¹ Ilelo, u Fesitasi ahinjila munkaya, lye gajenda amasiku gatatu, ahavala ku Yerusalemu. ² Avaputi avapiti nava Yuda vahatwala amalandu ga Pavuli kukwakwe, vahamulava u Fesitasi umwamushinzi- ³ Vahamulambilizya ukuti vamutwalaje u Pavuli ku Yerusalemu, she vahasenganiaga ukumugoga mwidala. ⁴ U Fesitasi ahamula ukuti u Pavuli vamulemile mu Kesaliya, pe nuwene wuyo ahavalaga shinishi kwekula. ⁵ "Pelelo, vala ve vangakwanisya,'' ahati, ''Vavale kula niswe. inga shimo ishivivi shilipo nu muntu uno, mumulonje.'' ⁶ U Fesitasi atahihala namasiku 8 pamo 10 pe ahishila ku Kesaliya, isiku lya ndavi lyakwe ahihala pa shitengo sha vulonjelo ahalanjila ukuti vamutwalaje u Pavuli kukwakwe. ⁷ Lwe afisile, ava Yuda kufuma ku Yerusalemu vahimilila kupipi nawo, vahatwala inongwa inyinji impiti nazye vatangalingania. ⁸ U Pavuli ahayitula weka ahati, ''Ntananzile nashimo ishakuvushila indajilo izya va Yuda pamo izya kuvushila itempeli pamo izya kuvushila u Kesali.'' ⁹ Uwene u Fesitasi ahanzaga ukuvalonjela ava Yuda, pe ahamwamula u Pavulu ahati, ''Ukwanza ukuzuva ku Yerusalemu ukuti imbe inkulonje pazinizi kwekula?'' ¹⁰ U Pavuli ahati, ''NKwimilila pilongolela pashitengo shakulonjela isha Kesali pekwe ndongwaje. Ntavananjiye navamo ava Yuda, inza she niwe umanyile. ¹¹ Pope inga mbomvile havivi na inga nanzile isha kukwana kungoga, ntakuhana ukufwa. Loli inga zye vakundonjelela zya malenga, nawumo we angandemeha munyove zyavo, nkondeye ukufiha kwa Kesali.'' ¹² Lwe u Fesitasi ayanga ku vahombe, ahamula, ''Iwe wayiyanjila kwa Kesali. Kwa Kesali ulivala!'' ¹³ Ilelo lwe gajenda gamo amasiku, umwene u Agilipa nu Belenike vahafiha mu Kesaleya ukumusyungula u Fesitasi. ¹⁴ Lwe vava kwekula insiku inyinji, u Fesitasi ahatwala inongwa ya Pavuli kwa Mwene; ahati, ''Úmuntu wumo vahamuleha apa nu Feliki ngati mufungwa. ¹⁵ Lwe ndi mu Yerusalemu, umuputi umupiti navasongo vava Yuda vahaleta inongwa kumuvushila umuntu uno kukwane, vahalava ukuti imulongaje uwene. ¹⁶ Nkavamula avene ukuti te lulajilo ulwa sweva Roma ukumulemeha wumo munongwa zye ali nazyo kuve vakumulonga nukumuposhela ulongo lwa kuyilonjela weka ukuvushila uvunanzi. ¹⁷ Pelelo, lwe vinza poka ipa, ntahalindilila, loli isiku ilyamwavo nkihala pa shitengo isha kulonjela nkalajila ukuti vamuletaje umu. ¹⁸ Lwe avamalandu vimiliye, vatamwazile nuvutala malandu navumo. ¹⁹ Avene, vali nage madali aga miho gavo aga kuputa nizya Yesu we ahafwa, we u Pavuli akulumbilila ukuti mupuma. ²⁰ Ntamile uwakuti ningalondelezya izya mulandu uno, pe nkamuvuzya ukuti inga angagana ukuvala ku Yerusalemu ukuva kulonjela inongwa ino. ²¹ Lwe u Pavuli ayiyanga ukuti avanje muvufungwa pe akulindilizya uvwamuzi kuva songo, nkamuvuzya ukuti ave muvufungwa mpaka pe ndimutumaga kwa Kesali.'' ²² U Agilipa ahayanga kwa Fesitasi, ''Ningamutejelezya nine umuntu wununo.'' ''Indavi,'' U Fesitasi ahati, ''Ulimutejelezya.'' ²³ Pe pisiku ilya mwavo, u Agilipa nu Belinike vahinza ukuseshelela ukupiti: vahinjila mwiyumba poka navasongo na vasikali poka na vasongo vamunkaya. Lwe u Fesitasi ayanga ululajilo, u Pavuli vahamuleta kuvavo. ²⁴ U Fesitasi ahati, ''Umwene Agilipa navantu vonti ve vali niswe, mukumwenya umuntu uno; ipuga lyonti ilya va Yuda lihanita ine mu Yerusalemu na panapa, vahampunda kwine ukuti atahavanje mupuma. ²⁵ Nkamanya ukuti atananzile nashimo she shingamutwalila kuvufwe; pakuti ahayiyanjila kuva lamulili, nkasiva ukumutuma uwene. ²⁶ Loli ntali nasho nashimo she ningasimba kwa Mwene. Pashifukwa ishi, mulesite kulimwe, nkani nkani kwiwe, Mwene Agilipa, ukuti imbanje nazyo inyinji izya kusimba izya mulanda. ²⁷ She shitakumpa injele ine ukumutuma umufungwa she ntayanzile inongwa zye alinazyo.''