⁷ Lwe amasiku 14 agavusiku gafishiye, pe twashili tukudendemulwa uku nuku mwa sumbi wa Adiliyatiki, ukufishila uvusiku pakasi avahakwela vasivile ukuti avene vapalamila ku tumo utwaya. ²⁸ Pe vahasenda ishipimilo vahavazya muvwivizu 20; lwe vasenjeleye hansi, vahasenda ishipimilo vahavwaga uvwivizu 15. ²⁹ Pe vanyizile ukuti vangayibumiuzya mu mavwe, pe vahisya ivyakwimishila 4 ukufuma kwisinda nukuputa ukuti inzanchi yifishe luvilo. ³⁰ Avahakwela vahanzaga idala iya ilya kuyileshela imeli pe visizye a voti ahakuvapeshela mwasumbi, vahavanga ngati vakusumba pansi ivyakwimishila kuluvazu ulwa kwilongolela. ³¹ Nkandi u Pavuli ahayanga kwa songo uwa vasikali naku vasikali, ''Sheka avanavuli vanava vasyale mu meli, imwe temupone.'' ³² ''Ishi pe avasikali vahadumula inkusa izya vwato pe vahalileshela. ³³ Lwe izuva lyavoneha, u Pavuli ahavagomya vonti ukuti valye ishakulya, ahati, ''isiku ili lisiku lya vu 14 she mukulindilila havili mutakujenda ni vyaulya- pe imwe mutaliye nashimo. ³⁴ Nkuvalambilizya ukuti mugavane shimo ishakulya. she uku kwe kupona kwinyu. She nawumo palimwe we alisovezya ulusisi loka ukufuma kwitwe lyakwe. ³⁵ Lwe aziyanzile zinizi, ahasenda umukate nukumusalifwa uMulungu paminso aga wonti wula. Pe ahamensula umukate nukwanda ukulya. ³⁶ Pe avene vonti ahavagomya pe vope vahasenda ishakulya. ³⁷ Iswe swamile imizimu 276 mu meli. ³⁸ Lwe valya vikuta, pe vahayipepusya imeli pakusumbila ingano mwa sumbi. ³⁹ Lwe kwali musanya, vatahinza vayimanya insi, nkandi avene vahenya uvusosonchezu vwe vwali nu lusenga, pe avene vahayanjizyania inga vangakwanilisya ukujenzya imeli ukuyikwezya papo. ⁴⁰ Pe vahadumula nukuvizevya ivyakwimishila nu kuvileha mwasumbi. Muhavalilizyo hanaha vahazizevya inkusa izya mapanda pe vahakwezya ishimwenda ishakujendela kulusenga. ⁴¹ Nkandi imeli yihapunula pa lusenga yihalimbila pansi. Ishipulo shihasimpa papo pe yihaleha ukujenda, isha kunsizi shihavunziha nukututa ukwa mavilingwa. ⁴² Ulwene uluvatiho lwa vasikali lwali lwakuvagoga avakungwa kwe kuti patahave inga woka mu vavo we asave pamo ashimbile. ⁴³ Nkandi umulongozi wa vasikali ahanzaga amuposhe u Pavuli, pe ahashilesya she vashivatisile, havili ahavalajia ve vangasava nukutalishila ukudomoha nukufuma lunsi. ⁴⁴ Ilelo avanavuli vonti valandite, vamo pamatabwa, na vanji pa vintu ivinji ukufuma mu meli. Mwidala linili shihavombwa ukuti swenti iswe tuhafiha ahinza kunsi.