¹ Lwe gajenda amasiku 5, u Ananiya uwa shiputo umupiti, na vasongo vamo, nu muyanga malandu woka we ahitwaga u Telituliwope ali papo. avantu ava vahamulonjelela u Pavulo kumusungansi. ² Lwe u Pavuli ayimilila pantanzi pa musungansi, u Teltuliahanda ukumulonjelela ahatikwa musungansi, ''Mulandu waho she insi ino yihaye yihaye umutende, munjele zyavo ulesite ivintu ivyinza kunsi yitu; ³ pe swenti tukukusalifya nukuposhela vye ukuvomba, we wakushindikwa Felikisi. ⁴ Ilelo she nkuti ntakuhavye, nkukulava mu vwila vwaho ukuti utwivwe muvufupi, ⁵ pakuti twamwaga umuntu uno ukuva mpenya havili we akuleha swenti swe vayunda munsi yonti yapansi ukuti Tuvushile. We mulongozi vahavungatila hava Nazareti. ⁶ Havili ahanzaga nu kusamula itempeli, pe tuhamulema, tu hanzaga nukuti tumulonje ukuyana ninkomelezyi zyitu. ⁷ Pe u Lisiya, umusilikali umuputi wavasilikali, ula ahinza kumaha nu kumusompola munyove zyitu, ⁸ Ahalajila ukuti vonti ve vakumulonga vafishe kukwaho. Lwe ukumuvuzilizya u Pavuli kumulandu wizi, wandi umanye zyonti she tukumulonjelela.'' ⁹ Nava Yuda vahinjilila pakumulonga, ukusimishizya ukuti zye vakuyanga zya mwemumo. ¹⁰ Lwe umusungansi amupalizya u Pavuli ukuti ayanje, u Pavuli ahamula, ''Nzimanyile ukuti kumaha aminji wamile we mulonzi munsi ino, pe nkulingania nuluseshelo kuliwe. ¹¹ Uzimanye ukuti gatajenzite amasiku ukushila 12 pe navazile ukuputa mu Yerusalemu. ¹² Lwe vanazile mu tempeli, ntahadaliha nkani nawo na wumo, havili ntahavundulaniaga nimpuga awe, pamo nanti mwe muma sinagogiawe, namwe munkaya vulo. ¹³ Zyope nazye vakundonga vatanga zisimishizya kukwaho. ¹⁴ Loli nkwitiha izi kuliwe, ukuti ukuyana nidala lye vakuti havungatila, pakuti nine mwidala lyoka vulo kuvombela u Mulunguwava tata. Kwitinkanana zyonti inkomelezyo na zyointi zye zisimvilwemu vakuvwi. ¹⁵ Ndimulisuvilo luli loka mwa Mulungu ngati vantu ava, nukuti kulipo ukuzyuha kwa vonti ava finjile nava talamalandu. ¹⁶ Pe shima nkulwisya ukuti ntahave nashimo ishakundonga pantanzi pa Mulungu na vantu. ¹⁷ Ishi lwe kwajenda amaha aminji nkinza ukuleta ivya vwila kunkaya yane nukuleta ivwa kufinjila. ¹⁸ Lwe navomba izi, ava Yuda vamo ukufuma ku Asiya vanazile ndi muluseshelo ulwa kuyizelafya mu tempeli, ntali nimpuga pamo umuvwalanga. ¹⁹ Avantu ava vahondeye ukuva pantanzi yaho shinishi nu kundonga ine, inga vamili nashimo. ²⁰ Pope, nivya vwelele vayangaje zye vazivwenyi ngombanu muline lwe nimiliye pantanzi pi lonjelwi lya vayuda, ²¹ ''Pamo sheshino shoka she nahoye lwe nimiliye pakasi pali vavo, izya kuyana nuluzyuho lwavafwe pamo zye nkulongwa pantanzi paliwe ilelo ili.'' ²² Pe u Feliki, we amanyisiwe nkani izyidala ili, ahimisya inongwa. ahati, ''Pe u Lisiya umupiti wa vasilikali ayinza ukufuma ku Yerusalemu, pe ndimalizya inongwa yinyu.'' ²³ Pe ahalamula umusilikali jukuti u Pavuli asungwe mujele, loli ave nuvusatushe vumo kwe kuti nawumo uwa vamanyani vakwe atahaniziwe ukuti amwavwe shakwanza. ²⁴ Lwe amasiku gamo gajenda, u Feliki ahagaluha nu Dulusila umushe wakwe, we ali munyumba, ahamwita u Pavuli nu kwivwa ukufuma kuli wuyo izya lwitiho mwa Yesu Chilisiti. ²⁵ Loli lwe u Pavuli akuyanga nawo izya vugolosu, ukuyilesya, nu vulonzi vwe vukwinza, u Felikisi ahatetema ahati, ''Ishi fuma, loli inga nava nahavalilo pisinda, ndikwitizya. ²⁶ Ahavalilo hoka hanaho ali nulusuvilo ukuti u Pavuli angamupa indalama, pe ahamwitaga shima nu kuyanga nawo. ²⁷ Loli lwe amaha 12 gajenda, Poliki pesiti ahava musungansi muvuzilo vwa Feliki, loli uwene u Feliki, ahanza uvwinza nava Yuda, pe ahamuleha u Pavuli akunzilwe,