¹ U Pavuli ahalutontomela uluhomano lwa vasongope ahayanga ahati, ''Mwe vamwitu, tendime pilongolela pa Mulungu mu zyonti ne muzelu muhenyezye mpaka pisiku ili.'' ² Pe uwashiputo umupiti u Ananiyasi ahavalanjizya vala ve vapalamine nawo ukwimilila ukuti vamuhome kwilomo. ³ Pe u Pavuli ahayanga kuwuyo, ''Umulungu avala kuva nangania, web musansilwe ibanya fwe ngati luvumba. Mwihaye ukundonga pa nkomelezyo, pe mukundamula ine ukuti inkomwe, nkulimbana nululajilo?'' ⁴ Pe avene ve vapalamiye nawo ukwimilila vahati, ''Mwemwe mukumulijila uwashiputo umupiti wa Mulungu?'' ⁵ U Pavuli ahati, ''Ntamanyile, vamwitu, pakuti washiputo umupiti. She lisimbilwe, tuhayanje ishivivi kumulongozi wa vantu.'' ⁶ Ilelo u Pavuli ahenya uluvazu loka ulwa vashiputo luhava lwava Sadusayi nulunji lwava Falisayi, ahayanga nkani muluhomano, ''Vamwitu, nemu Falisayi, umwana wamu Falisayi. Pashifukwa she ndinasho ukuti avafwe valizyuha lwe nkulongwa.'' ⁷ Lwe ayanzile zinizi, ukugalulilana kuhandapakasi pa va Falisayi, nava Sadusayi, pe impuga yihatampunkana. ⁸ She ava Sadusayi vakuti kute kuzyuha, avahavizya navavo, numupepo nawumo, nkandi ava Falisayi vahazimanya zyonti. ^{9 10} Pe ahalanga ahapiti nkani hahavombwa, pe vamu avamanya kalata vali kuva Falisayi vimiliye nukudalinkana, vahati, ''Tutazile nashimo ishivivi mumuntu uno. Apene lelo nga mumupepo pamo wuhavizya ayanzile ku wuyo?'' Lwe amadali amapiti gavusile, pe umuputi wa vasikali ahogopa ukuti u Pavuli vangamunyonkolania, pe ahavalajilizya avasikali ukuti vishe pansi nukumusenda pamaha kufuma muvasongo vashiputo, nukuvala navo mwilinga. ¹¹ Pavusiku uwunji umwene ahimilila paluvazu nawo nukuti, ''Jimbaga iwe, inga she uhankomeshezya ine mu Yerusalemu, uve unkomeshezye havili mu Roma.'' ¹² Lwe pinzile isiku, ava Yuda vamo vahitinkana nukwitwala veka ukulapa, nukuti tevalye nanti kung'wela shimo peka peka vamugoga u Pavuli. ¹³ Avene lelo lwe valafile ishilapo shinishi uvwinji vwavo vwalusizye 40. ¹⁴ Ve vahavala kuva shiputo avapiti na kuvasongo vahati, ''Tulafile ishilapo ishipititetulye nashimo lole pala twamugoga u Pavuli. ¹⁵ Ishi lelo, kufuma apo, leha uluhomano lwa vasongo mumuvuzye umupiti wa vasikali amulete kumwinyu, muve fwe ngati mukwasnza ukuvuyizya ukwivwa ahinza amalandu gakwe. Pe iswe, tuyisenganizye kumugoga pe ashili atafisile uku.'' ¹⁶ Lwe umwipwa wa Pavuli ayivwa iyevo lyavo, pe ahavala ahinjila mwilinga nukumuvuzya u Pavuli. ¹⁷ Pavuli ahamwita umulongozi wa vasikali woka, ahati, ''Umutwale umulumendo uno kumupiti wa vasikali, ali nasho shimo isha kuvavuzya.'' ¹⁸ We vahamusenda nukuvala nawo kumupiti wa vasikali nu kuti, ''U Pavuli umukungwa ahankolela ine, ukuti umulete umulumendo kukwaho. Ali na vimo ivya kuyanga kwiwe.'' ¹⁹ Pe umupiti wa vasikali ahamulema inyove kuvalakuvuzigamu nukumulalusya, ''Shoni she uli nasho she ukwanza umbuzye?'' ²⁰ Umulumendo ahati, ''ava yuda vitinkine ukuti valambilizye kukwaho ukuti shandavi inzanchi umutwale u Pavuli kuluhomano lwa vasongo vavefwe ngati vakuvuyizya ukwivwa ahinza umulandu wakwe. ²¹ Nkandi iwe utahinze uvape, she ve vamwivuliye valusizye 40 uvwinji ve vakulindilila wuyo. vavisile paveka veka ishilapo isha kusita kulya havili kung'wela peka peka pe vamugoga wuyo. Napa havalilizyo aha vayisenginie, vakulindilila kuti uva simishizye.'' ²² Pe umupiti wa vasikali ahamwitishizya ukuti umulumende ajende, vwe amulajilizizye, ''Utahamuvuzye nawumoukuti umbuzizye zinizi.'' ²³ Pe ahavita vamo vavili avalongozi va vasikali 200 avakuvala mu Kesaleya, nava Palasi70, navalema mpalala 200, mwavala kunyamuha ahavalilo havutatu uvusiku.'' ²⁴ Ahavalamula kuyanania inkanu zye u Pavuli avala kujendela nu kumusenda ahinza kwa Feliki umusungansi. ²⁵ Ahasimba ukalata inza she uno: ²⁶ "Kilavudi Lisiya we wemwinza umusungansi Feliki, nkulamuha. ²⁷ Umuntu uno ahakunjilwa nava Yuda nkandi vali papipi ukumugoga lwe ninzile kuvavo poka navasikali pe vahamuponia wuyo, she nivuye uku mu Roma. ²⁸ Pe nkati inzimanye zye vakumulonga, pe nkamutwala kuluhomano. ²⁹ Mwe nkaga vakumulonjelela muzya mulandu ga nkomelezyoi zyavo, nkandi vatalolesizye umulandu wa kumugoga inga wakumukunjila wumwo. ³⁰ Lwe vivwa ukuti vakwanza ukumwuvilila, mwaluvilo luvilo pe nkamutuma kukwasho pe mbahomelezizye ukuti vayanje kukwaho zye vakumulonjelela. Tuhalagana.'' ³¹ Avene avasikali vahivwila zye nahomelezizye. vahamusenda u Pavuli nukumutwala ku wuyo nuvusiku ku Antipateli. ³² Shandavi, avinji muvasikali vahavaleshela ava Falisi kuvala nawo avene vahagaluha mwilinga lyavo. ³³ Avene ava Falisi vahafiha ku Kaseleya vahamupa ukalata umusungansi, vahamuvonesya u Pavuli kuwuyo. ³⁴ Uwene lwe avazya ukalata, ahamuvuzilizya insi ye u Pavuli ahafumaga. Ilelo lwe ayivuye ukuti waku Kilikiya, ³⁵ pe ahati, ''Kwenkutejelezye pe avamulandu vafiha uku.'' Pe ahamulanjizya ukuti vamuvishe mwisaji lya Herodi, mwe vamusungaje.